1 Tiko 26.1-51 A sa vosa vei Mosese ko Jiova mai na vanua lala mai Saineai, e na vale ni veitavaki, e nai matai ni siga e nai karua ni vula, e na kenai karua ni yabaki ni nodra lako tani mai na vanua ko Ijipita, ka kaya:
2“Mo wilika nai soqosoqo taucoko ni Isireli, mo wilika vakamataqali, e na veivuvale ni nodra qase, ka mo wilika na yacadra yadua na tagane kecega;
3ko ira era sa yabaki ruasagavulu se toro cake, o ira kecega vei ira na Isireli sa yaga e nai valu. Oi kemudrau kei Eroni, mo drau wiliki ira e na nodra mataivalu.
4Ia me tiko kei kemudrau e dua na tamata mai na yavusa yadua, ko koya sa turaga ni vale ni nona qase.
5Ia oqo na yacadra na tagane era na veivuke vei kemudrau. Mai vei ira na Rupeni, ko Ilisuri na luve i Siteuri;
6mai vei ira na Simione, ko Silumieli na luve i Surisatai;
7mai vei ira na Juta, ko Nasoni na luve i Amenatave;
8mai vei ira na Isakari, ko Nicaneli na luve i Suari;
9mai vei ira na Sevuloni, ko Iliavi na luve i Eloni;
10mai vei ira na luve i Josefa, mai vei ira na Ifereimi, ko Ilisama na luve i Amiute; mai vei ira na Manasa, ko Kamelieli na luve i Pitasuri.
11Mai vei ira na Penijamini, ko Epitani na luve i Kitione.
12Mai vei ira na Tani, ko Eieseri na luve i Amisatai.
13Mai vei ira na Aseri, ko Pakieli na luve i Okirani.
14Mai vei ira na Kata, ko Eliasafi na luve i Tiueli.
15Mai vei ira na Navitalai, ko Eira na luve i Enani.”
16O ira oqo era digitaki vei ira nai soqosoqo, era turaga e na veiyavusa ni nodra qase, era turaga ni veiudolu ni Isireli.
17Ia ko Mosese kei Eroni, erau sa kauti ira na tamata oqo sa tukuni na yacadra yadua.
18A rau sa vakasoqona vata nai soqosoqo taucoko e nai matai ni siga e nai karua ni vula. A ra sa tukuna na nodra i tubutubu vakamataqali, e na veivuvale ni nodra qase; a ra sa wilika na yacadra yadua, era sa yabaki ruasagavulu ka levu cake.
19Me vaka ka vakarota vei Mosese ko Jiova, sa wiliki ira vakakina ko koya mai na vanua lala mai Saineai.
20Ia ko ira na kawa i Rupeni, na ulumatua i Isireli, e na nodra i tubutubu, e na nodra veimataqali, e na veivuvale ni nodra qase, ka me wili na yacadra yadua, na tagane kecega sa ruasagavulu na nodra yabaki ka levu cake, ko ira kecega sa yaga e nai valu:
21ko ira sa volai mai vei ira na yavusa i Rupeni, era le vasagavulu ka ono na udolu ka lima na drau.
22Vei ira na kawa i Simione, e na nodra i tubutubu, e na nodra veimataqali, e na veivuvale ni nodra qase, o ira sa volai mai vei ira me vaka nai wiliwili ni yacadra yadua, io na tagane kecega sa ruasagavulu na nodra yabaki ka toro cake, ko ira kecega sa yaga e nai valu:
23ko ira sa volai mai vei ira na yavusa i Simione, era le limasagavulu ka ciwa na udolu ka tolu na drau.
24Vei ira na kawa i Kata, e na nodra i tubutubu, e na nodra veimataqali, kei na veivuvale ni nodra qase, vaka nai wiliwili ni yacadra yadua, ko ira sa ruasagavulu na nodra yabaki ka toro cake, o ira kecega sa yaga e nai valu:
25o ira sa volai mai vei ira na yavusa i Kata, era le vasagavulu ka lima na udolu ka ono na drau ka limasagavulu.
26Vei ira na kawa i Juta, e na nodra i tubutubu, e na nodra veimataqali, e na veivuvale ni nodra qase, me vaka nai wiliwili ni yacadra, o ira sa ruasagavulu na nodra yabaki ka levu cake, ko ira kecega sa yaga e nai valu:
27ko ira sa volai mai vei ira na yavusa i Juta, era le vitusagavulu ka va na udolu ka ono na drau.
28Vei ira na kawa i Isakari, e na nodra i tubutubu, e na nodra veimataqali, e na veivuvale ni nodra qase, me vaka nai wiliwili ni yacadra, ko ira sa ruasagavulu na nodra yabaki ka levu cake, ko ira kecega sa yaga e nai valu:
29ko ira sa volai mai vei ira na yavusa i Isakari, era le limasagavulu ka va na udolu ka va na drau.
30Vei ira na kawa i Sevuloni, e na nodra i tubutubu, e na nodra veimataqali, e na veivuvale ni nodra qase, me vaka nai wiliwili ni yacadra, ko ira sa ruasagavulu na nodra yabaki ka levu cake, ko ira kecega sa yaga e nai valu:
31ko ira sa volai mai vei ira na yavusa i Sevuloni, era le limasagavulu ka vitu na udolu ka va na drau.
