Luke Nai Vakamacala Taumada - Ai Vola Tabu (Vakadewa Makawa Vakavoutaki 2021)（FRV21）

Nai Vakamacala Taumada Nai Tukutuku Vinaka sa Vola ko Luke e tukuni Jisu ni sai koya nai Vakabula ka a yalataki vei ira na Isireli, ka i Vakabula talega ni tamata kece. E vakaraitaka ko Luke ni a kacivi Jisu na Yalo ni Turaga me vunautaka nai Tukutuku Vinaka vei ira na dravudravua kei ira na vakaloloma, ka ni sinai tale tu ga nai Tukutuku Vinaka ko ya ena kena kauwaitaki na tamata kei na veimataqali leqa kecega. E votu vakalevu ena i vola oqo na yalo ni marau kei na reki, vakabibi e na veiwase ni vola e na kenai tekivu kei na wase e muri sara e na gauna sa la'ki lako cake kina ki lomalagi na Turaga. Nai talanoa ni kena tubu ka tete na vakabauta Vakarisito ena gauna sa kau oti kina ki lomalagi na Turaga e tukuni tu ena i vola ni Nodra Cakacaka nai Apositolo, ka vola talega ko koya e vola nai vola oqo.Nai karua kei nai kaono ni vola oqo (raica e ra) e koto kina e vuqa nai talanoa, ka volai duaduaga ena i Tukutuku Vinaka oqo, me vaka na nodra sere na agilosi kei na nodratou a la'ki veisiko nai vakatawa ni sipi ena gauna a sucu kina na Turaga, na nona lako ki na Valenisoro e na gauna e se gonetagane lailai kina kei na vosa vakatautauvata me baleta na kai Samaria dau loloma kei na gone cidroi se gone dauvakasabusabu. Nai Tukutuku Vinaka oqo sa vakabibitaki kina na masu, na Yalo Tabu, na nodra i tavi na marama ena cakacaka ni Turaga ko Jisu, kei na veivosoti ni Kalou me baleta nai valavala ca.Na Lewe ni VolaA kenai kau 1.1-4

Na sucu kei na tubu cake i Joni na Dauveipapitaisotaki kei Jisu 1.5—2.52

Na cakacaka i Joni na Dauveipapitaisotaki 3.1-20

Na papitaiso kei na veretaki nei Jisu 3.21—4.13

Na cakacaka i Jisu mai Kalili 4.14—9.50

Mai Kalili ki Jerusalemi 9.51—19.27

Nai otioti ni macawa mai Jerusalemi kei na veivanua volekata 19.28—23.5

Na tucake tale, na rairai kei na kau cake nei Jisu 24.1-53