Maciu 8 - Ai Vola Tabu (Vakadewa Makawa Vakavoutaki 2021)（FRV21）

Sa Vakabula e dua na Vukavuka ko Jisu(Marika 1.40-45; Luke 5.12-16)

1Ia ni sa lako sobu mai na ulunivanua ko koya, era sa lewe vuqa sara sa muri koya.

2Ka raica, sa dua na tamata vukavuka sa lako mai ka cuva vua, ka kaya, “Na Turaga, kevaka ko ni sa vinakata, ko ni sa vakasavasavataki au rawa.”

3A sa dodoka na ligana ko Jisu, ka tarai koya, ka kaya, “Au sa vinakata, mo savasava mai.” A sa savasava vakasauri na nona vukavuka.

4Sa Vakabula na Nona Dauveiqaravi na Turaganivalu ni Roma(Luke 7.1-10)

5Ia ni sa curu ko koya ki Kapenaumi, sa lako mai vua e dua na turaga-ni-valu, ka masuta,

6ka kaya, “Noqu Turaga, sa davo koto mai neitou na noqu dauveiqaravi sa tauvi-paralase, a sa yaluma vakalevu sara.”

7A sa kaya vua ko Jisu, “Au na laki vakabulai koya.”

8Sa qai vosa na turaga-ni-valu, ka kaya, “Na Turaga, au sa sega ni yaga mo ni curu ki na noqu vale, mo ni cavuta walega na vosa, ena bula kina na noqu dauveiqaravi.

9Ni'u sa turaga lailai ga koi au, ka'u sa lewa na sotia eso. Ia ka'u sa kaya vua e dua, ‘Mo lako yani,’ a sa lako yani, ka vei koya e dua tale, ‘Mo lako mai,’ a sa lako mai, ka vei koya na noqu tamata, ‘Mo kitaka oqo,’ a sa kitaka.”

10Ia ni sa rogoca ko Jisu, sa kurabui, a sa kaya vei ira era sa muri tiko, “Au sa kaya vakaidina vei kemudou, Au sa sega ni kunea vei ira na Isireli e dua na vakabauta levu vakaoqo.

11Sa Vunauca na Wai ko Jisu(Marika 4.35-41; Luke 8.22-25)

23Ia ni sa laki vodoka na waqa ko koya, era sa muri koya na nona tisaipeli.

24Ka raica, sa tubu na cava levu e na wasawasa, a sa luvu na waqa e na biau, a sa moce ko koya.

25Sa qai lako mai ko ira na nona tisaipeli, ka vakayadrati koya, ka kaya, “Kemuni na Turaga, ni vakabulai keda! Eda sa voleka ni mate!”

26A sa kaya vei ira ko koya, “Dou sa rere e na vuku ni cava, koi kemudou sa lailai na nomudou vakabauta?” Sa qai tucake ko koya, ka vunauca na cagi kei na wasawasa; a sa maravu sara mai.

27A sa kidacala ko ira na tamata, ka kaya, “E vaka beka evei nai tovo ni tamata oqo, ni sa talairawarawa vua na cagi kei na wasawasa!”

Sa Vakabula e Lewe Rua na Curumi Tevoro(Marika 5.1-20; Luke 8.26-39)

28Ia ni sa udu ko koya ki tai kadua, ki na nodra vanua na kai Kerikesa, sa sota kaya e lewe rua sa curumi rau eso na tevoro, ka rau sa lako mai nai bulubulu. A rau sa yalocudrucudru sara ka sa sega kina na tamata me lako rawa e na sala ko ya.

29Ka raica, erau sa qoqolou, ka kaya, “E vakaevei koi keirau, kemuni Jisu na luve ni Kalou? Ko ni sa lako beka mai ki ke me vakararawataki keimami ni sa sega ni yaco na kena gauna?”

30A sa dua na qele ni vuaka levu sa vakani, sa vakayawa vei ira.

31A ra sa masuti koya ko ira na tevoro, ka kaya, “Kevaka ko sa vakasevi keimami, laiva me keimami curuma na qele ni vuaka.”

32A sa kaya vei ira ko koya, “Dou lako.” A ra sa lako tani, ka ra sa curuma na qele ni vuaka; ka raica, sa cici sara na qele ni vuaka taucoko e na baba ki wai, ka ra sa mate e wai.

33Ia ko ira sa vakania, era sa dro, ka lako ki na koro, ka tukuna na ka kecega, kei na ka sa yaco vei rau ka curumi rau ko ira na tevoro.

34Ka raica, era sa lako kece yani na lewe ni koro me ra tavaki Jisu, ia ni ra sa raici koya, era sa masuta me lako tani yani mai na nodra vanua.