Same 10 - Ai Vola Tabu (Vakadewa Makawa Vakavoutaki 2021)（FRV21）

Na Masu ni Veivakagalalataki mai na Mecaל Lameta

1I Jiova, ko ni sa tu vakayawa e na vuku ni cava?

Ko ni sa vunitaki kemuni e na veisiga ni rarawa e na vuku ni cava?

2Ni sa viavialevu na tamata ca sa vakacacani koya sa dravudravua—

me ra na qai coko tale e na vere era sa bukia.

(מ Memi)

3Sa dokai koya na tamata ca e na vuku ni gagadre ni yalona,

ka sa doka na daukocokoco, ia sa beci Jiova.

(נ Nuni)

4E na mata viavialevu era sa kaya kina na tamata ca, “Sa sega ni via vakasaqara na Kalou”;

sa tu ga e na nodra vakanananu oqo, “Ni sa sega na Kalou.”

5A ka ni dauveivakararawataki na nona i valavala e na veisiga kecega;

na nomuni lewa sa yawasivita cake na ka sa raica na matana;

ia na nona meca kece, sa vakasiusiutaka ko koya.

6Sa kaya e lomana, “Ka'u na sega sara ni vakayavalati;

ka'u na sega ni kunea na rarawa mai nai tabatamata e dua ka yacova nai tabatamata kadua.”

(ס Sameki)פ Pe

7 Roma 3.14 Sa sinai na gusuna e na ruru kei na dauveivakaisini kei na lasu;

sa tu e ruku ni yamena na ca kei na veivakacacani.

8Sa wawa vakavuni koto e na veikoro lalai;

ע Ayini

e na yasana vuni sa labati ira era sa sega ni cala.

Sa vakaraici ira lo na matana me vakacacana na malumalumu;

9Sa tiko vakailawaki e na yasana vuni me vaka na laione e na nona qara;

sa lawakitaki ira na malumalumu me vauci ira;

(צ Sade)

Sa vauca dina na malumalumu ni sa coriti koya e na nona lawa.

10Sa qai vakanovonovo ko koya ka sa cuva,

me bale e na nona kaukauwa na tamata malumalumu.

11Sa kaya e lomana, “Sa guilecava ko koya na Kalou,

sa vunia na matana, ena sega sara ni raica.”

ק Kofa

12I Jiova, mo ni tucake; ni dodoka yani na ligamuni, na Kalou;

ni kakua ni guilecavi ira era sa vakararawataki.

13A cava sa beci koya kina na Kalou na tamata ca,

ka sa kaya e lomana, “Ko ni na sega ni taroga”?

ר Resi

14Ia ko ni sa raica! Ko ni sa kunea na vakacaca kei na lomaca,

ka tu vakarau mo ni dodo liga kina;

sa laivi koya vei kemuni na malumalumu;

ni ko ni sa dauvukei koya na luveniyali.

ש Shini

15Musuka na tabana na tamata lomaca ka i valavala ca;

mo ni vakasaqara na nona ca me sa sega tale ni kune rawa.

16A Tui ko Jiova ka sega ni mudu;

sa kawaboko mai na nona vanua na lewe ni veimatanitu.

ת Tau

17I Jiova, ko ni a rogoca na nodra gagadre na yalomalumalumu;

kemuni na vakataudeitaka na yalodra, ko ni na vakatudaliga me rogoca,

18me lewa na luveniyali kei koya sa vakararawataki,

me ra kakua tale ni ia na veivakasaurarataki ko ira na turaga kei vuravura.