Vakarua 33 - Ai Vola Tabu (Vakadewa Makawa Vakavoutaki 2021)（FRV21）

Sa Vosavakalougatataki ira na Isireli ko Mosese

1Ia oqo na vosa ni veivakalougatataki sa vosavakalougatataki ira kina na Isireli ko Mosese, na tamata ni Kalou, ni sa voleka ni mate.

2A sa kaya,

“Sa lako mai Saineai ko Jiova,

ka tucake mai Sia e na vukudra;

sa serau mai ko koya mai na Ulunivanua ko Perana.

A sa lako mai na kedra maliwa na le oba (10,000) era sa savasava;

sa lako mai na ligana i matau e dua na bukawaqa, me vakavulici ira.

3Ia sa lomani ira na lewe ni veivanua ko koya,

era tiko e ligamuni na tamata yalosavasava kecega;

a ra sa tiko sobu e na yavamuni,

era na rawata yadua na nomuni vosa.

4Sa vakarota vei keda na vunau ko Mosese,

me ra taukena ko ira nai soqosoqo ni Jekope.

5Ia sa tui ko koya mai Jesuruni,

ni ra sa soqoni vata ko ira sa turaga vei ira na tamata—

na veiyavusa kece ni Isireli sa duavata.

6“Me bula ko Rupeni, ka sega ni mate,

ia me ra lewe lailai na nona tamata.

7Ia sa kaya ko koya vakaoqo e na vuku i Juta:

“Mo ni rogoca, i Jiova, na domo i Juta,

ka kauti koya vei ira na kai nona.

Me veivakarautaki vei koya na ligana,

ka mo ni vukei koya me rawai ira na nona meca.

8 Lako 17.7; 28.30; Tiko 20.13 A sa kaya ko koya e na vuku i Livai:

“Sa tiko na nomuni Cumimi kei na nomuni Urimi,

kei koya na nomuni le dua yalosavasava,

o koya ko ni a vakatovolea mai Masa,

o koya ko ni a veivala kaya mai na wai mai Meripa;

9o koya ka kaya e na vuku i tamana kei tinana,

‘Au sa sega ni kauwaitaki rau’;

sa sega talega ni kilai ira na tuakana se na tacina,

se kilai ira na luvena.

Ni ra sa rokova na nomuni vosa,

ka maroroya na nomuni veiyalayalati kei ira.

10Era na vakavulica na nomuni lewa vei ira na Jekope,

kei na nomuni vunau kivei ira na Isireli;

era na viritura e matamuni na ka boi vinaka me vakamai,

kei nai soro e kama taucoko e dela ni nomuni cabocabo-ni-soro.

11Mo ni vakalougatataka, Jiova, na nona i yau,

ka vakadonuya na cakacaka ni ligana;

mo ni yavita basika na tolodra era tucake vakaivalu vei koya,

kei na nodra era cati koya, me ra kakua ni tucake tale.”

12E na vuku i Penijamini sa kaya ko koya:

“O koya sa lomana ko Jiova ena tiko vakacegu—

na Kalou Cecere e na viribaiti koya e na siga taucoko,

ena tiko talega ko koya e na maliwa ni vatavata ni tabana.”

13Ia e na vuku i Josefa sa kaya ko koya:

“Ena vakalougatataka na nona vanua ko Jiova,

e na ka talei mai lomalagi, e na tegu,

kei na yasana titobu sa koto e ra;

14kei na ka talei sa vakayacora na mata-ni-siga,

kei na ka talei sa vakatubura na vula,

15kei na ka vinaka sara mai na veiulunivanua makawa,

kei na ka talei mai na veivanua cecere tawa mudu,

16kei na ka talei mai na vanua kei na ka sa sinai kina,

kei na yalololoma i Koya ka tiko e loma ni vunikau.

Me tauci oqo ki na ulu i Josefa,

kei na buradelana i koya sa tawase mai vei ira na veitacini.

17A ulumatua ni bulumakau—sa nona na kaukauwa!

Na nona i leu sa vaka nai leu ni iunikoni;

ena cumuraki ira kina na tamata,

ko ira kecega, ki nai yalayala ni vanua;

oqo ko ira na tini vakaudolu ni Ifereimi,

kei ira oqo na veiudolu ni Manasa.”

18Ia e na vuku i Sevuloni sa kaya ko koya:

“Mo ni reki, na Sevuloni, e na nomuni daulako yani;

kei na Isakari, e na nomuni veivale laca.

19Era na kacivi ira na tamata ki na ulunivanua;

era na vakacabora mai kea nai soro donu;

ni ra na gunuva nai yau ni wasawasa,

kei nai yau sa vuni tu e na nuku.”

20Ia e na vuku i Kata sa kaya ko koya:

“Sa kalougata ko koya sa vakalevutaki Kata!

Sa bula ko koya me vaka na laione;

sa dresulaka na liga kei na qavokavoka.

21Sa vakarautaka na tikina vinaka duadua me kena,

ni sa maroroi nai votavota kei koya sa lewa;

a sa lako mai kei ira na turaga ni tamata,

sa kitaka ko koya na cakacaka e dodonu vei Jiova,

kei na nona lewa vei ira na Isireli.”

22Ia e na vuku i Tani sa kaya ko koya:

“Sa luve ni laione ko Tani

ka sa rika mai Pasani.”

23Ia e na vuku i Navitalai sa kaya ko koya:

“I Navitalai, ko sa vakamamautaki e na loloma,

ka sinai e na veivakalougatataki i Jiova,

mo laki taukena na ra kei na ceva talega.”

24Ia e na vuku i Aseri sa kaya ko koya:

“Me kalougata ko Aseri ni sa vakaluveni;

me vinakati ko koya vei ira na wekana,

ka me tonidromuca na yavana e na waiwai.

25Sa na kaukamea kei na parasa na nomuni sogo-lawalawa;

ia me vaka na nomuni siga, ena vakakina na nomuni kaukauwa.

26“I Jesuruni, sa sega e tautauvata kei na Kalou,

o koya sa vodo lako e dela ni lomalagi me vukei kemuni,

kei na o e na nona i ukuuku vakaturaga.

27Sai drodro na Kalou e tawa tubu ka tawa mudu,

a sa vueti kemuni na ligana tawa mudu;

ia sa vakasava tani na meca mai na matamuni ko koya;

ka sa kaya, ‘Mo ni vakarusa.’

28Sa qai tiko vakacegu duadua na Isireli,

ena raica na vanua ni sila kei na waini na matadra na Jekope;

ena miri talega mai na nona lomalagi na tegu.

29O ni sa kalougata, na Isireli! O cei sa tautauvata kei kemuni,

a matatamata sa vakabula ko Jiova,

o koya nai sasabai me vukei kemuni,

kei nai seleiwau ko ni sa vakaiukuuku kina!

Era na vakamalumalumu vei kemuni ko ira na nomuni meca,

ka o ni na butuka na dakudra.”