2 Korinica 11 - Ai Vola Tabu (Vakadewa Makawa Vakavoutaki 2021)（FRV21）

Ko Paula kei Ira nai Apositolo Lasu

1Au sa kerea mo dou vosoti au mada ga ni'u lialia vakalailai. Io, dou vosoti au mada ga!

2Ni'u sa vuvutaki kemudou sara me vaka na vuvu vakalou, ni'u a musuki kemudou vua e dua me watimudou, me'u soli kemudou vei Karisito me vaka e dua na goneyalewa savasava.

3Vteki 3.1-5,13Ia ka'u sa rere, de dua na ka ena vakacalai kina na lomamudou mai na kena dina kei na kena savasava vei Karisito, me vaka ka vakacalai Ivi eliu na gata e na nona i lawaki ca.

4Ia dou sa vakamalumalumu ga ka ciqomi koya sa qai lako mai ka sa vunautaka e duatani na Jisu, o koya keitou sa sega ni vunautaka eliu, se sa yaco vei kemudou e duatani na yalo, o koya sa sega ni yaco vei kemudou eliu, se duatani nai tukutuku-vinaka, dou a sega ni vakabauta eliu.

5Ni'u sa vakasama ni'u sa sega sara ni uasivi sobu vei iratou nai apositolo eratou sa uasivi cake.

6Ia kevaka ka'u sa sega ni matai ni vosa, sa tu ga vei au na vuku; ia keitou a vakaraitaki sara vei kemudou ena ka kecega.

7Au sa qai cala beka ni'u sa vakamalumalumutaki au mo dou vakalevutaki kina, ni'u sa vunautaka vei kemudou nai tukutuku-vinaka ni Kalou ka sega ni voli kina?

8Au a vakadravudravuataki ira nai soqosoqo lotu tani eso, ni'u sa voli vei ira, me'u ia kina na cakacaka vei kemudou.

9Fpai 4.15-18Ia ni'u a tiko vakadravudravua kei kemudou, au a sega ni vakaogai koya e dua, ni ra sa soli-ka me rauti au e na noqu dravudravua ko ira na veiwekani era a lako mai Masitonia. Ia e na ka kecega au a vakaraici au me'u kakua ni vakaogai kemudou, ka'u na vaka tikoga kina.

10Me vaka ka'u sa dina e na mata i Karisito, ena sega sara ni tarovi na noqu vosa doudou e na ka oqo e na yasayasa vaka-Akaia.

11E na vuku ni cava? Ni'u sa sega li ni lomani kemudou? Sa kila na Kalou na noqu lomani kemudou!

12Ia na ka ka'u a cakava, au na cakava tikoga, me'u muduka tani kina na vuna mai vei ira era gadreva na vuna, me ra kune ga me ra vakataki keitou e na ka era sa vakalevulevui ira kina.

13Ni ra sai apositolo vakailasu ko ira sa vakaoqo, era sa tamata daucakacaka vakaveivakaisini, era sa vakamataliataki ira me rai apositolo kei Karisito.

14Ia ka sa sega ni ka e veivakurabuitaki oqo; ni sa vakamataliataki koya ko Setani me agilosi ni rarama.

15O koya oqo sa sega kina ni ka levu me vakamataliataki talega ko ira na nona i talatala me ra vakataki ira nai talatala ni valavala dodonu. Ia na kedrai tinitini ena vaka na nodra cakacaka.

Na Veika Rarawa e Sotava ko Paula me Vaka e Dua nai Apositolo

16Au sa kaya tale, Me kakua na tamata me nanuma ka'u sa lialia; ia kevaka sa nanuma vakakina e dua, mo dou vosota ga na noqu lialia, me'u vakalevulevui au talega vakalailai.

17A ka ka'u sa kaya, au sa sega ni kaya me vaka na ka ni Turaga, me vaka ga na ka lialia, ni'u sa vakalevulevui au e na vosa doudou oqo.

18Ni ra sa lewe vuqa era vakalevulevui ira vakayago ga, koi au talega ka'u na vakalevulevui au.

19Ni dou sa reki mo dou vosoti ira era sa lialia, ni dou sa vuku.

20Ni dou sa vosota ga, kevaka sa vakabobulataki kemudou e dua, kevaka sa vakadravudravuataki kemudou e dua, kevaka sa lawakitaki kemudou e dua, kevaka e dua sa vakalevulevui koya, kevaka sa sabica na matamudou e dua.

21Au sa vosa, me vaka ka'u sa beci, me vaka keitou a malumalumu.

Ia kevaka e dua sa via boletaka e dua na ka—ka'u sa vosa me vaka na lialia—ka'u na boletaka vakakina na ka ko ya.

22O ira beka era sa Iperiu? Au sa vakakina. Era sa luve i Isireli? Au sa vakakina. Era sa kawa i Eparaama? Au sa vakakina.

23Caka 16.23Era sai talatala i Karisito? — ka'u sa vosa me vaka na lialia — au sa uasivi cake: ka'u a daucakacaka vakalevu cake, au a yaviti vakalevu sara, au a tiko vakavuqa cake e na valeniveivesu, au a voleka ni mate vakavuqa.

24Vrua 25.3Sa yaviti au vakalima ko ira na Jiu e na kuita ka tau vakatolusagavulu ka ciwa.

25Caka 16.22; 14.19Au a warolaki vakatolu e na kau. Au a vakaviriki vakadua e na vatu. E na noqu veisokoyaki au a leqa vakatolu mai na voca ni waqa; ka'u a ciri voli e na wai titobu ka bogi dua ka siga dua;

26Caka 9.23; 14.15au a veilakoyaki vakavuqa, au a ca e na veiuciwai, au a ca mai vei ira na daubutako, au a ca mai vei ira na kai noqu, au a ca mai vei ira era sa sega ni lotu, au a ca e loma ni koro, au a ca e loma ni vanua lala, au a ca e loma ni wasawasa, au a ca mai vei ira na veiwekani vakailasu;

27au a dauoca ka daurarawa, au a dauyadra vakavuqa, au a dauviakana ka dauviagunu, au a daulolo vakavuqa, au a liliwa ka luvawale.

28Ia ka sa sega ni wili na veika sa vo, oqori talega sa bitaki au e na veisiga, na daunanumi ira kecega na veisoqosoqo lewe ni lotu.

29O cei beka sa malumalumu ka'u sa sega ni malumalumu? Ko cei sa vakacalai, ka'u sa sega ni lomakatakata kina?

30Kevaka e dodonu me'u vakalevulevui au, au na vakalevulevui au e na vuku ni noqu malumalumu.

31A Kalou na Tama ni noda Turaga ko Jisu, o koya sa vakarokorokotaki ka tawa mudu, sa kila ni'u sa sega ni vosa lasu.

32Caka 9.23-25Mai Tamasiko, na Kovana nei Arita na tui sa vakatawa na koro ko Tamasiko, ni sa via tauri au;

33ia ka'u sa tukuci sobu e loma ni dua na sova, mai na katuba e cake e taudaku ni bai, ka bula kina mai na ligana.