1A sa vakasoqoni ira vata ko Josua na veiyavusa kecega ni Isireli ki Sikemi, ka kacivi ira mai na nodra qase na Isireli, kei ira na nodra turaga, kei ira na nodra mataveilewai, kei ira na nodra vakailesilesi; a ra sa mai vakaraitaki ira e na mata ni Kalou.
2Vteki 11.27A sa kaya ko Josua kivei ira na tamata kecega, “Sa vosa vakaoqo ko Jiova na Kalou i Isireli, ‘Sa ra tiko na nomuni qase eliu mai tai kadua ni Uciwai — ko Tira, na tama i Eparaama, kei na tama i Neori — ka ra a qarava na kalou tani eso.
3Vteki 12.1-9; 21.1-3Ia ka'u a kauti Eparaama na tamamudou mai tai kadua ni Uciwai, ka kauti koya voli e na vanua ko Kenani taucoko, ka vakalewevuqataka na nona kawa, ka soli Aisake vua.
4Vteki 25.24-26; 36.8; 46.1-7; Vrua 2.5Ia ka'u a soli Jekope kei Iso vei Aisake, ia ka'u a solia vei Iso na vanua veiulunivanua ko Sia, me taukena, ia era a lako sobu ki Ijipita ko Jekope kei ira na luvena.
5Lako 3.1—12.42Ia ka'u a talai Mosese kei Eroni, ia ka'u a vakararawataki Ijipita, me vaka na ka ka'u a cakava e na kedra maliwa, ka sa oti ka'u a qai kauti kemuni mai kina.
6 Lako 14.1-31 “ ‘Ia ka'u a kauti ira na nomuni qase mai Ijipita, ia kemuni a lako mai ki na waitui. A ra sa vakasavi ira na nomuni qase ko ira na kai Ijipita, e na qiqi-ni-valu, kei ira na tamata sa vodo ose, ka yaco ki na Wasa Damudamu.
7Ia ni ra sa tagi vei Jiova, sa qai vakayacora na butobuto ko koya e na kemuni maliwa kei ira na kai Ijipita, a sa vakauta vei ira na wasawasa, ka luvuci ira, ka sa raica na matamuni na ka ka'u a kitaka vei ira na kai Ijipita. Ia kemuni a tiko vakadede mai na vanua lala.
8Tiko 21.21-35Ia ka'u a kauti kemuni ki na nodra vanua na Amoraiti era a tiko mai tai kadua ni Joritani; a ra sa veivala kei kemuni, ia ka'u a soli ira ki na ligamuni, mo ni taukena kina na nodra vanua; ia ka'u a vakarusai ira mai na matamuni.
9Tiko 22.1—24.25Sa qai tu ko Pelaki na luve i Sipori, na tui Moapi, ka veivala kei ira na Isireli, ka sa talaki me kacivi Pelami na luve i Piori me vatonaki kemuni mo ni ca,
10ia ka'u a bese ni rogoci Pelami; ka sa vosavakalougatataki kemuni tikoga ko koya. Ia ka'u a vakabulai kemuni mai na ligana.
11Josua 3.14-17; 6.1-21Ia dou a lakova na Joritani, ka lako mai ki Jeriko, a ra veivala kei kemuni nai taukei kei Jeriko, ko ira na Amoraiti, kei na Perisaiti, kei na kai Kenani, kei ira na Itaiti, kei na Kakesaiti, ko ira na Aivaiti, kei na Jepusaiti; ia ka'u a soli ira ki na ligamuni.
12Lako 23.28; Vrua 7.20Ia ka'u a vakatala e dua na lagotavuivui rerevaki me liu vei kemuni, koya sa vakasavi rau mai na matamuni, na nodra tui na Amoraiti e le rua; sa sega e na nomuni seleiwau se na nomuni dakai.
13Vrua 6.10,11Ia ka'u sa solia vei kemuni e dua na vanua kemuni a sega ni oca kina, kei na veikoro kemuni a sega ni tara, ka kemuni sa tiko ga kina; kemuni sa kana mai na veivaini kei na veiolive kemuni a sega ni tea.’
Digitaka Edaidai Se Ko Cei Mo Ni Qarava14“Ia oqo, mo ni rerevaki Jiova, ka qaravi koya e na yalododonu ka vakaidina; ka biuta tani na veikalou era qarava na nomuni qase mai tai kadua ni Uciwai, mai Ijipita talega; ia mo ni qaravi Jiova.
