1A sa yaco e na siga sa vakaduria cake oti kina na vale ni Kalou ko Mosese, ka lumuta, ka vakatabuya, kei na kenai yaya kecega, kei nai cabocabo-ni-soro kei na kenai yaya kecega, ka lumuta, ka vakatabuya,
2era sa qai kauta eso nai madrali ko ira na turaga ni Isireli, ko ira ka liu e na veivale ni nodra qase, era turaga ni veiyavusa, ka sa lewai ira era sa wili.
3Io era sa kauta na nodra i madrali ki na mata i Jiova, e ono na qiqi-ni-yau sa vakaubi, ka tinikarua na bulumakau; e dua na qiqi-ni-yau sa nodrau e lewe rua na turaga, ka sa yadua na nodra bulumakau. A ra sa kauta ki na mata ni vale ni Kalou.
4A sa vosa vei Mosese ko Jiova, ka kaya,
5“Mo taura mai vei ira, me yaga e na cakacaka ni vale ni veitavaki; ia mo solia vei ira na Livai, vei ira na tamata yadua me rauta na nona cakacaka.”
6A sa kauta na qiqi-ni-yau kei na bulumakau ko Mosese, ka solia vei ira na Livai.
7E rua na qiqi-ni-yau ka va na bulumakau sa solia ko koya vei ira na luve i Kerisoni, me rauta na nodra cakacaka;
8ka va na qiqi-ni-yau ka walu na bulumakau sa solia vei ira na luve i Mirari, me rauta na nodra cakacaka, me lewa ko Icama na luve i Eroni na bete.
9Ia sa sega ni solia e dua ko koya vei ira na luve i Koaca, ni ra sa daucolata ga na ka sa nodra i tavi e na vale tabu.
10Ia ko ira na turaga, era a kauta na ka me vakatabui kina nai cabocabo-ni-soro e na siga sa lumuti kina; io sa kauta ko ira na turaga na nodra i madrali ki na mata ni cabocabo-ni-soro.
11A sa kaya vei Mosese ko Jiova, “Me ra kauta na nodra i madrali na turaga yadua e na nona siga, me vakatabui kina nai cabocabo-ni-soro.”
12Ia ko Nasoni na luve i Amenatave, e na yavusa i Juta, sa kauta na nona i madrali e nai matai ni siga;
13ia na nona i madrali sa dua na dari siliva, a kena bibi e dua na drau ka tolusagavulu na sikeli, e dua na bilo siliva sa vitusagavulu na sikeli, e vaka na sikeli ni vale tabu; sa sinai ruarua e na madrai droka vinaka sa veiwaki vata kei na waiwai, mei madrali laukana;
14e dua nai taki koula e tini na sikeli, sa sinai e na ka boi vinaka;
15e dua na bulumakau sa gone, e dua na sipi tagane, e dua na lami tagane sa yabaki dua, mei soro kama;
16e dua na me tagane, mei soro ni valavala ca;
17ka rua na bulumakau, e lima na sipi tagane, e lima na me tagane, e lima na lami sa yabaki yadua, me cabori mei madrali ni veivinakati. Oqo nai madrali i Nasoni na luve i Amenatave.
18E nai karua ni siga sa kauta nai madrali ko Nicaneli na luve i Suari, na nodra turaga na Isakari.
19Sa kauta ko koya me nona i madrali e dua na dari siliva, a kena bibi e dua na drau ka tolusagavulu na sikeli, e dua na bilo siliva sa vitusagavulu na sikeli, e vaka na sikeli ni vale tabu; sa sinai ruarua e na madrai droka vinaka sa veiwaki vata kei na waiwai, mei madrali laukana;
20e dua na nai taki koula e tini na sikeli, sa sinai e na ka boi vinaka;
21e dua na bulumakau sa gone, e dua na sipi tagane, e dua na lami tagane sa yabaki dua, mei soro kama;
22e dua na me tagane, mei soro ni valavala ca;
23ka rua na bulumakau, e lima na sipi tagane, e lima na me tagane, e lima na lami tagane sa yabaki yadua, me cabori mei madrali ni veivinakati. Oqo nai madrali i Nicaneli na luve i Suari.
