1Sa oti oqo, era sa lako mai ko ira na luve i Moapi, kei ira na luve i Amoni, ka so tani vei ira na Amoni, me ra veivala kei Josefati.
2Sa qai lako mai eso ka ra tukuna vei Josefati, ka kaya, “Sa lako vakaivalu mai vei kemuni e lewe vuqa sara, mai na tai kadua ni wasawasa, mai Siria, ka raica, era tiko mai Esesoni-tamari,” (oqori ko Eni-keti).
3A sa rere ko Josefati, ka uqeti koya me vakasaqarai Jiova; ka kacivaka na lolo e na veiyasana kecega vaka-Juta.
4A ra sa soqoni vata ko ira na Juta, me ra kerea na veivuke mai vei Jiova; ia era sa lako mai na veikoro i Juta me ra vakasaqarai Jiova.
Na Masu i Josefati kei na Nona Qaqa5A sa tu ko Josefati e na kedra maliwa na nodra i soqosoqo na kai Juta kei Jerusalemi, e na vale i Jiova, e na mata ni rara vou,
6a sa kaya, “Kemuni Jiova na nodra Kalou na neimami qase, ko ni sa sega li ni Kalou mai lomalagi? Ko ni sa sega li ni lewa na veimatanitu kecega ni veivanua? Sa sega beka e ligamuni na kaukauwa kei na qaqa, ka sega kina e dua me vorati kemuni rawa?
7Aisea 41.8; Jeme 2.23O ni sa sega li ni neimami Kalou, o koya ka vakaseva tani e na matadra na nomuni tamata, na Isireli, na lewe-ni-vanua oqo, ka solia ki na kawa i Eparaama na nomuni tokani me tawa mudu?
8A ra sa tiko kina, ka tara kina na vale tabu me nomuni, e na vuku ni yacamuni, ni ra kaya,
9‘Kevaka sa yaco vei keimami e dua na ca, nai seleiwau, na veicudruvi, se na mate levu, se na dausiga, ia kevaka keimami na tu e na mata ni vale oqo, e matamuni talega (ni sa tiko na yacamuni e na vale oqo), ka tagi vei kemuni e na neimami rarawa, o ni na qai rogoca ka veivuke.’
10Vrua 2.4-19Ia oqo, ni raica, ko ira na luve i Amoni kei Moapi kei na Ulunivanua ko Sia, ko ira ko ni sega ni laivi ira na Isireli me vala kei ira, ni ra sa lako cake mai na vanua ko Ijipita, ka ra a gole tani ga mai vei ira ka sega ni vakacacani ira—
11ka raica, era sa sauma vei keimami ni ra sa lako mai me cemuri keimami tani mai na nomuni votavota ko ni sa solia me keimami taukena.
12Kemuni na neimami Kalou, o na sega li ni vakatauca na nomuni lewa kivei ira? Ni sa sega vei keimami na kaukauwa me keimami veivala rawa kei ira na lewe vuqa oqo sa lako mai me vala kei keimami. Keimami sa sega ni kila na ka me keimami kitaka, ia sa rai ga yani vei kemuni na mata i keimami.”
13A sa tu e na mata i Jiova ko ira kecega na Juta, kei ira vata na nodra lalai, na watidra, kei na luvedra.
14Sa qai curu mai na Yalo i Jiova vei Jeesieli na luve i Sakaraia, na luve i Penaia, na luve i Jieli, na luve i Matanaia, e dua vei ira na Livai vei ira na luve i Esava, ni sa tu e na kedra maliwa nai soqosoqo;
15Vrua 20.1-4a sa kaya ko koya, “Ni rogoca, koi kemuni kecega na Juta, kei kemuni na kai Jerusalemi, kei kemuni Josefati na tui, Sa vosa vakaoqo vei kemuni ko Jiova, ‘Ni kakua ni rere se taqaya e na vukudra na lewe vuqa oqo, ni sa sega ni nomuni nai valu, sa nona ga na Kalou.
16Ni lako sobu e na mataka ka sota kei ira. Raica, era sa lako cake mai e nai cabecabe ki Sisi. Ia kemuni na kunei ira e na boto ni buca, e donuya na vanua lala ko Jirueli.
17Lako 14.13,14E sega ni gadrevi mo ni vala e nai valu oqo. Dou tuva ga, dou tu vakadua, ka raica na veivakabulai i Jiova e na vukumuni, koi kemuni na Juta kei ira na Jerusalemi.’ Ni kakua ni rere, se taqaya; ni lako yani ka sotavi ira e na mataka, ka na tiko vata kei kemuni ko Jiova.”
18A sa vakacuva na uluna ko Josefati ka vakatoboicu; a sa cuva sobu ko ira kecega na Juta kei ira na kai Jerusalemi e na mata i Jiova, ka ra sa lotu kivei Jiova.
