Niemaia 12 - Ai Vola Tabu (Vakadewa Makawa Vakavoutaki 2021)（FRV21）

Ko Ira na Bete kei na Livai era Lako mai Papiloni

1Ia ko ira oqo na bete kei ira na Livai era a lako cake kei Serupepeli na luve i Sialitieli ka tagane, kei Jesua: ko Siraia, ko Jeremaia, ko Esera,

2ko Amaraia, ko Maluki; ko Atusi,

3ko Sekanaia, ko Riumi, ko Meremoce,

4ko Ito, ko Kinico, ko Apaija,

5ko Maijamini, ko Meataia, ko Pilika,

6ko Semaia, kei Joiaripi, ko Jitaia,

7ko Salu, ko Amoki, ko Ilikaia, kei Jitaia. Ko ira oqo sa liu vei ira na bete, kei ira na wekadra, e na gauna i Jesua.

8Ia ko ira na Livai: ko Jesua, ko Pinui, ko Katimieli, ko Serepaia, ko Juta, ko Matanaia, ko koya sa lewa na vakavinavinaka, ko koya kei ira na wekana.

9Kei Pakipukaia kei Uni, na wekadra, erau sa donui ira e na vale ni vakatawa.

Na Kawa i Jesua na Bete Levu

10A sa sucu na luve i Jesua ko Joiakimi, a sa sucu na luve i Joiakimi ko Ilaiasipi, a sa sucu na luve i Ilaiasipi ko Joiata,

11a sa sucu na luve i Joiata ko Jonacani, a sa sucu na luve i Jonacani ko Jatua.

Ko Ira nai Liuliu ni Vuvale Vakabete

12Ia ko ira na bete e na gauna i Joiakimi era sa turaga vei ira na qase: mai vei Siraia ko Miraia; mai vei Jeremaia ko Enanaia;

13mai vei Esera, ko Mesulame; mai vei Amaraia, ko Jioanani;

14mai vei Maluki, ko Jonacani; mai vei Sipanaia, ko Josefa;

15mai vei Erimi, ko Atina; mai vei Miraioca, ko Elikai;

16mai vei Ito, ko Sakaraia; mai vei Kinico, ko Mesulame;

17mai vei Apaija, ko Sikiri; mai vei Miniamini na kai Moataia, ko Pilitai;

18mai vei Pilika, ko Samua; mai vei Semaia, ko Jonacani;

19ia mai vei Joiaripi, ko Matinai; mai vei Jitaia, ko Usai;

20mai vei Salai, ko Kalai; mai vei Amoki, ko Iperi;

21mai vei Ilikaia, ko Esapaia; mai vei Jitaia, ko Nicaneli.

22Ko ira na Livai e na gauna i Ilaiasipi, ko Joiata, kei Joenani, kei Jatua, era sa volai me liu vei ira na qase; kei ira talega na bete, ka yacova na lewa i Taraiasi na kai Perisia.

23Ko iratou na Livai, eratou sa liu vei ira na qase, eratou sa volai e nai vola ni veika sa caka, ka yacova na gauna i Joenani na luve i Ilaiasipi.

24Kei iratou sa liu vei ira na Livai: ko Esapaia, ko Serepaia, kei Jesua na luve i Katimieli, kei na wekadra era sa donui ira, me dauia na vakavinavinaka kei na vakamolimoli, me vaka nai vakaro i Tevita na tamata ni Kalou, sa veidonui na vale ni vakatawa.

25Ko Matanaia, kei Pakipukaia, ko Opetaia, ko Mesulame, ko Talimoni, ko Akupi, era i vakatawa, era sa vakatawa tiko e na valeniyau mai na matamata-ni-koro.

26Ko iratou oqo e na gauna i Joiakimi na luve i Jesua ka tagane, na luve i Josateki ka tagane, kei na gauna i Niemaia na kovana, kei Esera na bete, na vunivola.

Na Vakatabui ni Bai kei Jerusalemi

27Ia ni sa vakatabui me nei Jiova na bai kei Jerusalemi era sa vakasaqarai ira na Livai mai na nodra yasana kecega, me kauti ira ki Jerusalemi, me ra vakacabora e na marau, e na vakamolimoli, ka ia na sere, kei na sibali, kei na soliteri, kei na api.

28A ra sa soqoni vata ko ira na luvedra tagane na dau-ni-sere, mai na vanua bucabuca sa vakavolivoliti Jerusalemi, kei na nodra veikoro lalai na kai Nitofa;

29mai Peci-kilikali kei na vanua mai Kipa kei Asimavece; ni ra sa tara na nodra veikoro lalai ko ira na dau-ni-sere me vakavolivoliti Jerusalemi.

