Josua 19 - Ai Vola Tabu (Vakadewa Makawa Vakavoutaki 2021)（FRV21）

Nai Votavota Vanua ni Yavusa Simione

1Ia na kenai karua ni votavota sa lutu vei ira na Simione, ki na nodra yavusa na Simione, me vaka na nodra veivuvale; ia na nodra i votavota sa no vata kei na nodra i votavota na Juta.

21Vei 4.28-33A sa toka e nodra i votavota ko Peri-sepa, ko Sipa, kei Molata,

3kei na koro ko Suali, kei Pala, kei Esemi,

4kei Elitolati, kei Peculi, kei Orima,

5kei Sikilaki, kei Peci-makapoci, kei na koro ko Susa,

6kei Peci-lepoci, kei Sarueni—e tinikatolu na koro kei na kedra veikoro lalai;

7ko Eini, ko Rimoni, kei Eceri, kei Asani—e va na koro kei na kedra veikoro lalai;

8kei na koro lalai kece sa volita na veikoro oqo ki Pealaci-pieri, ko Ramaca mai na ceva. Oqo nai votavota ni nodra yavusa na Simione, me vaka na nodra veivuvale.

9A nodra i votavota na Simione, sa soli mai na nodra yasana na Juta; ni sa rui levu na nodra tikina na Juta, ia era sa taukena kina nai votavota ko ira na Simione mai na nodra i votavota ko ira na Juta.

Nai Votavota Vanua ni Yavusa Sevuloni

10Ia na kenai katolu ni votavota sa lutu vei ira na Sevuloni, me vaka na nodra veivuvale. Ia nai yalayala ni nodra i votavota sa yaco ki Sariti.

11A sa lako cake na nodra i yalayala vaka ki na waitui, kei Marela, ka yaco ki Tapiseci, ka yacova na uciwai sa donui Jokiniami;

12a sa lesu mai Sariti vaka ki na tokalau, ki nai cadracadra ni mata-ni-siga, ki nai yalayala kei Kisiloci-tepori, ka qai lako yani ki Tapiraci, ka lako cake ki Jafia,

13a sa lako yani mai kea vaka ki na tokalau ki Kita-eferi, ki Ita-kasini, ka lako yani ki Rimoni, ki Nea;

14a sa volita nai yalayala ki na yasana ki na vualiku ki Anaconi, ia sa kenai mudumudu na buca ko Ifita-eli;

15kei Kataci, kei Neelali, kei Simironi, kei Itala, kei Peceliema—e tinikarua na koro kei na kedra veikoro lalai.

16Oqo na nodra i votavota na Sevuloni, me vaka na nodra veivuvale—na veikoro oqo kei na kedra veikoro lalai.

Nai Votavota Vanua ni Mataqali na Isakari

17A kenai kava ni votavota sa lutu vei ira na Isakari, vei ira na yavusa i Isakari, me vaka na nodra veivuvale.

18A sa no na nodra i yalayala vaka ki Jesireli, kei Kesuloci, kei Sunemi,

19kei Efaraimi, kei Sioni, kei Enaraci,

20kei Rapici, kei Kisioni, kei Epesi,

21kei Rimici, kei Eni-kanimi, kei Eniata, kei Peci-pasesi;

22a sa yaco ki Tepori nai yalayala, kei Seesima, kei Peci-semesi; ia sa kenai mudumudu ni nodra i yalayala na Joritani—e tinikaono na koro kei na kedra veikoro lalai.

23Oqo nai votavota ni nodra yavusa na Isakari, me vaka na nodra veivuvale—na veikoro kei na kedra veikoro lalai.

Nai Votavota Vanua ni Yavusa Aseri

24Ia na kenai kalima ni votavota sa lutu ki na nodra yavusa na Aseri, me vaka na nodra veivuvale.

