Same 131 - Ai Vola Tabu (Vakadewa Makawa Vakavoutaki 2021)（FRV21）

A Sere Masu ni Vakararavi Vua na Kalou A Same ni cabecabe. A nei Tevita.

1I Jiova, sa sega ni viavialevu na yaloqu,

au sa sega talega ni mata viavialevu;

au sa sega talega ni bolea na ka levu,

kei na ka sa dredre me'u kila.

2Sa dina ka'u sa vakamalumalumutaka ka vakadula na yaloqu,

me vaka na gone sa kali vei tinana;

io, sa vaka na gone sa kali na yaloqu.

3Mo nuitaki Jiova, na Isireli,

mai na gauna oqo ka sega ni mudu.