Osea 3 - Ai Vola Tabu (Vakadewa Makawa Vakavoutaki 2021)（FRV21）

Na Loloma kei na Cudru ni Kalou vei Isireli

1Sa qai kaya vei au ko Jiova, “Mo lako tale, mo mani lomana na yalewa sa daulomani vua na wekana, ka sa dautagane ga, me vaka na loloma i Jiova vei ira na Isireli, era golevi ira na kalou tani, ka vinakata na bilo waini.”

2Au a qai voli koya me noqu e na tiki ni siliva e tinikalima, ka dua na omeri barile, ka dua na veimama na omeri barile.

3Au a kaya vua, “Mo tiko ga mo noqu ka bogi vuqa; mo kakua ni ia na dautagane, mo kakua ni nona na tamata tani, ia koi au talega, ka'u na nomu ga.”

4Ni na bogi vuqa na nodra tiko na Isireli ka sega na nodra tui, se na turaga, se nai soro, se na matakau, se na efoti, se na terafimi.

5Ka oti, era na qai lesu mai na Isireli, ka qaravi Jiova na nodra Kalou, kei Tevita na nodra tui; ka ra na rerevaki Jiova kei na nona loloma e na gauna mai muri.