32Vei ira na kawa i Josefa, io, vei ira na kawa i Ifereimi, e na nodra i tubutubu, e na nodra veimataqali, e na veivuvale ni nodra qase, me vaka nai wiliwili ni yacadra, ko ira sa ruasagavulu na nodra yabaki ka levu cake, ko ira kecega sa yaga e nai valu:
33o ira sa wili mai vei ira na yavusa i Ifereimi, era le vasagavulu na udolu ka lima na drau.
34Vei ira na kawa i Manasa, e na nodra i tubutubu, e na nodra veimataqali, e na veivuvale ni nodra qase, me vaka nai wiliwili ni yacadra, ko ira sa ruasagavulu na nodra yabaki ka levu cake, ko ira kecega sa yaga e nai valu:
35ko ira sa volai mai vei ira na yavusa i Manasa, era le tolusagavulu ka rua na udolu ka rua na drau.
36Vei ira na kawa i Penijamini, e na nodra i tubutubu, e na nodra veimataqali, e na veivuvale ni nodra qase, me vaka nai wiliwili ni yacadra, ko ira sa ruasagavulu na nodra yabaki ka levu cake, ko ira kecega sa yaga e nai valu:
37ko ira sa volai mai vei ira na yavusa i Penijamini, era le tolusagavulu ka lima na udolu ka va na drau.
38Vei ira na kawa i Tani, e na nodra i tubutubu, e na nodra veimataqali, e na veivuvale ni nodra qase, me vaka nai wiliwili ni yacadra, o ira sa ruasagavulu na nodra yabaki ka levu cake, ko ira kecega sa yaga e nai valu:
39ko ira sa volai mai vei ira na yavusa i Tani, era le onosagavulu ka rua na udolu ka vitu na drau.
40Vei ira na kawa i Aseri, e na nodra i tubutubu, e na nodra veimataqali, e na veivuvale ni nodra qase, me vaka nai wiliwili ni yacadra, ko ira sa ruasagavulu na nodra yabaki ka levu cake, ko ira kecega sa yaga e nai valu:
41o ira sa volai mai vei ira na yavusa i Aseri, era le vasagavulu ka dua na udolu ka lima na drau.
42Vei ira na kawa i Navitalai, e na nodra i tubutubu, e na nodra veimataqali, e na veivuvale ni nodra qase, me vaka nai wiliwili ni yacadra, ko ira sa ruasagavulu na nodra yabaki ka levu cake, ko ira kecega sa yaga e nai valu:
43ko ira sa volai mai vei ira na yavusa i Navitalai, era le limasagavulu ka tolu na udolu ka va na drau.
44Ko ira oqo sa wili, io, sa wilika ko Mosese kei Eroni, kei ira na turaga ni Isireli era lewe tinikarua na tamata, na tamata yadua mai na vale ni nona qase.
45Ia ko ira kecega era sa wili mai vei ira na Isireli, e na veivuvale ni nodra qase, ko ira sa ruasagavulu na nodra yabaki ka levu cake, ko ira kecega sa yaga e nai valu vei ira na Isireli—
46ko ira kecega era sa volai, era sa le ono na drau ka tolu na udolu ka lima na drau ka limasagavulu (603,550).
Sega ni Wiliki Vata ko Ira na Livai47Ia ko ira na kawa i Livai e na yavusa i tamadra, era sa sega ni wili vata kei ira.
48Ia sa vosa vei Mosese ko Jiova, ka kaya,
49“Na yavusa i Livai ga mo kakua ni wilika, ia mo kakua ni wiliki ira vata kei ira na Isireli.
50Ia mo lesi ira ga na Livai me lewa na vale ni Kalou sa tu kina na vunau, kei na kenai yaya kecega, kei na kena ka kecega. Era na colata na vale ni Kalou, kei na kenai yaya kecega; ia me ra qarava tiko, ka me volita na vale ni Kalou na nodra veivale laca.
51Ia ni sa kau ki liu na vale ni Kalou, me qai sereka ko ira na Livai; ia ni na duri tale na vale ni Kalou, me ra vakaduria ko ira na Livai. Ia kevaka sa torova e duatani tale, ena vakamatei.
52Ia ko ira na Isireli, me ra daubirika na nodra veivale na tamata yadua e na nona i tikotiko, kei na tamata yadua me voleka ki na nona kuila, e na nodra veivavakoso.
53Ia ko ira na Livai, me volita na vale ni Kalou sa tu kina na vunau, na nodra veivale laca, me kakua ni ra cudruvi kina nai soqosoqo ni Isireli. Ia sa nodra i tavi na Livai, me vakatawa na vale ni Kalou sa tu kina na vunau.”
54A ra sa kitaka vakakina na Isireli; io, me vaka na ka kecega ka vakarota vei Mosese ko Jiova, era sa kitaka vakakina.
Who We AreWhat We EelieveWhat We Do
2025 by iamachristian.org,Inc All rights reserved.
