Kalatia Nai Vakamacala Taumada - Ai Vola Tabu (Vakadewa Makawa Vakavoutaki 2021)（FRV21）

Nai Vakamacala TaumadaNi sa tekivu me vunautaki ka ciqomi nai Tukutuku Vinaka i Jisu vei ira era sega ni Jiu, sa qai tubu mai na vakatataro ena ka oqo: E dodonu beka vua e dua na tamata me muria na Vunau i Mosese me yaco kina me dua na tamata lotu Vakarisito dina? O Paula e vakatavuvulitaka ni ka oqo e sega ni gadrevi. Na yavu dina ga ni bula ena vuku i Karisito sai koya na vakabauta, ka oqo ga na yavu eda sa vakadonui kece kina mai vua na Kalou. Ia ena kedra maliwa nai soqosoqo lotu eso mai Kalatia ena dua na yasana vaka-Roma mai Esia Lailai, era a lako mai kina eso na tamata ka saqati Paula. Era kaya ni sa dodonu talega vua e dua na tamata me muria na Vunau i Mosese me vakadonui kina mai vua na Kalou. Nai Vola i Paula vei Ira mai Kalatia sa volai me kauti ira lesu mai na tamata era sa vakacalai mai nai vakavuvuli cala vakaoqo, me ra vakalesui tale ki na vakabauta kei nai vakarau dina. A tekivutaka na nona i vola ko Paula ena nona taqomaka na nona dodonu, ni sa kacivi ko koya me dua nai apositolo i Jisu Karisito. A sa dusia tikoga ni sa mai vua na Kalou na nona kacivi me apositolo, ka sega ni vu mai na dua nai liuliu vakatamata. A sa kacivi talega ko koya me kaulotu vei ira era sega ni Jiu. A sa qai tasereka vinaka na nona vakatutu, ni da sa vakadonui ga na tamata mai vua na Kalou ena vuku ni vakabauta. Ena i otioti ni vica na wase ni vola, e vakaraitaka kina ko Paula ni i tovo Vakarisito ena tovure vakataki koya mai na loloma sa vu mai na vakabauti Karisito.Na Lewe ni VolaNai vakamacala taumada 1.1-10

Na kaukauwa i Paula me vaka e dua nai apositolo 1.11—2.21

Nai tukutuku vinaka ni loloma soli wale ni Kalou 3.1—4.31

Na galala kei nai tavi Vakarisito 5.1—6.10

Nai tinitini 6.11-18