Vakatakila 11 - Ai Vola Tabu (Vakadewa Makawa Vakavoutaki 2021)（FRV21）

Nai Vakadinadina e Rua

1 Isi 40.3; Saka 2.1,2 A sa dua na gasau sa soli vei au e vaka nai titoko; a sa tu na agilosi, ka kaya, “Mo tucake, ka vakarautaka na vale ni Kalou, kei nai cabocabo-ni-soro, kei ira era sa lotu kina.

2Luke 21.24Ia na lomanibai e taudaku ni vale, kakua ni vakarautaka; ni sa soli oqori kivei ira na veimatanitu tani, ia era na butuka na koro tabu ka vula vasagavulu-ka-rua.

3Ia ka'u na solia vei rau na noqu i vakadinadina, me rau parofisai rawa ka siga e dua na udolu ka rua na drau ka onosagavulu, ka rau na vakaisulu e nai sulu taga.”

4 Saka 4.3,11-14 Na kau ruarua oqo na yacana na olive, kei nai tutu-ni-cina e rua sa tu e na mata ni Turaga kei vuravura.

5Ia kevaka e dua na tamata sa via vakacacani rau, sa lako mai na gusudrau na bukawaqa, ka kania sara na nodrau meca. Ia kevaka e dua na tamata sa via vakacacani rau, ena vakamatei ga vakaoqo.

61Tui 17.1; Lako 7.17-19; 1Samu 4.8Erau sa rawata me sogoti lomalagi, me kakua ni tau na uca e na gauna erau sa vunau kina, erau sa rawata talega me vukica na wai kece me dra, me rau yaviti vuravura talega e na mate ca kece, me vaka na nodrau veitalia.

7 Tani 7.7,21; Vtaki 13.5-7; 17.8 Ia ni rau sa vakaotia na nodrau i tukutuku, ena veivala kei rau na manumanu sa lako mai bulubulu sa sega ni vakabotona, ena kaukauwa vei rau ko koya, ka vakamatei rau.

8Aisea 1.9,10Ia ena biu wale tu na yagodrau sa mate e na saqata ni koro levu, sa vakatokai vakaibalebale ko Sotoma kei Ijipita, sa lauvako talega kina e na kauveilatai na nodrau Turaga.

9Ia ko ira na veimatanitu kei na veimataqali kei na duivosavosa kei na veivanua, era na raica na yagodrau sa mate ka tolu na siga kei na veimama ni dua tale na siga, a ra na sega ni laiva me buluti na yagodrau e nai bulubulu.

10O ira talega era tiko e vuravura era na reki ni rau sa mate, ka marau vakalevu, a ra na dui veisoliyaka na nodra ka ni loloma; ni rau sa vakararawataki ira era sa tiko e vuravura koi rau na parofita oqo.

11 Isi 37.10 A sa oti e tolu na siga kei na veimama ni ka va ni siga, sa qai curumi rau na Yalo ni bula mai vua na Kalou, a rau sa wavu tu kina; a sa ka levu na rere sa kani ira era sa raici rau.

122Tui 2.11A rau sa rogoca e dua na domo levu mai lomalagi sa kaya vei rau, “Drau lako cake mai ki ke.” A rau sa lako cake ki lomalagi e na o; a sa raici rau ko ira na nodra meca.

13Vtaki 6.12; 16.18E na tiki-ni-siga ga ko ya sa tavuki vakalevu kina na vanua, a sa bale nai katini ni wase ni koro, a sa le vitu na udolu na tamata sa vakamatei ni sa tavuki na vanua, kei ira sa vo era sa rere ka vakavinavinaka vua na Kalou kei lomalagi.

14Sa qai oti nai karua ni ka ca; ka raica, sa lako vakatotolo sara mai nai katolu.

Nai Kavitu ni Davui

15 Lako 15.18; Tani 2.44; 7.14,27 SA qai uvu davui nai kavitu ni agilosi, ka sa muri eso na vosa sa domo levu mai lomalagi, sa kaya,

“Na matanitu kei vuravura oqo sa qai yaco me nona na noda Turaga,

a nei koya na nona Karisito;

ia ena lewa ko koya ka sega ni mudu.”

16O ira na qase e le ruasagavulu-ka-va, era sa tiko e nodra i tikotiko e na mata ni Kalou, era sa cuva vakatoboicu, ka vakarokoroko ki na Kalou,

17ka kaya,

“Keitou sa vakavinavinaka vei kemuni, na Turaga na Kalou Kaukauwa,

ko ni sa bula edaidai, ko ni a bula eliu, ko ni na bula talega e muri;

ni kemuni sa kauta vei kemuni na nomuni kaukauwa levu,

ka lewa tiko.

18 Same 2.5; 110.5; 115.13 O ira na veimatanitu era sa cudru,

ia sa yaco dina mai na nomuni cudru,

kei na nodra gauna na mate me ra saumi kina,

mo ni solia talega vei ira na nomuni talatala na parofita na kedrai sau,

vei ira talega na tamata yalosavasava,

vei ira talega era rerevaka na yacamuni, se ra turaga se ra tamata lalai;

mo ni vakawabokotaki ira era sa vakawabokotaki vuravura.”

19 Vtaki 8.5; 16.18,21 A sa dola na valenilotu ni Kalou mai lomalagi, a sa rairai e na nona vale na kato ni vola ni veiyalayalati. A sa qai muri na livaliva, kei na vosa, kei na kurukuru, kei na tavuki ni vanua, kei na uca-cevata levu.