1 Caka 7.40 Ia ni ra sa raica na tamata sa berabera ni lako sobu mai na ulunivanua ko Mosese, sa ra soqoni vata vei Eroni na tamata, ka kaya vua, “Mo ia, mo cakava vei keda eso na kalou, me liutaki keda; ko Mosese ko ya, na tamata ka kauti keda cake mai na vanua ko Ijipita, eda sa sega ni kila se cava beka sa yaco vua.”
2A sa kaya vei ira ko Eroni, “Dou ucuna tani na sau koula mai na daligadra na watimudou, kei na luvemudou tagane, kei na luvemudou yalewa, ka kauta mai vei au.”
3Ia ko ira na tamata kecega era sa ucuna tani na sau koula mai na daligadra, ka kauta vei Eroni.
41Tui 12.28; Caka 7.41A sa taura ko koya mai vei ira, ka cakava e na veleko, ka vakawaicalataka, ka bulia kina e dua na luve ni bulumakau. A ra sa kaya, “I Isireli, oqo na nomudou kalou, ka kauti kemudou cake mai na vanua ko Ijipita!”
5Ia ni sa raica oqo ko Eroni, sa cakava e dua nai cabocabo-ni-soro me tu e matana; a sa kailavaka yani ko Eroni, ka vaka, “Sa ia na soqoni levu vei Jiova e na mataka.”
61Kori 10.7A ra sa sou e na mataka, ka vakacabora nai soro kama, ka kauta mai nai madrali ni veivinakati; a ra sa tiko sobu na tamata me kana ka gunu, ka ra tu cake me ra qito.
7A sa kaya vei Mosese ko Jiova, “Mo ia, mo lako sobu, ni ra sa kitaka na ka vakasisila ko ira na nomu tamata ko a kauta cake mai na vanua ko Ijipita.
8Era sa lako tani vakatotolo mai na sala ka'u a vakarota vei ira. Era sa bulia e dua na nodra luve ni bulumakau sa vakawaicalataki, a ra sa qarava, ka vakacabora kina nai soro, ka kaya, ‘I Isireli, oqo na nomu kalou, sa kauti kemudou cake mai na vanua ko Ijipita!’ ”
9Sa kaya talega vei Mosese ko Jiova, “Au sa raici ira oti na tamata oqo, ka raica, era sa tamata domoqa.
10Ia oqo, mo laivi au mada, me waqawaqa vei ira na noqu cudru, ia me'u vakarusai ira, ia ka'u na vakamatanitulevutaki iko.”
11 Tiko 14.13-19 Ia sa vakamasuti Jiova na nona Kalou ko Mosese, ka kaya, “Kemuni Jiova, a cava sa waqawaqa kina na nomuni cudru vei ira na nomuni tamata ko a kauta tani mai na vanua ko Ijipita e na kaukauwa levu, kei na liga mana?
12A cava me ra vosa kina na kai Ijipita, ka kaya, ‘Sa kauti ira tani ko koya me ra ca ga, ka me vakamatei ira e na veiulunivanua, ka me vakarusai ira laivi mai na dela i vuravura’? Me suka tani mada na nomuni cudru waqawaqa, ka mo ni veisautaka mada na lomamuni ka kakua ni cudruvi ira na nomuni tamata.
13Vteki 22.16,17; 17.8Mo ni nanumi Eparaama, kei Aisake, kei Isireli, na nomuni tamata, ko ni a bubului vei ira ka cavuti kemuni, ka kaya, ‘Au na vakalewevuqataka na nomudou kawa me ra vaka na veikalokalo ni lomalagi, ia ka'u na solia vei ira na nomudou kawa na vanua taucoko oqo ka'u sa vosa kina, me ra kenai taukei ka sega ni mudu.’ ”
14A sa veisautaka na lomana ko Jiova me baleta na ca sa kaya ena vakayacora vei ira na nona tamata.
15A sa vuki ko Mosese, ka lako sobu mai na ulunivanua, a sa taura tiko e ligana na vatu raraba ruarua ni vunau, na vatu raraba sa volai e na yasana ruarua; sa volai e na dua na yasana kei na kenai karua.
16Ia na vatu raraba ko ya sa nona cakacaka na Kalou, na kedrau i volavola talega sa kenai volavola ni Kalou, sa ceuti e na vatu raraba.
