Aisea 11 - Ai Vola Tabu (Vakadewa Makawa Vakavoutaki 2021)（FRV21）

Na Matanitu ni Bula Vakacegu kei na Sautu

1 Vtaki 5.5; 22.16 Ia ena tubu mai e dua na coke mai na dulumi i Jese,

ka na tubu cake mai na wakana e dua na tabana.

2Ka na tiko ga vua na Yalo i Jiova,

na Yalo ni vuku kei na lewa dina,

na Yalo ni vakavuvuli kei na kaukauwa,

na Yalo ni daukila-ka kei na rerevaki Jiova.

3Ena rekitaka sara ko koya na rerevaki Jiova.

Ena sega ni lewa ko koya me vaka na ka sa rairai walega vua,

se vunauca me vaka na ka sa rogoca e daligana;

4 2Cesa 2.8 ia ena lewai ira vakadodonu ga na dravudravua,

ka lewa vakadodonu e na vukudra na yalomalumalumu e vuravura;

ena yaviti vuravura e nai titoko ni gusuna,

ia e nai cegu ni tebenigusuna ena vakamatei ira nai valavala ca.

5 Efe 6.14 Ena kenai vau ni tolona na yalododonu,

kei na yalodina me nona i oro.

6 Aisea 65.25 Ia ena tiko vata na wolifa kei na lami,

ka na davo vata na lepate kei na luve ni me;

ena tiko vata talega na luvedratou na bulumakau kei na laione kei na manumanu uro;

ia ena tuberi iratou e dua na gone lailai.

7Ena kana vata na bulumakau yalewa kei na bea,

ena koto sobu vata na luvedratou;

ia na laione ena kania na co ni sila me vaka na bulumakau.

8Ena qito mai na qara ni gata na gone dramidrami,

ia ena tabaka e na ligana na qara ni gata daukata na gone sa qai kali.

9 Apa 2.14 Era na sega ni ia na veivakacacani se na veivakamatei

e na noqu ulunivanua tabu kecega;

ni na roboti ko vuravura e na veikilai kei Jiova

me vaka sa ubia na wasa titobu na wai.

Na Nodra Lesu Mai na Vo-ni-bula e Isireli kei Juta

10 Roma 15.12 Ia e na siga ko ya ena dua na coke kei Jese ena tu me nodra kuila na veimataqali; era na vakasaqarai koya ko ira na veimatanitu, ia na nona i tikotiko ena vakaiukuuku.

11Ia ena yaco e na siga ko ya, ena qai dodoka tale vakarua na ligana na Turaga, me vakabulai ira na kena vo ni nona tamata, na vo-ni-bula era sa vo tiko mai Asiria, kei Ijipita, kei Pacirosi, kei Kusa, kei Ilama, kei Saina, kei Emaci, kei na veiyanuyanu mai na wasawasa.

12Ia ena vakarewataka ko koya e dua na kuila vei ira na veimatanitu,

ka vakasoqoni ira vata na Isireli era sa muduki laivi,

ka na soqona vata ko koya na Juta era dui veiseyaki

mai nai yalayala vava kei vuravura.

13Ena takali talega na vuvu i Ifereimi,

ka ra na muduki tani na meca i Juta;

ena sega ni vuvutaki Juta ko Ifereimi,

ena sega talega ni vakararawataki Ifereimi ko Juta.

14A rau na vukaca na nodra i yalayala na kai Filisitia ki na ra;

erau na lomavata me vakacataki ira mai na tokalau.

Erau na tarai Itomi kei Moapi,

ka ra na talairawarawa vei rau ko ira na luve i Amoni.

15 Vtaki 16.12 Ena vakarusa sara ko Jiova

na toba ni wasawasa ni Ijipita;

ena yalovaka na ligana ki na uciwai

e na nona cagi levu;

ka yavita me vitu mada na kena soniwai,

ka kauti ira yani na tamata ka me sega ni suasua na yavadra;

16ia ena dua na nodra salatu mai Asiria

na vo-ni-bula era sa kena vo ni nona tamata,

me vaka sa dua na nodra na Isireli

e na siga era a lako cake kina mai na vanua ko Ijipita.