Jope 9 - Ai Vola Tabu (Vakadewa Makawa Vakavoutaki 2021)（FRV21）

Vakadinata ko Jope ni sa Dodonu na Kalou

1 Jope 4.17 Sa qai vosa ko Jope, ka kaya:

2“Au sa kila vakaidina ni sa vaka oqo:

Ia sa dodonu rawa vakaevei na tamata e na mata ni Kalou?

3Kevaka sa via veileti kaya,

ena sega ni sauma rawa vua e dua na ka kevaka e tarogi vakaudolu.

4Sa vuku na lomana, ka sa ka vakaidina na nona kaukauwa

—ko cei li sa veivorati kaya, ka sa qaqa kina?—

5ko koya sa kauta tani na veiulunivanua, ka ra sa sega ni kila,

ni sa vukica e na nona cudru;

6ko koya sa yavalati vuravura tani mai na kena i tikotiko,

ka sa yavala na kena duru;

7ko koya sa vakarota na mata-ni-siga, ka sa sega ni cadra;

a sa sogolatia na kalokalo;

8ko koya sa birika vakai koya ga na lomalagi,

ka sa butuka tu na dela ni ua ni wasawasa;

9 Jope 38.31; Emo 5.8 ko koya sa buli Akituro kei Oraioni,

kei Peliatisi kei na veiyasana vuni e na mata ni ceva;

10ko koya sa dau cakava na ka levu sa sega ni kilai rawa,

kei na ka e veivakurabuitaki sa sega ni wiliki rawa.

11Raica, sa lako volekati au, ia ka'u sa sega ga ni raici koya;

sa lako tu yani, ia ka'u sa sega ga ni kunea.

12Raica, sa kauta tani ko koya; ia ko cei me tarova rawa?

Ko cei me kaya vua, ‘A cava ko ni sa kitaka?’

13“Sa na sega ni vakasuka na nona cudru na Kalou,

sa ra na cuva ga vua ko ira na dauveivuke nei Reavi.

14Sa dredre vakalevu vei au me'u vosa vua,

se digitaka na vosa me'u kaya vua?

15Ia kevaka ka'u sa yalododonu, ka'u na sega ga ni vosa tale vua,

ka'u na vakamamasu ga vua sa lewai au.

16Kevaka ka'u a kaci, ka rogo mai vei au ko koya,

ka'u na sega ga ni vakadinata ni sa rogoca na domoqu.

17Ni sa vorolaki au ko koya e na cava,

ka sa vakamavoataki au vakalevu wale.

18Sa sega ni laivi au me'u cegu rawa,

ia sa vakaluvuci au e na ka gaga.

19Kevaka ka'u cavuta na kaukauwa, raica, sa kaukauwa ko koya;

se na lewa, ia ko cei me na lokuca mai na noqu siga?

20Kevaka ka'u sa vakadonui au, ena vakacalai au na gusuqu;

kevaka ka'u sa kaya ka'u sa sega ni cala, ena vakatakilai au ni'u sa yalovakatani.

21Kevaka ka'u sa sega ni cala, ka'u na sega ni kila na yaloqu;

ka'u na weletaka na noqu bula.

22Sa tautauvata ga; ka'u sa kaya kina,

‘Sa vakarusa ko koya na tamata yalododonu kei na tamata i valavala ca.’

23Kevaka sa yaco vakidacala na veivakamatei ni leqa,

ena dredrevaka ko koya na ka era sa vakatovolei kina na tawa cala.

24Sa soli ko vuravura ki na ligadra nai valavala ca;

sa tabonaka ko koya na matadra na mataveilewai—

kevaka sa sega ni ko koya, ia me qai ko cei beka li?

25“Sa qai totolo na noqu siga ka bera nai talaki e daucici;

era sa dro tani; era sega ni kunea na ka vinaka.

26Sa lako tani yani me vaka na waqa totolo,

me vaka na ikeli sa vukaca sobu mai na kena.

27Kevaka ka'u sa kaya, ‘Au na guilecava na noqu kudru;

ka'u na biuta tani na noqu mataveveku ka matamamarau mai,’

28ka'u sa qai rere e na vuku ni noqu rarawa kecega,

ni'u sa kila ni ko na sega ni vakadonui au.

29Au na beitaki ga;

ka cava na vuna sa tawa yaga kina na noqu oca e na cakacaka?

30Ni kevaka ka'u sa vuluvulu e na wai ni uca-vulavula

ka vakasavasavataka sara na ligaqu,

31ia ko na vakalomoci au ga e nai keli lolobo,

ka na vakasisilataki au na noqu i sulu.

32Ni sa sega ni tamata ko koya, me vakataki au, me'u vosa rawa vua,

ka me keirau mai veilewai vata kaya.

33Sa sega talega na dau-ni-lewa e na keirau maliwa,

o koya me bau tabaki keirau ruarua e na ligana.

34Me kauta tani mada vei au ko koya na nona kuita,

ka me kakua ni vakadomobulataki au na nona veivakarerei.

35Ia ka'u na qai vosa ka sega ni rerevaki koya,

ni'u sa kila ni sa sega ni'u vaka na ka sa nanumi me baleti au.