1 Same 110.1 Ia sa kenai soqoni ni veika sa tukuni oti oqo: sa tiko vakaidina na noda bete levu, o koya ka sa tiko e na liga i matau ni tikotiko i Koya sa Cecere Sara mai lomalagi,
2ai talatala e na tikina tabu kei na vale tabu dina sa sega ni tara na tamata, sa tara ga na Turaga.
3Ni ra sa lesi kecega na bete levu me vakacabora nai madrali kei nai soro; o koya oqo sa dodonu talega kina vei koya na bete levu oqo me vakacabora e dua na ka.
4Ia kevaka sa tiko ga e vuravura ko koya, ena sega ni bete, ni ra tiko ko ira na bete era vakacabora nai madrali me vaka na vunau.
5Lako 25.40Era qarava nai tavi ni vakacacabo ka sa vakatakarakara ka i yaloyalo ni kena e vakalomalagi. Oqo me vaka sa vakatakila vei Mosese na Kalou ni sa voleka ni tara na vale tabu, ka kaya, “Raica, mo cakava na ka kecega me tautauvata kei na kenai vakatakarakara ka vakatakilai vei iko e na ulunivanua.”
6Sa qai nona na cakacaka vakabete e uasivi cake, me vaka sa dautataro talega ko koya e na dua na veiyalayalati e uasivi cake, o koya sa vakataudeitaka e na vosa ni yalayala e uasivi cake.
7Kevaka sa vinaka oqori sa taumada, e sega tale ni vakasaqarai e dua tale.
8 Jere 31.31-34 Ia ni sa sega ni vinakata, sa kaya ko koya,
Sa vosa ko Jiova, “Ena yaco na siga,
ka'u na cakava kina na veiyalayalati vou kei na vale i Isireli
kei na vale i Juta;
9ena sega ni vaka na veiyalayalati ka'u a cakava vei ira na nodra qase
e na siga ka'u a taura kina na ligadra me tuberi ira mai na vanua ko Ijipita;
ni ra sa sega ni tudei e na noqu veiyalayalati,
ka'u a sega ni maroroi ira, a sa kaya ko Jiova.
10Sa vakaoqo na veiyalayalati ka'u na cakava kei na vale i Isireli
ni sa oti na gauna ko ya, sa kaya ko Jiova:
Au na tugana na noqu vunau ki na lomadra,
ka vola e na yalodra,
ia ka'u na yaco me nodra Kalou,
ia era na yaco me noqu tamata.
11Ia era na sega ni vakavulici ira yadua me nona lewe-ni-koro
se veikayaka kei na wekana, ‘Mo kila na Turaga,’
ni ra na kilai au kecega,
ko ira sa tamata lalai kei ira talega sa turaga.
12Ni'u na yalovinaka vei ira sa sega ni dodonu,
ia ka'u na sega ni nanuma tale na nodra i valavala ca kei na nodra talaidredre.”
13E na kainaki oqo ni “dua na veiyalayalati vou,” a sa vakamadrataka kina ko koya na kena ka liu taumada. Ia na ka sa qai madra mai ka makawa sa voleka ni takali sara.
Who We AreWhat We EelieveWhat We Do
2025 by iamachristian.org,Inc All rights reserved.
