1Tou mai sere vei Jiova;
tou mai ia na meke vua na uluvatu ni noda bula!
2Tou lako mada mai e matana e na vakavinavinaka,
ka reki ni da mai ia vua na same.
3Ni sa Kalou levu ko Jiova,
ka sa Tui levu vei ira na kalou kecega.
4Sa tiko e ligana na vanua titobu kei vuravura;
ka sa nona talega na veiulunivanua cecere.
5Sa nona na wasawasa, ni sa bulia ko koya;
ka sa bulia na vanua mamaca na ligana.
6Tou mai lotu ka cuva sobu;
tou mai vakatekiduru e na mata i Jiova, o koya ka buli keda!
7 Ipe 3.7-11 Ipe 3.15; 4.7 Ni sa noda Kalou ko koya,
koi keda na tamata ni nona vanua,
kei na sipi sa tubera ko koya.
O koya oqo e na siga edaidai mo dou qai rogoca na domona!
8 Lako 17.1-7; Tiko 20.2-13 Dou kakua ni vakaukauwataka na yalomudou, me vaka e na veivakacudrui,
me vaka e na siga ni dauvere mai na vanua lala,
9era sa dauveretaki au kina ko ira na nomudou qase,
ka vakatovolei au vakaca, ni ra sa raica tiko na noqu cakacaka.
10E vasagavulu na yabaki ka'u a rarawa kina vei ira nai tabatamata ko ya,
ka kaya, “Era tamata ka daulako sese e lomadra,
ka ra sa sega ni kila na noqu i valavala.”
11 Tiko 14.20-23; Vrua 1.34-36; 12.9-10; Ipe 4.3-5 Ia ka'u a bubului kina vakaoqo vei ira e na noqu cudru,
“Era na sega ni curu ki na noqu i vakavakacegu.”
Who We AreWhat We EelieveWhat We Do
2025 by iamachristian.org,Inc All rights reserved.
