1Ia ka'u sa vakananumi kemudou kina na veiwekani e na vuku ni tukutuku-vinaka ka'u a vunautaka vei kemudou, o koya dou sa ciqoma, ka dou sa tudei talega kina;
2o koya talega dou sa vakabulai kina, kevaka dou sa taura dei tiko nai tukutuku ka'u a vunautaka vei kemudou—ka vakavo kevaka sa ka walega na nomudou vakabauta.
3Aisea 53.5-12Ni'u sa vakadewataka taumada vei kemudou na ka talega ka'u sa ciqoma: ni sa mate na Karisito e na vuku ni noda i valavala ca me vaka sa volai e nai Vola Tabu,
4Same 16.8-10; Maciu 12.40; Caka 2.24-32ni sa bulu talega, ka ni sa vakaturi cake talega e nai katolu ni siga me vaka sa volai e nai Vola Tabu;
5Maciu 28.16-17; Mari 16.14; Luke 24.34,36; Joni 20.19ka sa rairai talega vei Kifa, ka tarava vei ira na le tinikarua.
6A sa qai rairai e muri e na dua ga na gauna vei ira vata na veiwekani era sivia na lewe lima na drau, ka lewe vuqa vei ira era se bula tikoga, ka dina ga era sa mate eso.
7Sa rairai e muri ko koya vei Jemesa, ka sa qai rairai vei ira kecega nai apositolo.
8Caka 9.3-6Sa rairai e muri sara vei au talega, me vaka vua e dua sa lutu dole.
9Caka 8.3Ni'u sa uasivi sobu vei ira kecega nai apositolo, ka'u sa sega ni yaga me'u vakatokai mei apositolo, ni'u a vakacacana nai soqosoqo lotu ni Kalou.
10Ia ena loloma ga ni Kalou ka'u sa yaco kina me'u vaka tu oqo edaidai, kei na nona loloma kivei au sa sega ni tawa yaga. Ia ka'u sa uasivi cake vei ira kecega e na cakacaka, ia ka sa sega ni koi au, na loloma ga ni Kalou sa tiko vei au.
11Ia kevaka sa vakayacora koi au se ko ira, keitou sa vunau ga ka dou sa vakabauta.
Na Nodra Tucake Tale o Ira sa Mate12Ia kevaka sa vunautaki na Karisito ni sa vakaturi cake tale mai na mate, era sa kaya vakacava eso vei kemudou ni sa sega na tucake tale mai na mate?
13Ia kevaka sa sega ni tucake tale ko ira na mate, sa qai sega ni tucake tale mai na Karisito;
14ia kevaka sa sega ni tucake tale mai na Karisito, sa qai ka walega na neitou vunau, a ka wale talega na nomudou vakabauta.
15Ia keitou sa kune kina me daulasulasu ni keitou sa tukuna na Kalou, ni keitou sa tukuni koya na Kalou ni sa vakaturi Karisito cake tale—ka sa sega ni vakaturi koya cake tale kevaka sa dina ni sa sega ni tucake tale ko ira na mate.
16Ni kevaka sa sega ni tucake tale ko ira na mate, sa qai sega ni vakaturi cake tale na Karisito.
17Ka kevaka sa sega ni vakaturi cake tale na Karisito, sa qai sega ni yaga na nomudou vakabauta ka se tu ga vei kemudou edaidai na nomudou i valavala ca.
18Era sa rusa kina ko ira era sa nei Karisito, ka sa moce tu.
19Kevaka eda sa vakanuinui me yaga vei keda na Karisito e na bula ga oqo, eda sa qai vakaloloma vakalevu cake vei ira kecega na tamata.
20Ia ka sa qai tucake tale mai na mate na Karisito, a sa yaco me kedrai sevu era sa moce tu.
21Me vaka ni sa vakavuna na mate e dua na tamata, sa vakavuna talega na tucake tale mai na mate e dua na tamata.
22Ni sa mate na tamata kecega e na vuku i Atama, ena vakabulai kece talega na tamata e na vuku i Karisito.
23Ia na tamata yadua me vaka sa lesi vua: na Karisito sa kenai sevu, ka qai muri ko ira era sa nei Karisito, ni sa lako tale mai ko koya.
24Sa qai muri na kenai vakataotioti, ni sa solia ko koya na lewa vua na Kalou, ko Tamana, ni sa vakarusa oti ko koya na lewa kecega kei na dauveitaliutaki kecega kei na kaukauwa.
25Same 110.1Sa na lewa tikoga ko koya me vakamalumalumutaki sobu mada na meca kecega e ruku ni yavana.
26Nai otioti ni meca me vakarusai ko mate.
27Same 8.6Ni “sa vakamalumalumutaka na ka kecega na Kalou e ruku ni yavana.” Ia ni sa kainaki, “sa vakamalumalumutaki na ka kecega,” sa macala sara ni sa sega ni cavuti ko koya sa vakamalumalumutaka vua na ka kecega.
28Ni sa vakamalumalumutaki oti vua na ka kecega, ena qai vakamalumalumutaki talega na Luvena vei koya sa vakamalumalumutaka na ka kecega vei koya, me sa lewa duaduaga na Kalou e na ka kecega.
29Kevaka sa sega ni vakaoqo, era na vakaevei ko ira sa papitaisotaki e na vukudra na mate? Kevaka sa sega sara ni tucake tale ko ira na mate, a cava era sa papitaisotaki kina e na vukudra na mate?
30Ka cava me keitou bolea talega kina na mate e na tiki-ni-siga kecega?
31Au sa tukuna dina sara oqo, e na noqu rekitaki kemudou na veiwekani e na vuku i Karisito Jisu na noda Turaga, Au sa mate voli ga e na veisiga!
