1A sa tukuna na vosa kecega oqo ko Jiova, ka kaya,
2“Koi au, ko Jiova na nomu Kalou, ko koya ka kauti iko mai na vanua ko Ijipita, mai na vale ni veivakabobulataki.
3“Me kakua vei iko na kalou tani, koi au duaduaga.
4 Lako 34.17; Vsoro 19.4; 26.1; Vrua 4.15-18; 27.15 “Mo kakua ni cakava vei iko e dua na matakau ceuceu; se dua nai vakatakarakara ni ka mai lomalagi e cake, se dua na ka e tu e vuravura e ra, se dua na ka e na wasawasa e na yasa i vuravura.
5Lako 34.6,7; Tiko 14.18; Vrua 7.9,10Mo kakua ni cuva vei ira, se qaravi ira; ni'u sa Kalou vuvu, koi au ko Jiova na nomu Kalou, au sa sauma na nodra caka ca na qase vei ira na luvedra, ka yacova nai katolu ni tabatamata kei na kenai kava, vei ira sa cati au;
6ia ka'u sa vakatakila na loloma vei ira nai tabatamata e udolu, vei ira era sa lomani au, ka muria na noqu vunau.
7 Vsoro 19.12 “Mo kakua ni cavuta walega na yaca i Jiova na nomu Kalou; ni na sega ni vakadonui koya ko Jiova sa cavuta wale na yacana.
8 Lako 16.23-30; 31.12-14 “Mo nanuma na Siga ni Vakacecegu, mo vakatabuya.
9Lako 23.12; 31.15; 34.21; 35.2; Vsoro 23.3E ono na siga mo daucakacaka kina, ka kitaka kina na nomu cakacaka kecega;
10ia nai kavitu ni siga sa Siga ni Vakacecegu i Jiova na nomu Kalou; mo kakua ni kitaka kina e dua na cakacaka—ko iko, se na luvemu tagane se na luvemu yalewa, na nomu tamata se nomu vada, se nomu manumanu, se nomu vulagi sa tiko e na nomu lomanibai.
11Vteki 2.1-3; Lako 31.17Ni sa buli lomalagi kei vuravura kei na waitui, kei na ka kecega sa tu mai kina ko Jiova e na siga e ono, ka sa vakacegu e nai kavitu ni siga. O koya sa vakalougatataka kina ko Jiova na Siga ni Vakacecegu, ka vakatabuya.
12 Vrua 27.16; Maciu 15.4; 19.19; Mari 7.10; 10.19; Luke 18.20; Efe 6.2,3 “Mo vakarokorokotaki rau na tamamu kei na tinamu; me dede kina na nomu bula e na vanua sa solia vei iko ko Jiova na nomu Kalou.
13 Vteki 9.6; Vsoro 24.17; Maciu 5.21; 19.18; Mari 10.19; Luke 18.20; Roma 13.9; Jeme 2.11 “Mo kakua ni laba.
14 Vsoro 20.10; Maciu 5.27; 19.18; Mari 10.19; Luke 18.20; Roma 13.9; Jeme 2.11 “Mo kakua ni ia na veibutakoci.
15 Vsoro 19.11; Maciu 19.18; Mari 10.19; Luke 18.20; Roma 13.9 “Mo kakua ni butako.
16 Lako 23.1; Maciu 19.18; Mari 10.19; Luke 18.20 “Mo kakua ni beitaka vakailasu na kai nomu.
17 Roma 7.7; 13.9 “Mo kakua ni kocova na nona vale na kai nomu; mo kakua ni domona na watina na kai nomu, se kocova nona tamata, se nona vada, se nona bulumakau, se nona asa, se dua na ka sa nona na kai nomu.”
Era sa Rere na Tamata me ra Torova na Kalou18 Ipe 12.18,19 A ra sa vakadinadinataka na tamata kece na kurukuru, kei na livaliva, kei na domo ni davui, kei na ulunivanua ni sa kubou tiko. Ia ni ra sa raica na tamata, era sa sautaninini, ka la'ki tu vakayawa,
19ka ra sa kaya vei Mosese, “Mo ni vosa ga vei keimami koi kemuni, ia keimami na vakarorogo; ia me kakua ni vosa vei keimami na Kalou, de keimami mate.”
20A sa kaya vei ira na tamata ko Mosese, “Mo ni kakua ni rere; ni sa lako mai na Kalou me vakatovolei kemuni, me tu vei kemuni na rerevaki koya, mo ni kakua ni valavala ca.”
21A sa tu vakayawa ko ira na tamata, a sa torova ko Mosese na butobuto loaloa sa tiko kina na Kalou.
Nai Vakaro me Baleta nai Cabocabo-ni-soro22A sa kaya vei Mosese ko Jiova: Mo vosa vakaoqo vei ira na Isireli: “Dou sa raica ni'u a vosa vei kemudou mai lomalagi.
23Mo dou kakua ni cakava na kalou siliva me kequ i kuri, mo kakua talega ni cakava vei kemudou na kalou koula.
24Mo cakava vei au nai cabocabo-ni-soro qele, ka cabora kina na nomu i soro kama, kei na nomu i madrali ni veivinakati, na nomu sipi, kei na nomu bulumakau; e na yasana kecega ka'u sa lesia me cavu kina na yacaqu, ka'u na lako kina vei iko, ka vakalougatataki iko.
25Vrua 27.5-7; Josua 8.31Ia kevaka ko sa via cakava vei au e dua nai cabocabo-ni-soro vatu, mo kakua ni cakava e na vatu sa ta; ni kevaka ko sa taya e na nomu matau, ko sa vakacacana.
26Mo kakua talega ni cabeta na noqu i cabocabo-ni-soro e nai cabecabe, me kakua kina ni raici na nomu luvawale.”
Who We AreWhat We EelieveWhat We Do
2025 by iamachristian.org,Inc All rights reserved.
