Iperiu 3 - Ai Vola Tabu (Vakadewa Makawa Vakavoutaki 2021)（FRV21）

Sa Cecere Cake ko Jisu vei Mosese

1O koya oqo, kemudou na veiwekani yalosavasava sa kacivi mei taukei ni ka vakalomalagi, dou vakananuma nai Apositolo kei na Bete Levu eda sa vakatusa tiko, ko Jisu,

2Tiko 12.7o koya sa yalodina vua sa lesi koya, me vakataki Mosese ka “sa yalodina talega e na nona vale taucoko sara na Kalou.”

3A sa dodonu me dokai vakalevu ko koya ka vakalailai ko Mosese, ni sa dokai vakalevu ko koya sa tara na vale, ia ka vakalailai ga na vale.

4(Ni sa dua e tara na vale yadua; ia ko koya sa tara na ka kecega na Kalou.)

5Ia oqo sa yalodina ko Mosese e na nona vale taucoko na Kalou me vaka sai talatala, me vakatakila na veika ena tukuni mai muri.

6Ia na Karisito sa yalodina ki na vale ni Kalou, me vaka ni sa Luvena, ka da sa nona vale koi keda kevaka eda sa taura matua na noda doudou kei na reki ni nuinui me tudei, me yacova nai vakataotioti.

Ai Vakasala me Baleta na Tawa Vakabauta

7 Same 95.7-11 O koya oqo, me vaka sa kaya na Yalo Tabu,

“E na siga oqo kevaka dou sa via rogoca na domona,

8kakua ni vakaukauwataka na yalomudou, me vaka e na veivakacudrui,

me vaka e na siga ni dauvere e na vanua lala,

9era sa dauveretaki au kina ko ira na nomudou qase,

era sa vakatovolei au vakaca,

ni ra sa raica tiko na noqu cakacaka ka yabaki vasagavulu.

10O koya oqo ka'u a cudru kina vei ira nai tabatamata ko ya,

ka kaya, Era sa cala tikoga e lomadra,

ia era a sega ni kila na noqu i valavala.

11Au a bubului kina e na noqu cudru,

ni ra na sega sara ni curu ki na noqu i vakavakacegu.’ ”

12Dou raici kemudou vinaka, na veiwekani de tiko e na lomadra eso vei kemudou na yalo sa ca e sega ni vakabauta, dou sa biuta laivi kina na Kalou bula.

13Ia dou dui veivakatavulici vakai kemudou e na veisiga kecega, ni sa vakatokai ga me “siga edaidai,” de vakayalokaukauwataki e dua vei kemudou e na vuku ni sa dauveivakaisini nai valavala ca.

14Ni sa noda ga na Karisito, kevaka eda sa taura matua nai vakatekivu ni noda dinata me tudei, me yacova nai vakataotioti.

15Same 95.7,8Ni sa tukuni tiko vakaoqo,

“E na siga oqo, kevaka dou sa via rogoca na domona,

dou qai kakua ni vakaukauwataka na yalomudou, me vaka e na veivakacudrui.”

16 Tiko 14.1-35 Ia ko cei ko ira era a vakacudruya ni ra sa rogoca oti? Ko ira kecega era sa lako vata kei Mosese mai Ijipita se segai?

17Ia sa cudru vei cei ko koya ka yabaki vasagavulu? E segai li ni vei ira sai valavala ca, ka bale na yagodra e na vanua lala?

18Ia ko cei sa bubului kina ko koya me ra kakua ni curu ki na nona i vakavakacegu, ke sa sega ni vei ira ga sa sega ni vakabauta?

19Ia eda sa raica, ni ra sa sega ni curu rawa kina, ni ra sega ni vakabauta.