24E nai katolu ni siga ko Iliavi na luve i Eloni, na nodra turaga na luve i Sevuloni:
25a nona i madrali sa dua na dari siliva, a kena bibi e dua na drau ka tolusagavulu na sikeli, e dua na bilo siliva sa vitusagavulu na sikeli, e vaka na sikeli ni vale tabu, sa sinai ruarua e na madrai droka vinaka sa veiwaki vata kei na waiwai, mei madrali laukana;
26e dua nai taki koula e tini na sikeli, sa sinai e na ka boi vinaka;
27e dua na bulumakau sa gone, e dua na sipi tagane, e dua na lami tagane sa yabaki dua, mei soro kama;
28e dua na me tagane, mei soro ni valavala ca;
29ka rua na bulumakau, e lima na sipi tagane, e lima na me tagane, e lima na lami tagane sa yabaki yadua, sa cabori mei madrali ni veivinakati. Oqo nai madrali i Iliavi na luve i Eloni.
30E nai kava ni siga ko Ilisuri na luve i Siteuri, na nodra turaga na luve i Rupeni:
31a nona i madrali sa dua na dari siliva, a kena bibi e dua na drau ka tolusagavulu na sikeli, e dua na bilo siliva sa vitusagavulu na sikeli, e vaka na sikeli ni vale tabu; sa sinai ruarua e na madrai droka vinaka sa veiwaki vata kei na waiwai, mei madrali laukana;
32e dua nai taki koula e tini na sikeli, sa sinai e na ka boi vinaka;
33e dua na bulumakau sa gone, e dua na sipi tagane, e dua na lami tagane sa yabaki dua, mei soro kama;
34e dua na me tagane, mei soro ni valavala ca;
35ka rua na bulumakau, e lima na sipi tagane, e lima na me tagane, e lima na lami tagane sa yabaki yadua, sa cabori mei madrali ni veivinakati. Oqo nai madrali i Ilisuri na luve i Siteuri.
36E nai kalima ni siga ko Silumieli na luve i Surisatai, na nodra turaga na luve i Simione:
37a nona i madrali sa dua na dari siliva, a kena bibi e dua na drau ka tolusagavulu na sikeli, e dua na bilo siliva sa vitusagavulu na sikeli, e vaka na sikeli ni vale tabu; sa sinai ruarua e na madrai droka vinaka sa veiwaki vata kei na waiwai, mei madrali laukana;
38e dua nai taki koula e tini na sikeli, sa sinai e na ka boi vinaka;
39e dua na bulumakau sa gone, e dua na sipi tagane, e dua na lami tagane sa yabaki dua, mei soro kama;
40e dua na me tagane, mei soro ni valavala ca;
41ka rua na bulumakau, e lima na sipi tagane, e lima na me tagane, e lima na lami tagane sa yabaki yadua, me cabori mei madrali ni veivinakati. Oqo nai madrali i Silumieli na luve i Surisatai.
42E nai kaono ni siga ko Eliasafi na luve i Tiueli, na nodra turaga na luve i Kata:
43a nona i madrali sa dua na dari siliva, a kena bibi e dua na drau ka tolusagavulu na sikeli, e dua na bilo siliva sa vitusagavulu na sikeli, e vaka na sikeli ni vale tabu; sa sinai ruarua e na madrai droka vinaka sa veiwaki vata kei na waiwai, mei madrali laukana;
44e dua nai taki koula e tini na sikeli, sa sinai e na ka boi vinaka;
45e dua na bulumakau sa gone, e dua na sipi tagane, e dua na lami tagane sa yabaki dua, mei soro kama;
46e dua na me tagane, mei soro ni valavala ca;
47ka rua na bulumakau, e lima na sipi tagane, e lima na me tagane, e lima na lami tagane sa yabaki yadua, mei cabori me madrali ni veivinakati. Oqo nai madrali i Eliasafi na luve i Tiueli.
