Tiko mai na Lekutu 34 - Ai Vola Tabu (Vakadewa Makawa Vakavoutaki 2021)（FRV21）

Nai Yalayala ni Vanua ko Kenani

1A sa vosa vei Mosese ko Jiova, ka kaya,

2“Mo vakaroti ira na Isireli, ka kaya vei ira: Ni dou sa yaco ki na vanua ko Kenani (oqori na vanua sa lutu vei kemudou mo dou taukena, io na vanua ko Kenani me vaka na kenai yalayala)

3ena qai vakatekivu mai na vanua lala ko Sini na nomudou i yalayala vaka ki na ceva, ka muria nai yalayala kei Itomi, kei na nomudou i yalayala mai na ceva sa na kenai yalayala sara ni Wasa Tuituina mai na tokalau;

4ia ena lesu na nomudou i yalayala mai na ceva ka lako ki nai cabecabe ki Akirapimi, ka lako yani ki Sini, ia ena lako tiko yani ki na ceva ki Ketesa-banea, ka lako yani ki na koro ko Atari, ka lako yani ki Asimoni.

5Ia na kenai yalayala ena gole yani mai Asimoni ki na uciwai ni Ijipita, ia ena kenai cavacava na wasawasa.

6“Ia nai yalayala mai na ra, ena nomudou i yalayala na Wasa Levu; oqori na nomudou i yalayala ki na ra.

7“Ia oqo sa na nomudou i yalayala ki na vualiku: mai na Wasa Levu dou na vakatakilakilataka vaka ki na Ulunivanua ko Ori.

8Ia mai na Ulunivanua ko Ori dou na vakatakilakilataka vaka ki nai curucuru ki Emaci; ia ena lako yani nai yalayala ka yacovi Sitati.

9Ia me lako yani nai yalayala ki Sifironi, ia ena lako yani ka yala ki na koro ko Enani. Ia oqo sa na nomudou i yalayala ki na vualiku.

10“Ia dou na vakatakilakilataka na nomudou i yalayala mai na tokalau mai na koro ko Enani ki Sifami.

11Ia me na lako sobu nai yalayala mai Sifami ki Ripila, mai na yasana ki na tokalau mai Eini; me qai lako sobu nai yalayala, ka yaco ki na baravi ni wasawasa ko Kinereci vaka ki na tokalau.

12Ia me lako sobu nai yalayala ki na Joritani, ia ena kenai cavacava na Wasa Tuituina. Sa na nomudou vanua oqo kei na kenai yalayala sa vakavolivolita.”

13 Tiko 26.52-56 Josua 14.1-5 A sa vakaroti ira na Isireli ko Mosese, ka kaya, “Oqo na vanua dou na taukena e na vakawiri madigi, ko ya ka vakarota ko Jiova me soli ki na yavusa e ciwa kei na yavusa-veimama;

14ni sa votai oti na nodra yavusa na luve i Rupeni, e na vuvale ni nodra qase, kei na nodra yavusa na luve i Kata, e na vuvale ni nodra qase; kei na yavusa-veimama i Manasa, era sa rawata na nodrai votavota.

15Na yavusa e rua kei na yavusa-veimama era sa rawata na nodra i votavota e na tai ni Joritani oqo, sa donui Jeriko sa vaka ki na tokalau, vaka ki nai cadracadra ni mata-ni-siga.”

Ko Ira nai Liuliu ni Yavusa

16A sa vosa vei Mosese ko Jiova, ka kaya,

17“Oqo na yacadra na tamata era na vota na vanua vei kemudou: ko Iliesa na bete kei Josua na luve i Nuni.

18Dou kauta e dua na turaga mai na yavusa yadua me vota na vanua.

19Oqo na yacadra na turaga: Mai na yavusa i Juta, ko Kelepi na luve i Jifune.

20Mai na nodra yavusa na luve i Simione, ko Simueli na luve i Amiute.

21Mai na yavusa i Penijamini, ko Ilitati na luve i Kisiloni.

22Ia na turaga ni nodra yavusa na luve i Tani, ko Puki na luve i Jokili.

23A nodra turaga na luve i Josefa, mai na nodra yavusa na luve i Manasa, ko Anieli na luve i Efoti.

24Ia na turaga ni nodra yavusa na luve i Ifereimi, ko Kemueli na luve i Sifitani.

25Ia na turaga ni nodra yavusa na luve i Sevuloni, ko Ilisavani na luve i Parinaki.

26Ia na turaga ni nodra yavusa na luve i Isakari, ko Palitieli na luve i Asana.

27Ia na turaga ni nodra yavusa na luve i Aseri, ko Eiiute na luve i Silomi.

28Ia na turaga ni nodra yavusa na luve i Navitalai, ko Pitaeli na luve i Amiute.”

29O ira oqo ka vakarota ko Jiova me ra vota na vanua ko Kenani vei ira na Isireli.