1Sa vakaoqo na ka e vakaraitaka vei au na Turaga ko Jiova—sa dua na sova vuata dreu.
2A sa tarogi au ko koya, “A cava ko sa raica, Emosi?” Au a kaya, “E dua na sova vuata dreu.” Sa qai kaya vei au ko Jiova,
“Sa yaco mai nai vakataotioti vei ira na noqu tamata na Isireli;
au na sega sara ni vosoti ira tale.
3Ena vuki me qoqolou na sere e na vale vakaturaga e na siga ko ya,”
sa kaya na Turaga ko Jiova.
“Sa ka levu na yago mate!”
“Era dui veibiuyaki e veivanua kecega!”
“Ni tiko lo mada!”
4Dou rogoca oqo, koi kemudou sa dautilomi ira sa vakaloloma
ka dauvakacacani ira na dravudravua ni vanua,
5ka sa kaya, “Ena oti ninaica na vula vou
me da volitaka kina na sila?
Kei na Siga ni Vakacecegu,
me da dolava na lololo ni witi?
Keimami na vakalailaitaka na efa, ka vakalevutaka na sikeli,
ka vakatanitaka nai vakarau ni bibi me daulasu,
6ka me da voli ira kina na dravudravua e na siliva,
kei na luveniyali e nai vava,
kei na qa ni witi me da volitaka.”
7Sa bubului ko Jiova e na vuku ni lagilagi i Jekope:
“Au na sega sara ni guilecava e dua na nodra cakacaka ka sega ni mudu.
8Me na sega li ni sautaninini na vanua e na vuku ni ka oqo,
ka ra dui tagi kece ko ira era tiko kina,
ka ra cere cake na veika kece me vaka na Naile,
ka veitubuyaki ka lutu sobu tale, me vaka na uciwai na Naile mai Ijipita?”
9Ia sa kaya na Turaga ko Jiova, “E na siga ko ya,
au na vakadromuca na mata-ni-siga ni sa tu donu mai,
ka vakabutobutotaka na vanua ni sa siga levu tutu.
10Au na vukica talega na nomudou solevu me soqoni ni tagi,
kei na nomudou sere kecega ena vuki me lele;
ia ka'u na lewa mo dou sulumaka nai sulu taga,
ka na cou mai na ulumudou kecega;
ia ka'u na cakava na ka oqori me tautauvata kei na somate sa ia e na vuku ni gone tagane sa dua bauga,
kei na kenai otioti me tautauvata kei na dua na siga rarawa sara.
11“Raica, ena yaco mai na gauna,” sa kaya na Turaga ko Jiova,
“ka'u na vakayacora kina na dausiga ki na vanua;
ena sega ni dausiga ni viakana, se na viagunu wai,
ia e na via rogoca ga na vosa i Jiova.
12Era na veitosoyaki voli mai na wasawasa e dua ki na wasawasa ka dua,
mai na yasayasa e na vualiku ki na yasayasa ki na tokalau;
era na cici yani ka cici mai, me ra vakasaqara na vosa i Jiova,
ia era na sega ni kunea.
13“E na siga ko ya, o ira na goneyalewa matavinaka kei ira na cauravou
era na matabuto e na viagunu.
14Ko ira era sa bubului ka cavuta na ka era cala kina na kai Samaria,
ka kaya, ‘Sa bula na nomu kalou, ko iko Tani,’
kei na, ‘Sa bula nai valavala vaka-Peri-sepa’—
era na bale talega, ka sega ni tucake tale.”
Who We AreWhat We EelieveWhat We Do
2025 by iamachristian.org,Inc All rights reserved.