15Ia kevaka ko ni sa sega ni vinakata mo ni qaravi Jiova, mo ni digitaka edaidai se ko cei ko ni na qarava, se na veikalou ka ra qarava na nomuni qase mai tai kadua ni Uciwai, se na nodra veikalou na Amoraiti ko ni sa tiko kina oqo e na nodra vanua; ia koi au kei na noqu lewe-ni-vuvale, keitou na qaravi Jiova ga.”
16A ra sa vosa mai na tamata, ka kaya, “Me kakua sara vei keimami me keimami laivi Jiova ka la'ki qarava na kalou tani eso,
17ni sai Jiova ga na noda Kalou ka kauti keda cake kei ira na noda qase mai na vanua ko Ijipita, mai na vale ni veivakabobulataki, ka sa kitaka nai vakatakilakila levu oqori e matada. A sa maroroi keda e na sala kecega eda a lako kina, e na kedra maliwa talega na lewe ni veivanua eda a lako kina;
18ka sa vakaseva tani ko Jiova na tamata kecega mai vei keda, na Amoraiti era a tiko e na vanua. O koya oqo keimami talega, keimami na qaravi Jiova, ni sa neimami Kalou ko koya.”
19A sa kaya vei ira na tamata ko Josua, “Kemuni sa sega ni qaravi Jiova rawa, ni sa Kalou yalosavasava ko koya. Sa Kalou vuvu ko koya; ena sega ni vosota na nomuni talaidredre kei na nomuni valavala ca.
20Kevaka ko ni sa laivi Jiova ka qarava na veikalou ni kai tani, ena qai vuki ko koya ka vakacacani kemuni, ka vakarusai kemuni, ni sa caka vinaka oti vei kemuni.”
21A ra sa kaya vei Josua ko ira na tamata, “E segai; keimami na qaravi Jiova ga.”
22A sa qai kaya vei ira na tamata ko Josua, “Ko ni sa tukuni kemuni edaidai ni kemuni sa digitaki Jiova, mo ni qaravi koya.” A ra sa kaya, “Sa vakakina.”
23A sa kaya ko koya, “Ia oqo, mo ni biuta tani kina na veikalou ni kai tani sa tu vei kemuni, ka vagolea na lomamuni vei Jiova na Kalou i Isireli.”
24A ra sa kaya vei Josua ko ira na tamata, “Keimami na qaravi Jiova na noda Kalou, ia keimami na vakarorogo ki na nona vosa.”
25A sa ia e dua na veiyalayalati kei ira ko Josua e na siga ko ya, a sa solia vei ira e dua na vunau kei nai lesilesi mai Sikemi.
26A sa vola na vosa oqo e nai vola ni vunau ni Kalou ko Josua, ka sa kauta e dua na vatu levu, ka vakaduria cake e ruku ni dua na oki, ka tu mai na vale tabu i Jiova.
27A sa kaya vei ira na tamata kecega ko Josua, “Raica, na vatu oqo ena kenai vakadinadina vei keda, ni sa rogoca na vosa kecega i Jiova sa vosataka ko koya vei keda. Ia ena kenai vakadinadina vei kemuni, de ko ni sa cakitaka na nomuni Kalou.”
28A sa vakatalai ira na tamata ko Josua, na tamata yadua ki na nona i votavota.
Na Mate nei Josua kei Iliesa29Ia ni sa oti na veika oqo, sa ciba ko Josua na luve i Nuni, na tamata ni Kalou ko Jiova, ni sa dua na drau ka tini na nona yabaki.
30Josua 19.49,50A ra sa buluta e nai yalayala ni nona i votavota mai Timinaca-sera, ko ya mai na vanua veiulunivanua ko Ifereimi, e na yasa ni ulunivanua cecere ko Kaasi vaka ki na vualiku.
31A ra sa qaravi Jiova ko ira na Isireli e na gauna kecega i Josua, kei na nodra gauna kecega na qase era a bula tiko ni sa mate ko Josua, era a kila talega na cakacaka kecega i Jiova, ka kitaka e na vukudra na Isireli.
32 Vteki 33.19; 50.24,25; Lako 13.19; Joni 4.5; Caka 7.16 Ia na sui i Josefa, era a kauta cake mai Ijipita ko ira na Isireli, era sa buluta mai Sikemi, e na tiki ni vanua sa volia ko Jekope, e na dua na drau na tiki ni siliva, vei ira na luve i Amori na tama i Sikemi; a sa yaco mei votavota vei ira na luve i Josefa.
33A sa ciba ko Iliesa na luve i Eroni; a ra sa buluta e na vanua cecere nei Finiasi na luvena, o koya ka soli vua mai na vanua veiulunivanua ko Ifereimi.
Who We AreWhat We EelieveWhat We Do
2025 by iamachristian.org,Inc All rights reserved.
