1 Maciu 12.42; Luke 11.31 Ia ni sa rogoca ko koya na ranadi ni Sipa nai rogorogo kei Solomoni, sa lako me vakatovolei Solomoni mai Jerusalemi, e na vosa vakaibalebale dredre; a sa lako vata kaya na nona lewe-ni-sala era lewe vuqa sara, kei na kameli eso era kauta na ka boi vinaka, kei na koula na ka levu sara, kei na vatu talei. Ia ni sa yaco vei Solomoni ko koya, erau sa veivosaki kaya e na ka kecega sa tu e lomana.
2A sa tukuna vua ko Solomoni na ka kecega sa taroga ko koya. A sa sega e dua na ka sa vuni vei Solomoni, me sega ni tukuna rawa vua ko koya.
3Ia ni sa raica oti na ranadi ni Sipa na vuku i Solomoni, kei na vale sa tara ko koya,
4kei na kakana e na nona tepeli, kei na nodra tiko na nona tamata, kei na nodra tu era sa qaravi koya, kei na nodra i sulu; kei ira era dautu na mena, kei na nodra i sulu; kei na nona i cabecabe sa daucabe kina ko koya ki na vale i Jiova; sa yali na nona lomadei.
5A sa kaya vua na tui ko koya, “Sai rogorogo dina ka'u a rogoca e na noqu vanua, e na vuku ni nomuni valavala kei na nomuni vuku,
6ia ka'u a sega ga ni vakadinata na nodra vosa, ka'u a qai lako mai, ka sa raica na mataqu. Ka raica, sa ka lailai walega na nomuni vuku sa tukuni vei au; sa ka levu sara sa vo ka sega ni tukuni; ko ni sa uasivi cake e na ka ka'u a rogoca.
7Sa daumaka ko ira na nomuni tamata! Sa daumaka ko ira oqo era dauqaravi kemuni, era sa tu e matamuni e na veisiga, ka rogoca na nomuni vuku!
8Me vakarokorokotaki ko Jiova na nomuni Kalou, o koya sa vinakati kemuni, ka vakatikori kemuni e na nona i tikotiko vakaturaga, mo tui e na vuku i Jiova na nomuni Kalou. Ni sa lomani ira na Isireli na nomuni Kalou, me vakataudeitaki ira ka sega ni mudu, sa lesi kemuni kina mo ni nodra tui, ka me ia na lewa kei na ka e dodonu.”
9A sa solia ko koya vua na tui e dua na drau ka ruasagavulu na taledi koula, kei na ka boi vinaka na ka levu sara, kei na vatu talei eso. A sa sega tale e dua na ka boi vinaka me tautauvata kei na ka boi vinaka sa solia ko koya na ranadi ni Sipa kivei Solomoni na tui.
10Ia ko ira na tamata nei Irami, kei ira na tamata nei Solomoni, ko ira ka kauta mai na koula mai Ofa, era sa kauta na vunikau talei eso, ka so na vatu talei.
11A sa cakava ko koya na tui e na kau talei nai tatakuri ni cabecabe ki na vale i Jiova kei na vale-ni-tui, na api talega kei na soliteri vei ira na dau-ni-sere. A sa sega me tautauvata kaya sa kune eliu e na vanua ko Juta.
12A sa solia vua na ranadi ni Sipa ko Solomoni na tui na ka kecega sa gadreva ko koya, na ka kecega sa kerea, mei kuri ni tala ni yau sa kauta mai ko koya vua na tui. A sa lesu tale ko koya, ka lako ki na nona vanua, ko koya kei ira era qaravi koya.
Na Levu ni Yau nei Solomoni(1 Tui 10.14-25)13Ia na kena bibi ni koula sa kau vei Solomoni e na dua na yabaki, sa ono na drau ka onosagavulu ka ono na taledi koula,
14ia sa kenai kuri ko ya era sa kauta ko ira na tamata dauveivoli, kei ira na tamata era dauveilakoyaki voli me ra ia na veivoli. A ra sa dau kauta mai vei Solomoni ko ira kecega na tui Arapea, kei ira na kovana ni vanua, na koula kei na siliva.