48E nai kavitu ni siga ko Ilisama na luve i Amiute, na nodra turaga na luve i Ifereimi:
49a nona i madrali sa dua na dari siliva, a kena bibi e dua na drau ka tolusagavulu na sikeli, e dua na bilo siliva sa vitusagavulu na sikeli, e vaka na sikeli ni vale tabu; sa sinai ruarua e na madrai droka vinaka sa veiwaki vata kei na waiwai, mei madrali laukana;
50e dua nai taki koula e tini na sikeli, sa sinai e na ka boi vinaka;
51e dua na bulumakau sa gone, e dua na sipi tagane, e dua na lami tagane sa yabaki dua, mei soro kama;
52e dua na me tagane, mei soro ni valavala ca;
53ka rua na bulumakau, e lima na sipi tagane, e lima na me tagane, e lima na lami tagane sa yabaki yadua, me cabori mei madrali ni veivinakati. Oqo nai madrali i Ilisama na luve i Amiute.
54E nai kawalu ni siga ko Kamelieli na luve i Pitasuri, na nodra turaga na luve i Manasa:
55a nona i madrali sa dua na dari siliva, a kena bibi e dua na drau ka tolusagavulu na sikeli, e dua na bilo siliva sa vitusagavulu na sikeli, e vaka na sikeli ni vale tabu; sa sinai ruarua e na madrai droka vinaka sa veiwaki vata kei na waiwai, mei madrali laukana;
56e dua nai taki koula e tini na sikeli, sa sinai e na ka boi vinaka;
57e dua na bulumakau sa gone, e dua na sipi tagane, e dua na lami tagane sa yabaki dua mei soro kama;
58e dua na me tagane, mei soro ni valavala ca;
59ka rua na bulumakau, e lima na sipi tagane, e lima na me tagane, e lima na lami tagane sa yabaki yadua, me cabori mei madrali ni veivinakati. Oqo nai madrali i Kamelieli na luve i Pitasuri.
60E nai kaciwa ni siga ko Epitani na luve i Kitione, na nodra turaga na luve i Penijamini:
61a nona i madrali sa dua na dari siliva, a kena bibi e dua na drau ka tolusagavulu na sikeli, e dua na bilo siliva sa vitusagavulu na sikeli, e vaka na sikeli ni vale tabu; sa sinai ruarua e na madrai droka vinaka sa veiwaki vata kei na waiwai, mei madrali laukana;
62e dua nai taki koula e tini na sikeli, sa sinai e na ka boi vinaka;
63e dua na bulumakau sa gone e dua na sipi tagane, e dua na lami tagane sa yabaki dua, mei soro kama;
64e dua na me tagane, mei soro ni valavala ca;
65ka rua na bulumakau, e lima na sipi tagane, e lima na me tagane, e lima na lami tagane sa yabaki yadua, me cabori mei madrali ni veivinakati. Oqo nai madrali i Epitani na luve i Kitione.
66E nai katini ni siga ko Eieseri na luve i Amisatai, na nodra turaga na luve i Tani:
67a nona i madrali sa dua na dari siliva, a kena bibi e dua na drau ka tolusagavulu na sikeli, e dua na bilo siliva sa vitusagavulu na sikeli, e vaka na sikeli ni vale tabu; sa sinai ruarua e na madrai droka vinaka sa veiwaki vata kei na waiwai, mei madrali laukana;
68e dua nai taki koula e tini na sikeli, sa sinai e na ka boi vinaka;
69e dua na bulumakau sa gone, e dua na sipi tagane, e dua na lami tagane sa yabaki dua, mei soro kama;
70e dua na me tagane, mei soro ni valavala ca;
71ka rua na bulumakau, e lima na sipi tagane, e lima na me tagane, e lima na lami tagane sa yabaki yadua, me cabori mei madrali ni veivinakati. Oqo nai madrali i Eieseri na luve i Amisatai.