30A ra sa vakasavasavataki ira ko ira na bete kei ira na Liva, ka vakasavasavataki ira na tamata, kei na veimatamata-ni-koro, kei na bai.

31Au a qai kauti ira cake na turaga ni Juta ki na dela ni bai, ka lesia e rua nai vavakoso lelevu me ia na vakavinavinaka, e dua sa lako ki na liga i matau e na dela ni bai vaka ki na matamata-ni-koro ni benubenu;

32a sa muri ira ko Osaia, ka dua na kena wase ni turaga ni Juta,

33kei Asaraia, ko Esera, ko Mesulame,

34ko Juta, kei Penijamini, kei Semaia, kei Jeremaia,

35ka so vei ira na luvedra tagane na bete era vakadavui: ko Sakaraia na luve i Jonacani ka tagane, na luve i Semaia ka tagane, na luve i Matanaia ka tagane, na luve i Mekaia ka tagane, na luve i Sakuri ka tagane, na luve i Esava ka tagane;

36kei iratou na wekana, ko Semaia, kei Esareli, ko Milelai, ko Kilelai, ko Maai, ko Nicanieli, kei Juta, ko Anani, era kauta na ka domo vinaka i Tevita na tamata ni Kalou, kei Esera na vunivola sa liutaki ira.

37Ia mai na Matamata-ni-koro ni Keli-wai, sa donui ira, era sa cabeta nai cabecabe ki na koro i Tevita, mai nai cabecabe ki na koro i Tevita, mai nai cabecabe ni bai, sa toka e cake ka toka e ra na vale i Tevita, ka yacova na Matamata-ni-koro ni Wai vaka ki na tokalau.

38Ia nai vavakoso kadua sa ia na vakavinavinaka era lako me ra tavaki ira, ia ka'u a muri ira vata kei na dua na kena wase ni tamata e na dela ni bai, mai na yasana ni vale-cecere ni lovo, ka yacova na bai rabailevu;

39mai na bai talega e dela ni nodra Matamata-ni-koro ko Ifereimi, kei na Matamata-ni-koro Makawa, kei na Matamata-ni-koro ni Ika, kei na Vale-cecere i Ananeli, kei na Vale-cecere i Mea, ka yacova na Matamata-ni-koro ni Sipi; a ra sa tu vakadua e na Matamata-ni-koro ni Yadra.

40A ra sa tu nai vavakoso ruarua era sa vakavinavinaka e na vale ni Kalou, koi au talega, ia ka dua vei rau nai lawalawa turaga sa tu vata kei au;

41kei ira na bete: ko Elaiakimi, ko Meesaia, ko Miniamini, ko Mekaia, ko Elioenai, ko Sakaraia, ko Enanaia, a ra sa vakadavui;

42kei Meesea, kei Semaia, kei Iliesa, kei Usai, kei Jioanani, kei Malikaia, kei Ilama, kei Esa. A ra sa sere vakadomoilevu ko ira na dau-ni-sere, a sa nodra turaga ko Jeseraia.

43Era sa vakacabora talega nai soro levu eso e na siga ko ya, ka marau, ni sa vakamarautaki ira na Kalou e na marau levu; sa reki talega ko ira na watidra kei ira na gone. A sa rogo vakayawa yani na reki mai Jerusalemi.

Nai Tavi me Qaravi e na Valenisoro

44Ia e na gauna ko ya sa lesi eso me vakaraica na veivale ni yau, me yau kina nai madrali, kei nai sevu, kei nai katini ni ka, me kumuni vata kina nai votavota sa tukuni e na vunau me nodra na bete kei ira na Livai, io mai na veiwere kei na veikoro; ni sa marau ko ira na Juta e na vukudra na bete kei ira na Livai era sa qarava tiko.

451Vei 25.1-8; 26.12Ia ko ira na dau-ni-sere, kei ira nai vakatawa-ni-katuba, era sa vakabauta na vunau sa lesia vei ira na Kalou, kei na vunau sa bale ki na veivakasavasavataki, me vaka nai vakaro i Tevita, kei Solomoni na luvena.

46Ni sa tiko eliu e na gauna i Tevita kei Esava, eso sa liu vei ira na dau-ni-sere, kei na sere ni vakavinavinaka kei na vakamolimoli vua na Kalou.

47Ia ko ira kecega na Isireli, e na gauna i Serupepeli, kei na gauna i Niemaia, era vota na kedrai votavota na dau-ni-sere, kei ira nai vakatawa-ni-katuba, sa votai e na veisiga kecega. A ra sa vakatabuya na ka eso me kedra na Livai; ia ko ira na Livai era sa vakatabuya me kedra na luve i Eroni.