1 koula, kei na ka boi vinaka na ka levu sara, kei na vatu talei eso. Sa sega tale ni kau e muri na ka boi vinaka me tautauvata na kena levu kei na ka ko ya ka solia na ranadi ni Sipa kivei Solomoni na tui.
11Ia na veiwaqa i Irami ka usa mai na koula mai Oferi, sa kauta na kau talei na ka levu, kei na vatu talei.
12A sa cakava ko koya na tui e na kau talei nai tatakuri ni cabecabe ki na vale i Jiova kei na vale-ni-tui, na api talega kei na soliteri vei ira na dau-ni-sere. Sa sega na kau talei me tautauvata kaya sa kau kina, se raici, ka yacova na siga oqo.
13A sa solia vua na ranadi ni Sipa ko Solomoni na tui na ka kecega sa gadreva ko koya, na ka kecega sa kerea, kei na ka talega sa via solia vakaturaga vua ko Solomoni. A sa lesu ko koya, ka lako ki na nona vanua, ko koya kei ira era qaravi koya.
Nai Yau nei Solomoni(2 Veigauna 9.13-28)14Ia na kena bibi na koula sa kau vei Solomoni e na dua na yabaki, sa ono na drau ka onosagavulu ka ono na taledi koula,
15kei na kenai kuri mai vei ira na tamata dauveivoli era veilakoyaki tu, kei ira na tamata dauveivoli e na ka boi vinaka, mai vei ira talega na tui Arapea kecega, kei ira na kovana sa lewa na vanua.
16A sa cakava ko Solomoni na tui e rua na drau nai sasabai e na koula sa lautuki; sa caka e dua nai sasabai e na koula e ono na drau na sikeli.
17Kei nai sasabai lalai e tolu na drau e na koula sa lautuki; sa caka e dua nai sasabai e na koula e tolu na paudi. A sa virikotora ko koya na tui ki na vale ni veikau mai Lepanoni.
18A sa cakava ko koya na tui a dua nai tikotiko levu sara ka vakaturaga, e na ivori, ka botana e na koula dina.
19Sa ono nai tagede e nai cabecabe ni tikotiko vakaturaga, ia nai tikotiko vakaturaga e cake sa leleci na dakuna. A sa vakaisobesobe na yasa ruarua ni dabedabe, a sa tu voleka ki nai sobesobe e rua na laione,
20a sa tinikarua na laione sa tu mai kea, e ono e na yasa ni tagede e dua, ka ono e na yasa ni tagede kadua. Sa sega na ka e vakakina sa caka e na dua na matanitu tani.
21Na bilo ni gunu kecega i Solomoni na tui sa koula, ka sa koula talei na bilo kecega mai na vale ni veikau mai Lepanoni. Sa sega e dua sa siliva—ni sa sega ni okati me ka taleitaki e na gauna i Solomoni.
22Ni sa tiko mai na wasawasa mai Tasisi na nona veiwaqa na tui, kei na veiwaqa i Irami. A sa dautale vakadua mai e na veiyabaki tolu na veiwaqa ni Tasisi, ka usana mai na koula, kei na siliva, na ivori, ka so na maqe, ka so na pikoki.
23A sa uasivi cake ko Solomoni na tui vei ira kecega na tui kei vuravura e nai yau kei na vuku.
24A sa via raici Solomoni ko ira kecega na kai vuravura, me ra rogoca na nona vuku sa vakayacora ki na yalona ko koya na Kalou.
25A ra sa kauta na tamata yadua na nona i loloma, eso nai yaya siliva, ka so nai yaya koula, kei nai sulu, kei nai sulu ni valu, kei na ka boi vinaka, eso na ose, ka so na meule, na nodra i tavi yadua e na veiyabaki.
26 1Tui 4.26 A sa vakasoqona vata ko Solomoni na qiqi-ni-valu, kei ira na tamata dauvodo ose. A sa dua na udolu ka va na drau na nona qiqi-ni-valu ka le tinikarua na udolu na tamata dauvodo ose, a sa lesi ira me ra tiko e na veikoro ni qiqi-ni-valu, ka vei koya na tui mai Jerusalemi.
27Vrua 17.17A sa vakatautauvatataka ko koya na tui na siliva kei na vatu mai Jerusalemi, kei na veisitari me vaka na veilolo sa tu e na vanua buca ni sa ka levu.
28Vrua 17.16A sa kau tiko mai kivei Solomoni na ose eso mai Ijipita, ka sa taura na qele ni ose ko ira na nona tamata dauveivoli na tui, e na kedrai voli na qele yadua.
29A sa rawa ni voli e dua na qiqi-ni-valu mai Ijipita ka kenai sau e ono na drau na siliva, ka kenai sau e dua na ose e dua na drau ka limasagavulu, ka ra sa ia kina na nona tamata dauveivoli na tui me ra vakauta vei ira kecega na nodra tui na Itaiti kei ira na tui Siria.
Who We AreWhat We EelieveWhat We Do
2025 by iamachristian.org,Inc All rights reserved.
