1I Jiova noqu Kalou, au sa vakararavi vei kemuni;
maroroi au mai vei ira kecega era sa vakasavi au, ka mo ni vakabulai au,
2de dresulaka vakalaione na yaloqu;
ka dresulaka vakamatailalai, ka sega e dua me mai vakabula.
3I Jiova na noqu Kalou, kevaka ka'u a kitaka na ka oqo;
kevaka sa tu e na ligaqu na ca,
4kevaka ka'u a saumi koya e na ca keirau a tiko vinaka kaya,
(Ia, ka'u a vakabulai koya sa noqu meca ni sa sega na vuna,)
5me qai vakasava na yaloqu na meca, ka vauca,
io, me buturaka na noqu bula ki na soso,
ka vakotora na noqu totoka ki na kuvu-ni-soso. Sela
6I Jiova, ni tucake e na nomuni cudru;
vakalevui kemuni cake e na vuku ni nodra cudru na noqu meca;
mo ni yadra e na vukuqu me yaco na lewa ko ni a vosa kina.
7Ena qai vakavolivoliti kemuni kina na lewe ni veivanua,
e na vukudra ga mo ni lesu tale kina ki cake.
8Ena lewai ira na tamata ko Jiova;
mo ni lewai au, Jiova, me vaka na noqu yalododonu
kei na noqu lomadina ka tu vei au.
9 Vtaki 2.23 Me oti laivi mada na nodra ca na tamata ca;
ia mo ni vakataudeitaka na yalododonu,
ni sa vakatovolea na yalo kei na ivi ni tamata,
na Kalou yalododonu.
10A noqu i vakaruru na Kalou,
o koya sa vakabulai ira era sa yalododonu.
11Sa lewai ira na tamata yalododonu na Kalou,
a sa cudru na Kalou e na veisiga kecega vei ira na tamata i valavala ca.
12Kevaka sa sega ni saumaki mai, ena vagatara ko koya na nona i seleiwau;
sa kaloca oti na nona dakai-titi, ka vakarautaka,
13sa vakarautaka talega vua nai yaragi ni mate;
ena kitaka na nona gasau me kedra na dauveivakasavi.
14Raica, sa yaluma e na ka ca,
a sa kunekunetaka na ka rarawa sara,
ka sa vakasucuma na lasu.
15Sa kelia e dua nai keli ka vakalalagataka,
a sa qai lutu ki nai keli ka cakava.
16Ena taleva na uluna na nona veivakararawataki,
ia na nona dauveivakacacani ena lutuka na nona qavokavoka.
17Au na vakavinavinaka vei Jiova me vaka na nona yalododonu,
au na seretaka na vakamolimoli ki na yaca i Jiova sa Cecere Sara.
Who We AreWhat We EelieveWhat We Do
2025 by iamachristian.org,Inc All rights reserved.