25Ia na nodra i yalayala ko Elikaci, kei Eli, kei Peteni, kei Ekisafi,

26kei Elameleki, kei Amata, kei Miseali; ka yacovi Kameli ki na ra, ka yaco ki Siori-lipinaci;

27a sa lesu vaka ki nai cadracadra ni mata-ni-siga ki Peci-takoni, ka yaco ki Sevuloni, kei na buca ko Ifita-eli, ki na vualiku kei Peci-emeki, kei Nieli, ka sa lako yani ki Kepuli ki nai mawi,

28kei Epironi, kei Riopi, kei Amoni, kei Kana, ka yaco ki Saitoni levu;

29a sa lesu ki Rama nai yalayala, kei na koro vakabai ko Taia; a sa lesu ki Osa nai yalayala; ia na kenai mudumudu na waitui, mai na yasana ko Ekisipi,

30kei Uma, kei Efeki, kei Riopi—e ruasagavulu ka rua na koro kei na kedra veikoro lalai.

31Oqo nai votavota ni nodra yavusa na Aseri me vaka na nodra veivuvale—na veikoro oqo kei na kedra veikoro lalai.

Nai Votavota ni Yavusa Navitalai

32Na kenai kaono ni votavota sa lutu vei ira na Navitalai, io vei ira na yavusa i Navitalai, me vaka na nodra veivuvale.

33A sa tekivu na nodra i yalayala mai Elepi, mai Eloni ki Seenanimi, kei Etami, kei Nekepi, kei Japinieli, ka yaco ki Lakumi; ia sa kenai mudumudu na Joritani.

34Ia sa lesu nai yalayala vaka ki na ra ki Esinoci-tepori, ka lako yani mai kina ki Ukoki, ka yacovi Sevuloni mai na ceva, ka yaco ki Aseri mai na ra, ka yaco ki Juta mai na Joritani vaka ki nai cadracadra ni mata-ni-siga.

35Ia na veikoro vakabai ko Sitimi, ko Seri, kei Emaci, ko Rakaci, kei Kinereci,

36kei Atama, kei Rama, kei Asori,

37kei Ketesi, kei Etirei, ko Eni-asori,

38kei Irioni, kei Mikitalieli, ko Oremi, kei Peci-anaci, kei Peci-semesi—e tinikaciwa na koro kei na kedra veikoro lalai.

39Oqo nai votavota ni nodra yavusa na Navitalai me vaka na nodra veivuvale—na veikoro kei na kedra veikoro lalai.

40Na kenai kavitu ni votavota sa lutu ki na nodra yavusa na Tani, me vaka na nodra veivuvale.

41Ia nai yalayala ni nodra i votavota ko Sora, kei Esitaoli, kei Iri-semesi,

42kei Seelapini, kei Eijaloni, kei Icila,

43kei Eloni, kei Timinaca, kei Ekironi,

44kei Ilitike, kei Kipiconi, kei Pealaci,

45kei Jiute, kei Penipiraki, kei Kaca-rimoni,

46kei Me-jarikoni, kei Rakoni, kei nai yalayala e na mata i Jopa.

47Dvei 18.27-29A sa sudra yani na nodra i yalayala na Tani, ni ra sa lako cake me ra veivaluti kei Lesemi, ka ra gumatua, ka samuta e nai seleiwau, a ra sa taukena, ka tiko kina, a ra sa vakatokai Lesemi, ko Tani, me vaka na yaca i Tani na tamadra.

48Oqo nai votavota ni nodra yavusa na Tani, me vaka na nodra veivuvale—na veikoro oqo kei na kedra veikoro lalai.

Nai Votavota Vanua e Soli kivei Josua

49Ia ni ra sa vota oti na vanua me taukeni, me vaka na kena veiyalayala, era sa qai solia na Isireli vei Josua na luve i Nuni nai votavota e na kedra maliwa.

50Me vaka nai vakaro i Jiova era sa solia vua na koro sa kerea ko koya, ko Timinaca-sera mai na vanua veiulunivanua ko Ifereimi; a sa tara ko koya na koro ko ya, ka tiko kina.

51Oqo nai votavota era a vota ko Iliesa na bete, kei Josua na luve i Nuni, kei ira era sa turaga vei ira na qase ni nodra veiyavusa na Isireli, e na vakawiri madigi, mai Sailo, e na mata i Jiova, e na katuba ni vale ni veitavaki. A ra sa vakaotia na vota vanua.