72E nai katinikadua ni siga ko Pakieli na luve i Okirani, na nodra turaga na luve i Aseri:
73a nona i madrali sa dua na dari siliva, a kena bibi e dua na drau ka tolusagavulu na sikeli, e dua na bilo siliva sa vitusagavulu na sikeli, e vaka na sikeli ni vale tabu; sa sinai ruarua e na madrai droka vinaka sa veiwaki vata kei na waiwai, mei madrali laukana;
74e dua nai taki koula e tini na sikeli, sa sinai e na ka boi vinaka;
75e dua na bulumakau sa gone, e dua na sipi tagane, e dua na lami tagane sa yabaki dua, mei soro kama;
76e dua na me tagane, mei soro ni valavala ca;
77ka rua na bulumakau, e lima na sipi tagane, e lima na me tagane, e lima na lami tagane sa yabaki yadua, me cabori mei madrali ni veivinakati. Oqo nai madrali i Pakieli na luve i Okirani.
78E nai katinikarua ni siga ko Eira na luve i Enani, na nodra turaga na luve i Navitalai:
79a nona i madrali sa dua na dari siliva, a kena bibi e dua na drau ka tolusagavulu na sikeli, e dua na bilo siliva sa vitusagavulu na sikeli, e vaka na sikeli ni vale tabu; sa sinai ruarua e na madrai droka vinaka sa veiwaki vata kei na waiwai, mei madrali laukana;
80e dua nai taki koula e tini na sikeli, sa sinai e na ka boi vinaka;
81e dua na bulumakau sa gone, e dua na sipi tagane, e dua na lami tagane sa yabaki dua, mei soro kama;
82e dua na me tagane, mei soro ni valavala ca;
83ka rua na bulumakau, e lima na sipi tagane, e lima na me tagane, e lima na lami tagane sa yabaki yadua, me cabori mei madrali ni veivinakati. Oqo nai madrali i Eira na luve i Enani.
84Oqo na ka eratou vakatabuya kina nai cabocabo-ni-soro ko ira na turaga ni Isireli, e na siga sa lumuti kina: e tinikarua na dari siliva, e tinikarua na bilo siliva, e tinikarua nai taki koula,
85na dari siliva yadua sa dua na drau ka tolusagavulu na sikeli; kei na bilo yadua sa vitusagavulu, nai yaya siliva kecega sa rua na udolu ka va na drau na sikeli, e vaka na sikeli ni vale tabu,
86sa tinikarua nai taki koula, sa sinai e na ka boi vinaka, sa yatini na sikeli, e vaka na sikeli ni vale tabu, a koula kecega ni veitaki sa dua na drau ka ruasagavulu na sikeli;
87a bulumakau tagane kecega mei soro kama sa tinikarua, sa tinikarua na sipi tagane, sa tinikarua na lami tagane sa yabaki yadua, kei na kedratou i madrali laukana; ka tinikarua na me tagane mei soro ni valavala ca;
88kei na bulumakau tagane kecega sa cabori mei madrali ni veivinakati sa ruasagavulu-ka-va; sa onosagavulu na sipi tagane, sa onosagavulu na me tagane, sa onosagavulu na lami tagane sa yabaki yadua. Sa vakatabui vakaoqo nai cabocabo-ni-soro, ni sa lumuti oti.
89Ia ni sa curu ki na vale ni veitavaki ko Mosese me vosa vua na Kalou, sa qai rogoca na Domo sa vosa vua mai na dela ni cabocabo-ni-bulubulu sa tiko e dela ni kato ni vunau, mai na maliwa ni jerupi ruarua; a sa vosa vua ko koya.
Who We AreWhat We EelieveWhat We Do
2025 by iamachristian.org,Inc All rights reserved.
