Lako Yani 4 - Ai Vola Tabu (Vakadewa Makawa Vakavoutaki 2021)（FRV21）

Na Cakacaka Mana i Mosese

1A vosa ko Mosese, ka kaya, “Ia ena vakaevei kevaka era na sega ni vakadinati au se rogoca na domoqu, ka ra kaya ga, ‘Sa sega ni rairai vei iko ko Jiova.’ ”

2A sa kaya vua ko Jiova, “A cava e tiko oqori e na ligamu?” A sa kaya ko koya, “Ai titoko.”

3A sa kaya ko koya, “Viritaka ki na qele.” A sa viritaka ki na qele, a sa vuki me gata; a sa drotaka ko Mosese.

4A sa kaya vei Mosese ko Jiova, “Mo dodoka na ligamu, ka taura na buina”—a sa dodoka na ligana, ka taura, ka sa vuki mei titoko e na ligana—

5“me ra vakabauta kina ni sa rairai vei iko ko Jiova na Kalou ni nodra qase, na Kalou i Eparaama, na Kalou i Aisake, na Kalou talega i Jekope.”

6Sa kaya talega vua ko Jiova, “Mo daramaka mada na ligamu ki na lomaseremu.” A sa daramaka ko koya na ligana ki na lomaserena; ka ni sa cavuta tale mai, sa vukavuka na ligana, me vaka na uca-vulavula.

7A sa kaya na Kalou, “Mo daramaka tale na ligamu ki na lomaseremu.” A sa daramaka tale na ligana ki na lomaserena, ka ni sa cavuta tale mai na lomaserena, sa vuki tale me tautauvata kei na yagona eliu.

8“Kevaka era sa sega ni vakabauti iko se sega ni vakadinata nai vakatakilakila ka caka eliu, era na qai vakabauta nai vakatakilakila ka caka e muri.

9Ia kevaka era sa sega ni vakabauta nai vakatakilakila ruarua oqo, ka sega ni vakarorogo talega ki na domomu, mo qai kauta e dua na wai mai na uciwai, ka sova yani ki na qele mamaca; ia na wai ko na kauta mai na uciwai na Naile ena vuki me dra e na qele mamaca.”

10Sa qai kaya vei Jiova ko Mosese, “Kemuni na noqu Turaga, au sa sega ni rawata na vosa, sa sega eliu ka sega talega oqo ni kemuni sa vosa oti vei au na nomuni tamata; ia au sa dauvosa vakamalua ga ka yame berabera.”

11A sa kaya vua ko Jiova, “Ko cei sa bulia na gusu ni tamata? Se ko cei sa cakava na galu, kei na didivara, kei na matarai, kei na mataboko? Sa sega beka ni koi au, ko Jiova?

12O koya oqo, mo lako, ka'u na tiko kei na gusumu, ka vakavulici iko e na ka mo kaya.”

13Ia sa kaya ko koya, “Kemuni na noqu Turaga, mo ni yalo vinaka ka tala e duatani tale na tamata.”

14A sa tubu na cudru i Jiova vei Mosese, a sa kaya, “E vakacava beka na tuakamu ko Eroni, na Livai? Au sa kila sa dau ni vosa ko koya; ka raica, sa lako talega mai me tavaki iko; ia ni sa raici iko, ena reki na yalona.

15Ia ko na vosa vua, ka biuta na vosa ki na gusuna; ia ka'u na tiko kei na gusumu, kei na gusuna, ka vakavulici kemudrau e na ka mo drau cakava.

16Ena tukuna na nomu vosa ko koya vei ira na tamata; ena veiqaravi me vaka sa gusumu ko koya, ia ko iko, ko na veiqaravi me vaka ko sa Kalou ki vua.

17Ia ko na kauta e ligamu nai titoko oqo, ko na kitaka kina na veivakatakilakila.”

Lesu Tale ki Ijipita ko Mosese

18A sa lako yani ko Mosese, ka lesu vei Jacoro na vugona, a sa kaya vua, “Me'u lako mada, me'u lesu tale vei ira na wekaqu era sa tiko mai Ijipita, ka raica se ra bula tiko se segai.” A sa kaya vei Mosese ko Jacoro, “Mo lako e na vakacegu.”

19A sa kaya vei Mosese ko Jiova mai Mitiani, “Mo ia, mo lesu ki Ijipita; ni ra sa mate kece na tamata era via vakamatei iko.”

20A sa qai kauta na watina kei rau na luvena tagane ko Mosese, ka vakavodoki iratou e na asa, ka sa lesu ki na vanua ko Ijipita. A sa kauta ko Mosese nai titoko ni Kalou e na ligana.

21A sa kaya vei Mosese ko Jiova, “Ni ko sa lesu tale ki Ijipita, mo nanuma mo kitaka e na mata i Fero na cakacaka mana kecega ka'u sa lesia vei iko mo cakava; ia koi au, ka'u na vakaukauwataka na yalona, ka na sega ni laivi ira na tamata me ra lako.

22Ia mo na qai kaya vei Fero, ‘Sa kaya ko Jiova: ko Isireli na luvequ, na noqu ulumatua.

23 ka kaya, “Ko iko na watiqu vakaidina ka sa vauci e na dra!”

26Sa qai biuti koya me lako ko koya. A sa kaya na yalewa, “Na watiqu sa vauci e na dra, e na vuku ni veicilivi.”

27A sa kaya vei Eroni ko Jiova, “Mo lako ki na loma ni vanua lala mo tavaki Mosese.” A sa lako ka tavaki koya mai na ulunivanua ni Kalou, ka reguca.

28A sa tukuna vei Eroni ko Mosese na vosa kecega i Jiova sa talai koya kina, kei nai vakatakilakila kecega sa vakarota vua.

29A rau sa lako ko Mosese kei Eroni, ka vakasoqoni ira kece vata na nodra qase na Isireli.

30A sa tukuna ko Eroni na vosa kecega sa vosataka vei Mosese ko Jiova, ka kitaka nai vakatakilakila e matadra na tamata.

31A ra sa vakabauta ko ira na tamata; ia ni ra sa rogoca sa talevi ira na Isireli ko Jiova, ka sa raica na nodra rarawa, era sa qai cuva sobu ka ia na lotu.