1O ira na yalewa vuku era sa dui tara cake na nona vale,
ia ko koya na lialia sa basuka sobu ga e na ligana.
2O koya sa muria tiko na nona yalododonu sa rerevaki Jiova,
ia ko koya sa veve na nona i valavala sa beci koya.
3Sa tiko e na gusuna na lialia nai waro ni viavialevu,
ia na tebenigusudra na vuku ena maroroi ira.
4Ni sa sega kina na bulumakau, sa savasava na lomanibai,
ia sa levu na vuata e na kaukauwa ni bulumakau.
5A dautukutuku lomadina ena sega ni lasu,
ia ena cavuta na ka lasu ga na dautukutuku vakailasu.
6A tamata be sa gu me vuku, ka sega ni kunea,
ia na vuku sa rawarawa ga vua sa yalomatua.
7Mo lako tani mai vua na tamata lialia,
ni ko sa sega ni kunea vua na tebenigusu vuku.
8Sa nona vuku na yalomatua me kila rawa na nona sala,
ia na nodra lialia na yalolialia nai lawaki.
9Ko ira na lialia era dredrevaka nai valavala ca,
ia sa tu vei ira na yalododonu na loloma.
10A yalo ni tamata sa kila na nona rarawa,
ia ni sa marau ko koya, sa sega ni kauwai kina na tani.
11A nodra vale na tamata ca ena vukici laivi,
ia na nodra valelaca na yalododonu ena vinaka tikoga.
12 Vbale 16.25 Sa dua na sala sa rairai dodonu vua na tamata,
ia na kenai tinitini na sala ga ni mate.
13Ni sa ia tiko na dredre sa rarawa na loma ni tamata,
ia nai tinitini ni marau na lomabibi.
14O koya sa suka tani tale na lomana ena vakamamautaki e na nona i valavala,
ia ena vu mai vei koya na tamata vinaka na nona vakacegui.
15O koya sa yalowai sa vakabauta na vosa kecega,
ia na tamata yalomatua sa daulewa vakavinaka na nona i lakolako.
16O koya sa vuku sa rere, ka sa lako tani mai na ca,
ia na lialia sa cudru, ka sa via qaqa.
17O koya sa daucudru vakatotolo sa na cakacaka vakalialia,
kei na tamata sa daulawaki ca sa na cati.
18O koya sa sega ni vuku sa taukena na ka sesewa,
ia ko ira na yalomatua era na vakaisalataki e na vuku.
19Sa cuva na tamata ca vei ira na tamata vinaka,
kei ira nai valavala ca era cuva e na mata ni katuba ni yalododonu.
20Sa cati koya na dravudravua ko ira na kai nona,
ia era veiwekani kei na vutuniyau ko ira na lewe vuqa.
21Sa cala ko koya sa beca na kai nona,
ia sa kalougata ko koya sa yalololoma vei ira na dravudravua.
22Era sega li ni cala ko ira era tuvatuva-ka ki na veika ca?
Ia na loloma ga kei na ka dina ena nodra era tuvatuva-ka ki na veika vinaka.
23Sa vakabetena na cakacaka kecega,
ia e na vosa ni tebenigusu sa yaco ga kina na dravudravua.
24A nodra i sala na vuku na nodra i yau,
ia na nodra lialia na lialia sa ka lialia ga.
25Sa ia na veivakabulai ko koya na dautukutuku dina,
ia na dauveivakaisini sa cavuta na ka lasulasu ga.
26Sa tu vata kei na rerevaki Jiova na vakararavi matua,
ia sa na dua na nodra i drodro ko ira na luvena.
27A rerevaki Jiova nai vurevure ni bula,
me rawa kina na lako tani mai nai cori ni mate.
28Ni ra lewe vuqa na tamata, sa rogo kina na tui,
ia ni ra lewe lailai mai na tamata, sa rusa kina na turaga.
29O koya sa berabera ni cudru sa vuku sara,
ia ko koya sa yalo vakariri sa vakarewataka na lialia.
30Ni sa vakabulai na yalo, sa bula talega kina na yago,
ia sai vakavuca ga ni sui na vuvu.
31O koya sa vakasaurarataka na dravudravua sa beci Koya ka Buli koya,
ia ko koya sa dokai Koya, sa yalololoma vua na dravudravua.
32Sa vakasavi tani na tamata ca e na nona ca,
ia ni sa mate ko koya na yalododonu sa nuidei tiko.
33Sa tiko dei na vuku e na loma i koya na yalomatua,
ia na ka e tu e lomadra na lialia sa dautukuni.
34Sa vueta cake na matanitu nai valavala dodonu,
ia nai valavala ca sa rogo ca kina na lewe ni veivanua.
35Sa yalovinaka na tui vua na tamata vuku,
ia sa cudru vua sa ia na veivakamaduataki.
Who We AreWhat We EelieveWhat We Do
2025 by iamachristian.org,Inc All rights reserved.
