1Ia ko ira era turaga qase e na nodra vale na luve i Kiliati na luve i Mekiri, na luve i Manasa, e na nodra veimataqali na luve i Josefa, era toro mai, ka vosa e na mata i Mosese, kei na matadra na turaga, na turaga qase vei ira na Isireli.
2Tiko 27.7Era sa kaya, “Sa vakarota ko Jiova vei iko na turaga mo solia na vanua e na vakawiri madigi, me ra taukena na Isireli; a sa vakarota ko Jiova vei iko na turaga mo solia nai votavota i Silofati na weka i keimami kivei iratou na luvena yalewa.
3Ia kevaka eratou na vakawati kei na tagane e na yavusa tani vei ira na Isireli, ena qai kau na nodratou i votavota mai nai votavota ni neimami qase, ka kau ki nai votavota ni yavusa eratou vakawati kina. Ia ena kau tani kina mai nai votavota keimami sa taukena.
4Ia ni na yaco na nodra jiupili na Isireli, ena qai kau na nodratou i votavota ki nai votavota ni yavusa eratou vakawati kina; ia ena kau tani na nodratou i votavota mai nai votavota ni yavusa ni neimami qase.”
5A sa vakaroti ira na Isireli ko Mosese me vaka na vosa i Jiova, ka kaya, “Sa dodonu na vosa ni nodra yavusa na luve i Josefa.
6Oqo na ka sa vakarota ko Jiova e na vukudratou na goneyalewa na luve i Silofati, ka vaka, ‘Me ratou vakawati kaya ga na tamata eratou vinakata; ia ki na dua na vuvale ni yavusa ga ni nodratou qase me ratou na vakawati kina.
7Me sega kina ni veikauyaki na nodra i votavota na Isireli mai na yavusa e dua ki na yavusa kadua; ia me ra taura vakadua ko ira na Isireli yadua nai votavota ni yavusa ni nona qase.
8Ia na yalewa yadua sa taukena e dua nai votavota e na dua na nodra yavusa na Isireli, me na vakawati kei na dua na lewe ni mataqali mai na yavusa ni nona qase, me rawa ni ra taukena tikoga kina na luve i Isireli kece sara nai votavota ni nona qase.
9Ia me kakua ni veikauyaki nai votavota mai na dua na yavusa ki na dua na yavusa tani; ia me ra taura vakadua ko ira na veiyavusa kecega ni Isireli na nodra i votavota yadua.’ ”
10Eratou sa kitaka na goneyalewa na luve i Silofati me vaka ka vakarota vei Mosese ko Jiova,
11ni ratou sa vakawati kei na luve ni tamadra lalai, ko Mala, ko Tirisa, kei Okila, kei Milika, kei Noa, na luve i Silofati eratou yalewa.
12Eratou sa vakawati e na nodra veimataqali na luve i Manasa na luve i Josefa, a sa toka ga na nodratou i votavota e na yavusa ni nodratou vuvale na qase.
13Oqo nai vakaro kei na lewa sa vakarota ko Jiova vei ira na Isireli e na gusu i Mosese mai na vanua bucabuca kei Moapi, ka sa voleka ki na Joritani ka donui Jeriko.
Who We AreWhat We EelieveWhat We Do
2025 by iamachristian.org,Inc All rights reserved.