15A sa cakava ko Solomoni na tui e rua na drau nai sasabai e na koula sa lautuki; sa caka e dua nai sasabai e na koula sa lautuki e ono na drau na sikeli;
16kei nai sasabai lalai e tolu na drau e na koula sa lautuki; sa caka e dua nai sasabai e na koula e tolu na drau na sikeli; a sa virikotora ko koya na tui ki na vale ni veikau ni Lepanoni.
17A sa cakava e na ivori ko koya na tui e dua nai tikotiko vakaturaga sa ka levu, ka botana e na koula dina.
18A sa ono nai tagede e nai cabecabe ni tikotiko vakaturaga, kei nai tutu-ni-yaya koula, sa coko vata kei nai tikotiko vakaturaga, a sa vakaisobesobe na yasana ruarua ni dabedabe, a sa rua na laione sa tu voleka ki nai sobesobe,
19a sa tinikarua na laione sa tu kina, e ono e na yasa ni tagede e dua ka ono e na yasa ni tagede kadua. Sa sega na ka me vaka ko ya me bau caka e na dua na matanitu.
20Sa koula kecega na bilo ni gunu i Solomoni na tui, ka sa koula talei kecega na bilo mai na vale ni veikau ni Lepanoni; sa sega e dua sa siliva, ni sa sega ni i yau talei e na gauna i Solomoni.
21Ni ra sa lako ki Tasisi na nona waqa na tui, kei ira na tamata nei Irami; sa dautale vakadua mai e na veiyabaki tolu na waqa eso ni Tasisi, ka usana mai na koula, kei na siliva, na ivori, ka so na maqe, ka so na pikoki.
Na Vuku i Solomoni22A sa uasivi cake ko Solomoni na tui vei ira kecega na tui kei vuravura e nai yau kei na vuku.
23A ra sa gadreva me ra raici Solomoni ko ira kecega na tui kei vuravura, me ra rogoca na nona vuku ka sa biuta ki na yalona ko koya na Kalou.
24A ra sa kauta na tamata yadua na nona ka ni loloma, eso nai yaya siliva, ka so nai yaya koula, ka so nai sulu, eso nai sulu ni valu, kei na ka boi vinaka, eso na ose, ka so na meule, na nodra i tavi yadua e na veiyabaki.
251Tui 4.26A sa nei Solomoni e va na udolu nai tutu ni ose kei na qiqi-ni-valu, ka le tinikarua na udolu na tamata dauvodo ose, a ra sa lesi me tiko e na veikoro ni qiqi-ni-valu, se me tiko vata kei na tui mai Jerusalemi.
26Vteki 15.18; 1Tui 4.21A sa lewai ira na tui kecega ko koya mai na Uciwai ka yaco ki na nodra vanua na kai Filisitia, ka yaco ki nai yalayala kei Ijipita.
27A sa vakatautauvatataka na tui na siliva kei na veivatu mai Jerusalemi, kei na vu ni sitari me vaka na kena levu na vuni lolo sa tu e na vanua buca, ni sa ka levu.
28Vrua 17.16A sa dau kau tiko mai kivei Solomoni na ose eso mai Ijipita, mai na veivanua kece talega.
Na Mate i Solomoni(1 Tui 11.41-43)29Ia na kena vo ni cakacaka i Solomoni, e kenai vakatekivu, kei na kenai vakataotioti, sa sega li ni volai e nai vola i Necani na parofita, kei na parofisai i Eaija na kai Sailo, kei na raivotu i Ito na daurai, sa vosataki kina ko Jeropoama na luve i Nipati?
30A sa lewai ira kecega na Isireli ko Solomoni mai Jerusalemi ka yabaki vasagavulu.
31A sa moce vata kei ira na nona qase ko Solomoni, a sa bulu e na koro i Tevita na tamana, ka sa lewa ko Reopoama na luvena, me kenai sosomi.
Who We AreWhat We EelieveWhat We Do
2025 by iamachristian.org,Inc All rights reserved.
