Same 87 - Ai Vola Tabu (Vakadewa Makawa Vakavoutaki 2021)（FRV21）

Na Rekitaki ni Bula mai Saioni A Nodra Same na luve i Kora. A Sere.

1A nona yavu sa tu mai na ulunivanua tabu;

2sa lomana vakalevu ko Jiova na matamata-ni-koro mai Saioni

ka vakalailai nai tikotiko kecega i Jekope.

3Sa dautukuni voli na nomuni lagilagi,

o iko na koro ni Kalou. Sela

4Au na cavuti Reapi kei Papiloni vei ira era kilai au;

raica, ko Filisitia, kei Taia kei Eciopea—

“Sa sucu mai kina na tamata oqo”, era kaya.

5Ia e na vuku i Saioni ena kainaki,

“Sa sucu mai kina na tamata oqo kei na tamata ko ya”;

ena vakataudeitaki koya ko Koya sa Cecere Sara.

6Ena tukuna ko Jiova, ni sa volai ira na tamata,

“Sa sucu mai kina na tamata oqo.” Sela

7Na daunisere kei na daunimeke sa tukuna vata,

“Sa tubu mai vei iko na noqu i vurevure kecega.”