32Aisea 22.13Ni kevaka sa vakatamata ga na noqu veivala kei na manumanu daukata mai Efeso, a cava na betena vei au? Kevaka sa sega ni tucake tale ko ira na mate,
“Me da kana ga ka gunu,
ni da na mate ni mataka.”
33Dou kakua ni vakaisini kemudou vakataki kemudou:
“Sa vakacala nai valavala vinaka na dautiko vata kei ira era sa ca.”
34Dou yadra mai me vaka sa dodonu, ka mo dou kakua ni valavala ca; ni sa tiko eso era sa sega ni kila na Kalou. Au sa vosa vakaoqo mo dou madua kina.
Na Tucake Tale ni Yago35Ia ena kaya e dua, “Ena vakaturi cake tale vakaevei ko ira na mate? Ia na yago cava era na lako kaya mai?”
36O iko ko sa sega ni vuku, na ka ko sa tea sa sega ni bula cake, kevaka sa sega mada ni mate.
37Ia na ka ko sa tea, ko sa sega ni tea na yago ena tubu cake mai kina, ia nai tei ni sila walega, se witi beka, se dua tale na co-vuata.
38Ia sa solia na yagona na Kalou me vaka sa vinaka vua, ki na mataqali itei yadua na yago e veiganiti kaya.
39Sa sega ni tautauvata na yago ni ka kecega, ia sa dua na yago ni tamata, ka duatani na yago ni manumanu e yavai va, ka duatani na yago ni ika, ka duatani na yago ni manumanu vuka.
40Sa vakalomalagi na yago eso, ka sa vakavuravura na yago eso; ka sa duatani nai ukuuku ni yago vakalomalagi, ka sa duatani nai ukuuku ni yago sa vakavuravura.
41Sa duatani nai ukuuku ni mata-ni-siga, ka sa duatani nai ukuuku ni vula, ka sa duatani nai ukuuku ni veikalokalo; ni sa uasivi cake na serau ni kalokalo e dua mai na kenai serau na kalokalo e dua tale.
42Sa vaka talega kina na tucake tale mai na mate. Na ka sa tei, sa vuca; na ka sa vakaturi cake tale, sa sega ni vuca.
43Ni sa tei, sa vakasisilataki; ni sa vakaturi cake tale, sa vakaiukuukutaki. Ni sa tei, sa malumalumu; ni sa vakaturi cake tale, sa kaukauwa.
44Ni sa tei, sa yago dina ni tamata; ni sa vakaturi cake tale, sa qai yago vakayalo. Kevaka sa dua na yago sa vaka na bula vakatamata, sa dua talega na yago sa vaka na bula vakayalo.
45Vteki 2.7Me vaka na ka sa volai, “Ko Atama sa taumada sa caka me tamata bula”; Ko Atama sa muri, sa caka me yalo sa vu ni bula.
46Ia ka sa sega ni taumada ko ya sa vakayalo, ko ya ga sa bula vakatamata, ka sa qai muri na ka sa vaka na bula vakayalo.
47Na tamata sa taumada sa mai vuravura, a tamata mai na kuvu ni soso; ia sa mai lomalagi na tamata sa kenai karua, na Turaga.
48Sa ra vakataki koya sa mai na kuvu ni soso ko ira era sa buli mai na kuvu ni soso; ka sa ra vakataki koya talega sa mai lomalagi ko ira era sa mai lomalagi.
49Ia me vaka ni da sa sucu e nai yaloyalo i koya sa buli mai na kuvu ni soso, me da na vakataka talega nai yaloyalo i koya sa lako mai lomalagi.
50Ia ka'u sa kaya oqo, oi kemudou na veiwekani, ni sa dredre ni rawata na matanitu ni Kalou na yago sa vakalewe ka vakadra, ena sega talega ni yaco me tawa vuca rawa na ka sa vuca rawarawa.
511Cesa 4.15-17Rogoca, au sa vakatakila vei kemudou e dua na ka vuni! Eda na sega ni moce kece, ia eda na vakamataliataki kecega,
52ena vakasauri sara, ena vaka na sauriva ni mata, ni sa uvu nai otioti ni davui. Ena uvuci na davui, ena qai vakaturi cake tale ko ira na mate, me sega ni mate tale, ia koi keda eda na vakamataliataki talega.
53Sa na vakaisulu na yago vuca oqo me kakua tale ni vuca rawa, ka sa na vakaisulu na yago sa mate oqo me kakua tale ni mate rawa.
54Aisea 25.8Ia ni sa vakaisulu oti na yago vuca oqo me kakua tale ni vuca rawa, ka sa vakaisulu oti na yago mate oqo me kakua tale ni mate rawa, ena qai vakayacori kina na vosa sa volai:
“Sa gu ce ko mate, ka sa muduki sara.”
55 Osea 13.14 “Ko iko mate, sa evei na nomu bati gaga?
Ko iko bulubulu, sa evei na nomu gumatua?”
56Sa kena bati gaga ni mate nai valavala ca, ka sa kena kaukauwa ni valavala ca na vunau.
57Ia me da vakavinavinaka vua na Kalou, o koya sa solia vei keda me da gumatua sara e na vuku ni noda Turaga ko Jisu Karisito.
58O koya ga oqo, oi kemudou na wekaqu lomani, mo dou qai tudei sara, mo dou kakua ni yavala, mo dou uasivi cake e na cakacaka ni Turaga e na gauna kecega, ni dou sa kila sa sega ni ka walega na nomudou cakacaka e na vuku ni Turaga.
Who We AreWhat We EelieveWhat We Do
2025 by iamachristian.org,Inc All rights reserved.