17Ia ni sa rogoca ko Josua na domo ni tamata ni ra kaila, sa kaya vei Mosese, “Sa dua na kaila ni valu mai nai tikotiko.”
18A sa kaya ko koya,
“Sa sega ni nodra kaila era sa gumatua,
sa sega talega ni nodra qoqolou ni ra guca;
a domo ni sere ga ka'u sa rogoca.”
19Ia ni sa toro voleka ki nai tikotiko, sa qai raica na luve ni bulumakau kei na nodra meke voli. A sa waqa mai na cudru i Mosese, ka sa biuta tani e ligana na vatu raraba ka vorolaka e ruku ni ulunivanua.
20A sa taura ko koya na luve ni bulumakau era cakava, ka vakama e na bukawaqa, ka vakavurumemeataka, ka vakamiraka ki na wai, ka vagunuvi ira kina na Isireli.
21A sa kaya vei Eroni ko Mosese, “A cava era cakava vei iko na tamata oqo, mo vakayacora kina vei ira nai valavala ca levu?”
22A sa kaya ko Eroni, “Me kakua mada ni waqawaqa mai na cudru ni noqu turaga. Ko sa kilai ira na tamata oqo, ni ra sa guta tiko na ca.
23Ni ra sa kaya vei au, ‘Mo cakava vei keda na kalou, me liutaki keda. Ko Mosese ko ya, na tamata ka kauti keda cake mai na vanua ko Ijipita, eda sega ni kila se cava beka sa yaco vua.’
24Au a qai kaya vei ira, ‘Ko koya sa dua na nona ka koula, me ucuna mada!’ A ra sa solia mai vei au, ka'u a qai biuta ki loma ni bukawaqa, ka sa basika mai kina na luve ni bulumakau oqo!”
25Ni sa kunei ira na tamata ko Mosese ni ra sa tasere tu (ni sa vakataseretaki ira ko Eroni, ka me ra vakamaduataki e na kedra maliwa na nodra meca),
26a sa qai la'ki tu ko Mosese mai na matamata, ka kaya, “Me lako mada mai vei au, ko koya sa totaki Jiova!” A ra sa soqoni vata vua ko ira kece na Livai.
27A sa kaya vei ira, “Sa vosa vakaoqo ko Jiova na Kalou i Isireli, ‘Dou vauca yadua na tamata na nona i seleiwau ki na dibina; ka lako yani e loma ni tikotiko mai na matamata-ni-koro e dua ki na matamata-ni-koro kadua, ka me vakamatea na wekana na tamata yadua, kei na tamata yadua na nona i tokani, kei na tamata yadua na kai nona.’ ”
28A ra sa kitaka me vaka na vosa i Mosese ko ira na Livai, ka ra sa bale e na siga ko ya e le tolu beka na udolu na tamata.
29A sa kaya ko Mosese, “Dou vakatabui kemudou edaidai me nei Jiova, na tamata yadua e na nona vakamatea na luvena, kei na wekana, ka mo dou vakalougatataki kina edaidai.”
30Ia e na mataka sa kaya vei ira na tamata ko Mosese, “Dou sa kitaka e dua na ca levu. Ia ka'u na qai cabe cake vei Jiova; de'u na sorovaka rawa beka na nomudou i valavala ca.”
31A sa lesu vei Jiova ko Mosese, ka sa kaya, “Ulei, na matatamata oqo era sa kitaka nai valavala ca levu. Era sa cakava vei ira na kalou koula.
32Same 69.28; Vtaki 3.5Ia oqo, ke sa rawa mo ni vosota mada na nodra i valavala ca—ia kevaka sa sega, mo ni qai bokoci au laivi mada mai na nomuni vola ko ni sa vola.”
33A sa kaya vei Mosese ko Jiova, “Ko koya yadua sai valavala ca vei au ka'u na bokoca laivi mai na noqu i vola.
34Ia mo lako mada, mo tuberi ira na tamata ki na vanua ka'u a vosa kina vei iko. Raica, na noqu agilosi ena liutaki iko. Ia e na siga ka'u sa talevi ira kina, ka'u na sauma kina vei ira na nodra i valavala ca.”
35A sa yaviti ira na tamata ko Jiova, e na vuku ni luve ni bulumakau era a cakava—ko ya ka cakava ko Eroni.
Who We AreWhat We EelieveWhat We Do
2025 by iamachristian.org,Inc All rights reserved.
