1Ia ka'u a raica e duatani tale nai vakatakilakila mai lomalagi, na ka levu e veivakidacalataki, e le vitu na agilosi sa taura e vitu na mate ca sa kenai otioti sara; ni sa vakayacori sara vei ira na cudru ni Kalou.
2Ia ka'u a raica e dua na ka e vaka na wasa iloilo sa veiwaki vata kei na bukawaqa; ia ko ira era sa gumatua vua na manumanu, kei na nona matakau, kei nai wiliwili ni yacana, era sa tu e na wasa iloilo, a ra sa taura na veiapi ni Kalou.
3Lako 15.1A ra sa meketaka na meke i Mosese nai talai ni Kalou, kei na meke ni Lami, ka kaya,
“A ka levu ka veivakurabuitaki na nomuni cakacaka,
na Turaga na Kalou Kaukauwa!
Sa dodonu ka dina na nomuni valavala,
oi kemuni na Tui ni veigauna kecega!
4 Jere 10.7; Same 86.9 O cei me sega ni rerevaki kemuni, na Turaga
ka vakarokorokotaka na yacamuni?
Ni sai kemuni ga sa yalosavasava.
Ko ira kecega na veivanua era na lako mai
ka cuva e matamuni,
ni sa vakatakilai mai na nomuni cakacaka dodonu.”
5 Lako 38.21 Ia ka oti ka'u sa vakaraica, ka raica, sa dola tu na vale ni tikina tabu ni veiyalayalati mai lomalagi,
6ia ko iratou na agilosi e le vitu eratou sa lako mai na valenilotu, eratou sa taura na mate ca e vitu, eratou vakaisulu e na lineni savasava sara ka vulavula, a sa vau na lomaseredratou e na wa koula.
7A sa dua vei iratou na ka bula e le va sa solia vei iratou na agilosi e le vitu na bilo koula e vitu sa sinai e na cudru ni Kalou, ko koya sa bula ga ka tawa mudu.
8Lako 40.34; 1Tui 8.10,11; 2Vei 5.13,14; Aisea 6.4A sa sinai na valenilotu e na kubou mai nai ukuuku ni Kalou, mai na nona kaukauwa talega; a sa sega na tamata sa curu rawa ki na valenilotu, ena vakayacori mada eliu na mate ca e vitu sa taura ko iratou na agilosi e le vitu.
Who We AreWhat We EelieveWhat We Do
2025 by iamachristian.org,Inc All rights reserved.
