Esera 2 - Ai Vola Tabu (Vakadewa Makawa Vakavoutaki 2021)（FRV21）

Ko Ira na Jiu era Lesu Vata kei Serupepeli ki Jerusalemi(Niemaia 7.4-73)

1Ia ko ira oqo na gone ni qali era a lako cake mai vei ira na bobula, mai vei ira era kau tani eliu, o ira ka kauta tani ki Papiloni ko Nepukanesa na tui Papiloni; ka ra sa lesu tale ki Jerusalemi kei Juta, ko ira yadua ki na nona koro.

2Ko ira era lako vata mai kei Serupepeli ko Jesua, ko Niemaia, ko Siraia, ko Rielaia, ko Motekai, ko Pilisani, ko Misipari, ko Pikivai, ko Riumi kei Peana.

A kedrai wiliwili ko ira na tagane vei Isireli:

3o ira na luve i Parosi, e le rua na udolu ka dua na drau ka vitusagavulu ka rua.

4O ira na luve i Sefataia, e le tolu na drau ka vitusagavulu ka rua.

5O ira na luve i Ara, e le vitu na drau ka vitusagavulu ka lima.

6O ira na luve i Peaci-moapi, mai vei ira na luve i Jesua kei Joape, e le rua na udolu ka walu na drau ka tinikarua.

7O ira na luve i Ilama, e le dua na udolu ka rua na drau ka limasagavulu ka va.

8O ira na luve i Satu, e le ciwa na drau ka vasagavulu ka lima.

9O ira na luve i Sakai, e le vitu na drau ka onosagavulu.

10O ira na luve i Pani, e le ono na drau ka vasagavulu ka rua.

11O ira na luve i Pepai, e le ono na drau ka ruasagavulu ka tolu.

12O ira na luve i Asikati, e le dua na udolu ka rua na drau ka ruasagavulu ka rua.

13O ira na luve i Etonikami, e le ono na drau ka onosagavulu ka ono.

14O ira na luve i Pikivai, e le rua na udolu ka limasagavulu ka ono.

15O ira na luve i Atini, e le va na drau ka limasagavulu ka va.

16O ira na luve i Ateri, mai vei Esekaia, e le ciwasagavulu ka walu.

17O ira na luve i Pisai, e le tolu na drau ka ruasagavulu ka tolu.

18O ira na luve i Jora, e le dua na drau ka tinikarua.

19O ira na luve i Asumi, e le rua na drau ka ruasagavulu ka tolu.

20O ira na kai Kipari, e le ciwasagavulu ka lima.

21O ira na kai Peceliema, e le dua na drau ka ruasagavulu ka tolu.

22O ira na kai Nitofa, e le limasagavulu ka ono.

23O ira na kai Anacoci, e le dua na drau ka ruasagavulu ka walu.

24O ira na luve i Asimavece, e le vasagavulu ka rua.

25O ira na kai Kiriaci-jiarimi, ko Kifira, kei Pieroci, e le vitu na drau ka vasagavulu ka tolu.

26O ira na kai Rama kei Kepa, e le ono na drau ka ruasagavulu ka dua.

27O ira na kai Mikimasi, e le dua na drau ka ruasagavulu ka rua.

28O ira na kai Peceli kei Ai, e le rua na drau ka ruasagavulu ka tolu.

29O ira na kai Nipo, e le limasagavulu ka rua.

30O ira na kai Makipisi, e le dua na drau ka limasagavulu ka ono.

31O ira na kai Ilama kadua, e le dua na udolu ka rua na drau ka limasagavulu ka va.

32O ira na kai Erimi, e le tolu na drau ka ruasagavulu.

33O ira na kai Lota, ko Atiti, kei Ono, e le vitu na drau ka ruasagavulu ka lima.

34O ira na kai Jeriko, e le tolu na drau ka vasagavulu ka lima.

35O ira na kai Sena, e le tolu na udolu ka ono na drau ka tolusagavulu.

36O ira na bete: ko ira na luve i Jitaia, e na vale i Jesua, e le ciwa na drau ka vitusagavulu ka tolu.

37O ira na luve i Ima, e le dua na udolu ka limasagavulu ka rua.

38O ira na luve i Pasuri, e le dua na udolu ka rua na drau ka vasagavulu ka vitu.

39O ira na luve i Erimi, e le dua na udolu ka tini ka vitu.

40O ira na Livai: ko ira na luve i Jesua, kei Katimieli, mai vei ira na luve i Otevaia, e le vitusagavulu ka va.

41O ira na dausere: ko ira na luve i Esava, e le dua na drau ka ruasagavulu ka walu.

