1Kemuni Jiova, ko ni sa noqu Kalou;
au na vakalevulevui kemuni, au na vakavinavinaka ki na yacamuni;
ni kemuni sa cakava oti na cakacaka mana,
na nomuni lewa makawa sa dei ka dina ga.
2Ni kemuni sa vukica na koro me suva walega,
na koro kaukauwa me koro rusa;
na nodra i tikotiko vakaturaga na kai tani me kakua ni koro,
ena sega sara ni tara tale.
3O koya oqo era na dokai kemuni kina na tamata kaukauwa,
ena rerevaki kemuni na nodra koro na veimatanitu rerevaki.
4Ni kemuni sa nona koro kaukauwa na malumalumu,
na bai vei ira na dravudravua ni ra sa rarawa,
nai vakaruru mai na cava, nai vakaruru talega mai na katakata.
Ni sa vaka sara sa labata na bai vatu na nodra cagi na daurerevaki,
5me vaka na katakata e na vanua dravuisiga,
ko ni na vakamalumutaka vakakina na nodra ue na kai tani;
io me vaka na katakata e na yaloyalo ni o,
ena vakamalumutaki vakakina na nodra marau na daurerevaki.
Sa Vakarautaka na Kalou na Magiti6Ia e na ulunivanua oqo ena cakava ko Jiova-ni-lewevuqa vei ira na veimatanitu kecega
e dua na magiti e na ka e uro, na magiti ni waini makawa,
e na ka e uro ka vakautona, e na waini makawa sa makare sara.
7Ia e na ulunivanua oqo
ena vakaotia ko koya nai tutuvi ni mata
sa ubi kina na veimataqali kecega,
kei nai ubi sa tabonaki kina na veimatanitu kecega.
8 1Kori 15.54; Vtaki 7.17; 21.4 Ena vakaotia sara na mate ko koya; ia na Turaga ko Jiova ena tavoya na wai ni mata mai na matadra na tamata kecega,
kei na nodra vakalialiai na nona tamata ena kauta tani ko koya mai na dela i vuravura taucoko,
ni sa tukuna ko Jiova.
9A ra na qai kaya e na siga ko ya,
“Raica, oqo na noda Kalou; eda a waraki koya, ena vakabulai keda ko koya.
Oqo ko Jiova, ko koya eda a waraka;
eda na reki ka marau ni sa ia na veivakabulai ko koya.”
Na Kalou e na Totogitaki Moapi10 Aisea 15.1—16.14; Jere 48.1-47; Isi 25.8-11; Emo 2.1-3; Sefa 2.8-11 Ni na tiko ga na liga i Jiova e na ulunivanua oqo.
Ia ko Moapi ena buturaki sobu e ra,
me vaka na co sa buturaki sobu e nai sovasova ni benu.
11Ia ena tevuka yani ko koya na ligana e na kedra maliwa,
me vaka na tamata dauqalo ni sa tevuka na ligana me qalo,
ia ena vakamalumalumutaka vata ko koya na nona viavialevu kei nai lawaki ni ligana.
12Ia na vale ni valu e cecere e na nomu bai vatu ena talaraka sobu ko koya,
ka vakabalea, ka biuta sobu ki na qele, io ki na kuvu-ni-soso.
Who We AreWhat We EelieveWhat We Do
2025 by iamachristian.org,Inc All rights reserved.
