1 Timoci 2 - Ai Vola Tabu (Vakadewa Makawa Vakavoutaki 2021)（FRV21）

Na Veivakaro me Baleta na Sokalou

1O koya oqo ka'u sa vakarota kina, me ia mada eliu na masumasu, na kerekere, na veimasulaki, kei na vakavinavinaka e na vukudra na tamata kecega,

2e na vukudra na tui kei ira kecega era turaga, me da tiko vinaka kina ka vakacegu, me da ia nai valavala kece sa vakalotu ka kilikili.

3Sa dodonu oqo, ka vinaka talega e na mata ni Kalou na noda i Vakabula,

4o koya sa vinakata me bula na tamata kecega, ka mai kila sara nai vakavuvuli dina.

5Ni

sa dua bauga na Kalou;

ka dua bauga na dauveisorovaki e na maliwa ni Kalou kei ira na tamata,

io, na tamata ko Karisito Jisu,

6o koya sa soli koya me kedrai voli na tamata kecega

—ai tukutuku sa tau e na kena gauna donu.

72Timo 1.11Oqori ka'u a lesi kina me'u dauvunautaka me'u kenai apositolo talega (au sa vosa dina, au sa sega ni lasu), me'u nodra i vakavuvuli na veimatanitu e na vakabauta kei nai vakavuvuli dina.

8O koya oqo ka'u sa vinakata kina me masu ko ira na tagane e na yasana kecega, ni ra sa dodoka cake na liga savasava, ka me sega na cudru kei na veiba.

91Pita 3.3Me vakaisulu vaka talega kina ko ira na yalewa e nai sulu e kilikili, ni ra sa lokomi ka yalomatua. Me kakua ni tali na drau ni uludra, me kakua ni vakoula, se vakamata-ni-civa, se vakaisulu e nai sulu sau levu,

10ia (me vaka ga sa kilikili kei ira na yalewa era kaya era sa lotu) e nai valavala vinaka.

11Me tiko lo na yalewa ka me vakatavulici, ka vakamalumalumutaki koya vakalevu.

12Ia ka'u sa sega ni laiva na yalewa mei vakavuvuli, se viavia lewa vei koya na tagane, ka me tiko lo ga.

13Vteki 2.7,21-22Ni sa buli taumada ko Atama, ka muri ko Ivi.

14Vteki 3.1-6A sa sega ni temaki ko Atama, ia na yalewa ga sa temaki, ka sa talaidredre kina.

15Ia ena vakabulai ni sa vakasucu gone, kevaka era sa tudei e na vakabauta, kei na loloma, kei na yalosavasava, kei na yalomatua.