42O ira na luvedra era vakatawa na katuba: ko ira na luve i Salumi, ko ira na luve i Ateri, ko ira na luve i Talimoni, ko ira na luve i Akupi, ko ira na luve i Etita, ko ira na luve i Sopai, ko ira kece e le dua na drau ka tolusagavulu ka ciwa.

43O ira na Necinimi: ko ira na luve i Saia, ko ira na luve i Esufa, ko ira na luve i Tapaoce;

44ko ira na luve i Kirosi, ko ira na luve i Siea, ko ira na luve i Patoni;

45ko ira na luve i Lipana, ko ira na luve i Ekapa, ko ira na luve i Akupi;

46ko ira na luve i Akapi, ko ira na luve i Salimai, ko ira na luve i Anani;

47ko ira na luve i Kiteli, ko ira na luve i Keari, ko ira na luve i Riaia;

48ko ira na luve i Risini, ko ira na luve i Nikota, ko ira na luve i Kasami;

49ko ira na luve i Usa, ko ira na luve i Pasea, ko ira na luve i Pesai;

50ko ira na luve i Esina, ko ira na luve i Maoni, ko ira na luve i Nifusimi;

51ko ira na luve i Pakipuki, ko ira na luve i Ekufa, ko ira na luve i Ariuri;

52ko ira na luve i Pasilice, ko ira na luve i Meita, ko ira na luve i Arisa;

53ko ira na luve i Parikosi, ko ira na luve i Sisera, ko ira na luve i Tema;

54ko ira na luve i Nisia, ko ira na luve i Etifa.

55O ira na luvedra na tamata i Solomoni: ko ira na luve i Soti, ko ira na luve i Sofereci, ko ira na luve i Piraita;

56ko ira na luve i Yala, ko ira na luve i Tarikoni, ko ira na luve i Kiteli;

57ko ira na luve i Sefataia, ko ira na luve i Atili, ko ira na luve i Pokerece-asipayimi, ko ira na luve i Ami.

58O ira kecega na Necinimi, kei ira na luvedra na tamata nei Solomoni, era sa le tolu na drau ka ciwasagavulu ka rua.

59Ia ko ira oqo era a lako cake mai Teli-mela, Teli-arisa, Kerupi, Atani, kei Ima, ka ra sa sega ni vakatakila rawa na vale ni nodra qase, kei na nodra kawa, se ra luve i Isireli beka se segai:

60ko ira na luve i Tilaya, ko ira na luve i Topaia, ko ira na luve i Nikota, era sa le ono na drau ka limasagavulu ka rua.

61Ko ira mai vei ira na luvedra na bete: ko iratou na luve i Apaya, ko iratou na luve i Kose, ko iratou na luve i Pasiliai (ko koya sa veiwatini kaya e dua na luve i Pasiliai ka yalewa na kai Kiliati, a sa vakayacani e na yacadra).

62Ko ira oqo era sa vakasaqara na kedrai vola vei ira sa wili na kedra yavusa, a sa sega ni kune; ko koya era sa tawase tani kina me ra kakua ni bete, ni sa sega ni tara me ra bete.

63Tiko 27.21A sa kaya vei ira ko koya na turaga, me ra kakua ni kana e na ka tabu, ka me dua mada na bete me taubena na Urimi kei na Cumimi.

64O ira vata nai soqosoqo taucoko era sa le va na oba ka rua na udolu ka tolu na drau ka onosagavulu (42,360),

65a sa vo ko ira na nodra tamata kei na nodra vada, era le vitu na udolu ka tolu na drau ka tolusagavulu ka vitu; a sa tiko vata kei ira e le rua na drau na tagane dausere kei na yalewa dausere.

66A nodra ose, sa vitu na drau ka tolusagavulu ka ono; a nodra meule, e rua na drau ka vasagavulu ka lima;

67a nodra kameli, e va na drau ka tolusagavulu ka lima; na asa, e ono na udolu ka vitu na drau ka ruasagavulu.

68Ni ra sa yaco ki na vale i Jiova mai Jerusalemi, eso vei ira sa liu vei ira na qase era sa soli-ka vakayalovinaka ki na vale ni Kalou, me tara cake e na kena yasana.

69Era a solia me vaka na ka era rawata ki nai yau ni cakacaka, e onosagavulu ka dua na udolu na tarama koula, ka tolu na vatuloa na sikeli siliva, ka dua na drau nai sulu ni bete.

70 1Vei 9.2; Nie 11.3 Era sa tiko e na nodra veikoro ko ira na bete, kei ira na Livai, ka so vei ira na tamata, kei ira na dausere, kei ira nai vakatawa-ni-katuba, kei ira na Necinimi; kei ira kece na Isireli e na nodra veikoro.