1Ia ni sa cecega oti ko koya nai kavitu ni drega, sa vakanomodi ko lomalagi ka oti e dua na veimama ni aua.
2Au sa raica na agilosi e le vitu eratou sa tu e na mata ni Kalou; a sa soli vei iratou e vitu na davui.
3Emo 9.1; Lako 30.1,3A sa duatani tale na agilosi sa lako mai ka laki tu e na mata ni cabocabo-ni-soro, a sa taura na miqa koula; a sa soli vakalevu vua na ka boi vinaka, me cabora vata kei na masumasu ni tamata yalosavasava kecega e nai cabocabo-ni-soro koula sa tu e na mata ni tikotiko-vakaturaga.
4Ia sa kuvu cake vata na kubou ni ka boi vinaka, kei na masumasu ni tamata yalosavasava, mai na ligana na agilosi ki na mata ni Kalou.
5Vsoro 16.12; Isi 10.2; Lako 19.16; Vtaki 11.19; 16.18A sa kauta na miqa na agilosi, ka vakasinaita e na bukawaqa ni cabocabo-ni-soro, ka biuta ki vuravura; ka sa tubu na makudru ni vosa, kei na kurukuru, kei na livaliva, kei na tavuki ni vanua.
Na Davui6Ia ko iratou na agilosi e le vitu, eratou sa taura na davui e vitu, eratou sa vakarautaki iratou me ratou uvuca.
7 Lako 9.23-25; Isi 38.22 O koya na kenai matai sa uvuca, ka sa qai muri mai na uca-cevata sa veiwaki vata kei na bukawaqa kei na dra, a sa biu ki vuravura. A sa vakamai kina nai katolu ni wase kei vuravura, kei nai katolu ni wase ni kau, a sa vakamai kecega na co drokadroka.
8Sa qai uvuca nai karua ni agilosi, a sa vaka e dua na ulunivanua levu sa caudre tu e na bukawaqa; sa biu ki na wasawasa a sa vuki kina me dra nai katolu ni wase ni wasawasa;
9a sa mate kina nai katolu ni wase ni ka kecega sa bula e na wasawasa; a sa vakarusai talega nai katolu ni wase ni veiwaqa.
10 Aisea 14.12 Sa qai uvuca nai katolu ni agilosi, a sa dua na kalokalo levu sa lutu mai lomalagi, a sa caudre me vaka na cina, a sa lutu ki nai katolu ni wase ni veiuciwai, kei na veivurevure-ni-wai.
11Jere 9.15Na yaca ni kalokalo ko Gagaduvaduva. A sa gaga kina nai katolu ni wase ni wai; a sa le vuqa kina na tamata sa mate e na wai ni ra sa vakagagai.
12 Aisea 13.10; Isi 32.7; Joeli 2.10,31; 3.15 A sa uvuca nai kava ni agilosi, a sa yaviti kina nai katolu ni tiki ni mata-ni-siga, kei nai katolu ni tiki ni vula, kei nai katolu ni wase ni veikalokalo; ia nai katolu ni kena wase vei ira sa vakabutobutotaki a sa sega talega ni rarama nai katolu ni wase ni siga, ka sa vaka talega kina na bogi.
13Ia ka'u a raica, ka rogoca e dua na ikeli sa vuka e na maliwa kei lomalagi, a sa kaya e na domo levu, “E ca, e ca, e ca, vei ira sa tiko e vuravura, e na vuku ni domo ni nodratou davui na agilosi e le tolu, o koya se bera ni uvu!”
Who We AreWhat We EelieveWhat We Do
2025 by iamachristian.org,Inc All rights reserved.