19A ra sa tucake ko ira na Livai, eso mai vei ira na luve i Koaca, ka mai vei ira na luve i Kora, me ra vakavinavinaka kivei Jiova na nodra Kalou na Isireli e na domo levu sara.
20A ra sa sou e na mataka, ka lako yani ki na vanua lala mai Tikoa. Ia ni ra sa lako yani, sa tu ko Josefati, ka kaya, “Ni rogoci au, koi kemuni na Juta kei kemuni na kai Jerusalemi! Ni vakabauti Jiova na nomuni Kalou, kemuni na vakataudeitaki kina; vakadinati ira na nona parofita, kemuni na cakacaka yaco kina.”
21Ia ni sa bose oti ko koya kei ira na tamata, sa lesia eso me sere vei Jiova, ka me ra vakavinavinaka e nai ukuuku ni yalosavasava, ni ra sa lako yani e na matadra na mataivalu, ka me ra kaya,
“Vakavinavinaka vei Jiova,
ni sa sega ni mudu na nona loloma.”
22Ia ni ra sa qai lagata na sere kei na vakavinavinaka, sa lesia ko Jiova na bikalawa me yaviti ira na luve i Amoni, kei ira na Moapi, kei na Ulunivanua ko Sia, era sa lako mai me veivala kei ira na Juta; a ra sa moku.
23Ni ra sa tucake ko ira na luve i Amoni kei ira na Moapi me mokuti ira na kai Ulunivanua ko Sia, me vakamatea ka vakarusa sara; ia ni ra sa vakaoti ira na kai Ulunivanua ko Sia, era sa veivuke kecega me ia na veivakamatei vakataki ira.
24Ia ni sa yaco ko ira na Juta ki na vale ni vakatawa e na vanua lala, era rai vaka kivei ira na lewe vuqa, ka raica, era sa yago mate ga, sa bale ki na soso, ka sega ni dro bula e dua.
25Ia ni sa lako mai ko Josefati kei ira na nona tamata me kauta tani vei ira nai toki-ni-valu, era sa kunea nai yau e dua na ka levu e na yago ni mate, kei na veivatu talei o koya era sa luvata me nodra, a ra sa sega kina ni kauta tani rawa. A ra sa bogi tolu ni ra sa kumuna vata tiko nai toki-ni-valu, e na vuku ni kena levu.
26Ia e na kenai kava ni siga, era sa soqoni vata e na buca ko Piraka; a ra sa vakarokoroko mai keri vei Jiova. A sa vakatokai kina na yaca ni yasana ko ya, Na buca ko Piraka, ka yacova na siga edaidai.
27Era sa qai lesu na tamata kecega ni Juta kei Jerusalemi, ka sa liutaki ira ko Josefati, me lako tale ki Jerusalemi e na marau; ni sa vakamarautaki ira ko Jiova e na vukudra na nodra meca.
28A ra sa lako ki Jerusalemi ki na vale i Jiova, ka ra sa taura lako na soliteri, kei na api, kei na davui.
29A ra sa rere vakalevu sara vua na Kalou ko ira kecega na veimatanitu e na veivanua, ni ra sa rogoca sa dauveivala ko Jiova kei ira na nodra meca na Isireli.
30A sa sautu na matanitu i Josefati, ni sa vakasaututaki koya na nona Kalou e na veiyasana.
Nai Cavacava ni Veiliutaki i Josefati31A sa lewa ko Josefati vei ira na Juta. Sa tolusagavulu ka lima na nona yabaki ni sa tekivu me lewa ko koya, a sa lewa tiko mai Jerusalemi ka yabaki ruasagavulu ka lima. Ia na yaca i tinana ko Asupa na luve i Sili.
32A sa muria ko koya nai valavala i Esa na tamana, ka sega ni lako tani mai kina, sa kitaka ga na ka e dodonu e na mata i Jiova.
33Ia sa sega ni kau tani na veitikina cecere; ka ni ra sa sega ni vagolea na lomadra ko ira na tamata vua na Kalou ni nodra qase.
34Ia na kena vo ni cakacaka i Josefati, a kenai vakatekivu, kei na kenai otioti, raica, sa volai e nai vola i Jeu na luve i Anani, ko koya sa cavuti e na kedrai vola na tui Isireli.
35Ia e muri sa mai veitokani ko Josefati na tui Juta kei Easaia na tui Isireli, ko koya sa ia nai valavala ca.
36A sa veitokani kaya me ta waqa me lako ki Tasisi; ia erau sa taya na waqa mai Esi-oni-keperi.
37Sa qai parofisaitaki Josefati ko Iliesa na luve i Totava mai Maresa, ka sa kaya, “Ni ko sa la'ki veitokani kei Easaia, sa vorolaka na nomu cakacaka ko Jiova.” A sa vorolaki na veiwaqa ka sa sega kina ni lako rawa ki Tasisi.
Who We AreWhat We EelieveWhat We Do
2025 by iamachristian.org,Inc All rights reserved.
