1 Lako 25.22 Sa lewa ko Jiova; me ra sautaninini na veimatanitu!
Sa tiko e na maliwa ni Jerupi; me yavavala ko vuravura!
2Sa levu ko Jiova mai Saioni;
ka cecere vei ira na lewe ni veimatanitu.
3Me ra vakavinavinaka ki na yacamuni levu ka rerevaki;
sa yalosavasava ko koya.
4A sa kaukauwa na tui ka sa lomana na lewa dodonu;
o ni sa vakataudeitaka na ka dodonu;
o ni sa vakayacora na lewa
kei na cakacaka dodonu e Jekope.
5Dou vakalevulevui Jiova na noda Kalou,
ka cuva ki nai tutu-ni-yavana;
sa yalosavasava ko koya!
6O Mosese kei Eroni sa maliwai ira na nona bete,
kei Samuela sa maliwai ira era sa masuta na yacana.
Era sa masuti Jiova, a sa vakarorogo vei ira ko koya.
7 Lako 33.9 Sa vosa vei ira ko koya e na duru o;
era sa vakabauta na nona vunau,
kei nai lesilesi sa solia vei ira.
8O ni a vakarorogo vei ira, i Jiova, na neimami Kalou;
oi kemuni na Kalou ko ni sa dauvosoti ira ga,
ia ko ni a sauma talega na nodra i valavala.
9Dou vakalevulevui Jiova na noda Kalou,
ka cuva e na nona ulunivanua tabu;
ni sa yalosavasava ko Jiova na noda Kalou.
Who We AreWhat We EelieveWhat We Do
2025 by iamachristian.org,Inc All rights reserved.
