Osea 5 - Ai Vola Tabu (Vakadewa Makawa Vakavoutaki 2021)（FRV21）

Na Cudru ni Kalou me Baleti Isireli kei Juta

1Dou rogoca na ka oqo, na bete!

Dou vakarorogo, na vale i Isireli!

Dou vakatudaliga mai, na lewe-ni-vuvale-ni-tui!

Ni sa baleti kemudou na vosa ni veilewai;

ni dou sai cori mai Misipa,

kei na lawa sa tevuki mai Tepori.

2Ia me ra ia na veivakamatei na dauvuki sa titobu kina na nodra vere,

ia koi au ka'u a dauvunauci ira kecega.

3Oi au ka'u sa kilai ira na Ifereimi,

ia ko ira na Isireli sa ra sega ni vuni vei au;

ni dou sa qai ia na veibutakoci, koi kemudou na Ifereimi;

sa vakadukadukalitaki ko ira na Isireli.

Sa Vunauca na Veibutakoci ko Osea

4Sa ra sega ni lewa na nodra i tovo

me ra lesu vua na nodra Kalou;

ni sa tiko e lomadra na yalo ni dauveibutakoci,

ka ra sa sega ni kilai Jiova.

5Ia na nodra viavialevu na Isireli sa tukuni ira e na matanavotu;

o koya oqo, era na bale kina e na nodra caka cala ko ira na Isireli kei ira na Ifereimi;

ko ira na Juta era na bale vata talega kei ira.

6Era na lako vata kei na nodra qele ni sipi kei na nodra qele ni bulumakau,

me ra qarai Jiova,

ka ra na sega ni kunei koya;

sa lako tani vei ira ko koya.

7Sa ra vakaisini Jiova;

ni sa gone ni tani era sa vakasucuma.

Sa vula dua ga era na qai vakaoti vata kei na nodra i votavota.

Na Veivala i Juta kei Isireli

8Dou uvuca na koneti mai Kipea,

kei na davui mai Rama.

Tabalaka na kaila mai Peci-aveni;

sa cicimuri iko, ko iko Penijamini!

9Ena lala ko Ifereimi

e na siga ni veicudruvi;

ka'u sa vakatakila na ka dina

vei ira na veiyavusa i Isireli.

10O ira na turaga ni Juta

era sa vakataki ira era kisira nai yalayala;

ia ka'u na sovaraka na noqu cudru

vei ira me vaka na wai.

11Sa ra vakasaurarataki na Ifereimi ka vorolaki e na veilewai,

ni ra vinakata me ra muria nai vakaro.

12Ia koi au, ka'u na vaka na sarasara vei ira na Ifereimi,

ka vaka nai vakavuca ki na vale i Juta.

13Ni ra kunea na nodra mate ko ira na Ifereimi,

kei na nodra mavoa ko ira na Juta,

era sa qai lako ko ira na Ifereimi ki Asiria,

ka talaki vua na tui Jerepi.

Ka sa sega ni vakabulai kemudou rawa, ko koya,

se vakamavotaka na nomudou vue.

14Ni'u na vaka na laione vei ira na Ifereimi,

ka vaka na laione sa gone ki na vale i Juta.

Oi au, io koi au, ka'u na ia na veidresulaki ka lako tani;

au na kauta tani, ka sega e dua me na kaliraki koya.

15Au na la'ki lesu tale ki na noqu tikina,

me ra vakatusa mada na nodra ca, ka goleva na mataqu.

Ni ra sa rarawa,

era na qai vakasaqarai au taudonu.