1A sa vosavakacacataki Mosese ko Miriama kei Eroni, e na vuku ni yalewa ni Kusa sa vakawati kaya ko koya, ni sa veiwatini kaya e dua na yalewa ni Kusa.
2A rau a kaya, “Sa vosa li vei Mosese duaduaga ko Jiova? Sa sega beka ni vosa talega vei keirau?” A sa rogoca ko Jiova.
3Ia ko Mosese sa uasivi e na yalomalumalumu, vei ira na tamata kecega sa tiko e vuravura.
4A sa vosa vakasauri mai ko Jiova vei Mosese, kei Eroni, kei Miriama, “Oi kemudou na lewe tolu, dou lako mai ki na vale ni veitavaki.” A ratou sa lako mai na lewe tolu.
5A sa lako sobu mai ko Jiova e na duru o, ka sa tu mai na katuba ni Vale tabu, a sa kacivi Eroni kei Miriama; a rau a lako ruarua mai.
6A sa kaya ko koya, “Drau rogoca mada na noqu vosa:
Kevaka sa tiko kei kemudou e dua na parofita,
oi au ko Jiova ka'u na vakatakilai au vua e na raivotu;
au na vosa vua e na tadra.
7 Ipe 3.2 Ia sa duatani ko Mosese na noqu tamata;
sa yalodina e na ka kece ni noqu vale.
8Au na vosa votu ga vei koya, ka veiraici—ka sega ga e na vosa vakaibalebale;
ka sa raica talega ko koya nai bulibuli i Jiova.
E vakaevei ni drau a sega kina ni rere ni vosavakacacataki Mosese na noqu tamata?”
9A sa waqa mai vei rau na cudru i Jiova; a sa lako yani ko koya.
10A sa lako tani na o mai na Vale tabu; ka raica, sa vukavuka mai ko Miriama, a sa vaka na uca-vulavula. A sa rai vuki vei Miriama ko Eroni, ka raica, sa vukavuka.
11A sa kaya vei Mosese ko Eroni, “Ulei, noqu turaga! Mo kakua mada ni sauma vei keirau nai valavala ca, keirau sa cakacaka vakalialia kina, ka sai valavala ca kina.
12Me kakua mada ni tautauvata ko koya kei na dua sa mate, a sa vuca eso na lewena ni sa lako mai na kete i tinana.”
13A sa tagi vei Jiova ko Mosese, ka kaya, “Au sa vakamasuti kemuni, na Kalou mo ni vakabulai koya mada.”
14Tiko 5.2,3A sa vosa vei Mosese ko Jiova, “Ena sega beka ni madua ka bogi vitu na yalewa, kevaka ka kasivi walega e matana ko tamana? Me sogolati tani bogi vitu ko koya mai nai bili ni tikotiko, ka sa oti me qai kau tale mai.”
15A sa sogolati tani bogi vitu mai nai bili ni tikotiko ko Miriama; a ra sa sega ni lako tu na tamata, ka me kau tale mada mai ko Miriama.
16Ka oti, era sa qai toki na tamata mai Eseroci, ka la'ki tiko e na vanua lala mai Perana.
Who We AreWhat We EelieveWhat We Do
2025 by iamachristian.org,Inc All rights reserved.
