1A sa dro ko Tevita mai Naioci mai Rama, ka lako, ka kaya vei Jonacani, “A cava ka'u a cakava? A cava na noqu cala? Ka cava na noqu i valavala ca e na mata i tamamu ka sa segata tiko kina ko koya me'u mate?”
2A sa kaya vua ko koya, “Me kakua sara oqo! O na sega ni mate. Raica, ko tamaqu, sa sega ni kitaka e dua na ka levu se dua na ka lailai, ni sega ni tukuna mada vei au. Ia a cava me vunia kina vei au na ka oqo ko tamaqu? Ena sega ni vakakina!”
3A sa bubului tale ko Tevita, ka kaya, “Sa kila vakaidina ko tamamu ni'u sa kune loloma vei iko; ka sa kaya ko koya e lomana, ‘Me kakua ni kila oqo ko Jonacani, de rarawa ko koya.’ Ia me vaka sa dina ni bula ko Jiova, ka vaka sa bula na yalomu, sa vo ga me'u kalawa vakadua ga ka'u na qai mate.”
4Sa qai kaya vei Tevita ko Jonacani, “A ka kecega sa lomamu, ka'u na kitaka ga e na vukumu.”
5Tiko 28.11A sa kaya vei Jonacani ko Tevita, “Raica, sa vula vou ni mataka, ka dodonu me keirau na dabe vata tiko kei na tui me kana. Ia mo laivi au mada, ka me'u la'ki vunitaki au e na were, me yacova sara nai katolu ni yakavi.
6Kevaka sa bau tarogi au ko tamamu, mo kaya, ‘Sa vakamasuti au matua ko Tevita me bau gole yani ki Peceliema na nona koro, ni sa caka kina nai soro vakayabaki e na vukudra na nona vuvale taucoko.’
7Kevaka sa mani kaya, ‘Sa vinaka!’ E na vinaka oqo vua na nomu tamata, ia kevaka sa cudru vakalevu ko koya, mo qai kila ni sa naki ca vei au ko koya.
8Ena ka oqo, mo caka vinaka kina vei au na nomu tamata, ni ko sa vakavuna vei au na nomu tamata me daru veiyalayalati e na yaca i Jiova. Ia kevaka sa tu vei au e dua na ca, mo vakamatei au ga ko iko; ka cava tale na vuna mo kauti au kina vua na tamamu?”
9A sa kaya ko Jonacani, “Me yawa dina sara vei iko oqo! Me'u sega beka ni tukuna vei iko kevaka ka'u a kila deivaka ni sa nakita na ka ca vei iko ko tamaqu?”
10A sa kaya vei Jonacani ko Tevita, “O cei ena tukuna vei au ke sa vosa vakacudrucudru vei iko ko tamamu?”
11A sa kaya vei Tevita ko Jonacani, “Daru lako yani ki na were.” A rau sa lako yani ruarua ki na were.
12A sa kaya vei Tevita ko Jonacani, “Me i vakadinadina ko Jiova na nodra Kalou na Isireli, ni'u sa vakataroga na loma i tamaqu e na gauna vata vakaoqo ni mataka, se na bogi rua, kevaka sa dua na ka vinaka vei Tevita, ia ka'u na sega beka ni talatala vei iko ka vakatakila vei iko?
13Ia kevaka sa via cakava vei iko na ka ca ko tamaqu, me qai cakacaka vakakina vei Jonacani ko Jiova, ka me vakaikuritaka kevaka ka'u sa sega ni vakatakila vei iko, ka talai iko yani, mo lako e na vakacegu. Ia me tiko vata kei iko ko Jiova, me vaka ni sa dautiko vata kei tamaqu.
14Ni kevaka ka'u se bula tiko, mo vakatakila vei au na loloma tudei i Jiova, ka me'u kakua ni mate;
152Samu 9.1ia me kakua talega ni mudu na nomu loloma vei ira na noqu lewe-ni-vuvale ka tawa mudu, ia me kakua ga, ni sa muduka tani oti ko Jiova na meca kecega i Tevita mai na dela i vuravura.”
16A sa ia na veiyalayalati ko Jonacani kei na lewe-ni-vuvale i Tevita, ka vaka ne, “Me qai valuta ko Jiova na meca i Tevita.”
17A sa vakabubuluitaki Tevita tale ko Jonacani ni sa lomani koya; ni sa lomani koya me vaka sa lomana na yalona.
18Sa qai kaya vei Tevita ko Jonacani, “Sa na ia na vula vou ni mataka, ia ko sa na calati, baleta ni sa na lala tiko na nomu i dabedabe.
19Ia ni ko sa wawa ka bogi tolu, mo kusarawa sobu, ka lako ki na tikina ko a vunitaki iko kina e na siga sa ia kina na ka ko ya, ia mo tiko ga mai na vatu ko Eseli.
20Ia ka'u na vanataka e tolu na gasau ki na dua na yasa ni vatu, me vaka ka'u sa via vana e dua na ka.
21Ia raica, au na tala na cauravou, ka vaka ne, ‘Mo la'ki qara na gasau.’ Kevaka ka'u sa kaya vakadodonu vua na cauravou, ‘Raica, sa no vaka mai ki ke na gasau, mo taura’, ka mo qai lako mai, me vaka sa bula ko Jiova, ni sa qai vinaka vei iko ka sega na ca.
22Ia kevaka ka'u sa kaya vakaoqo vua na cauravou, ‘Raica, sa no yani vaka ki liu na gasau’, ia mo qai lako sara, ni sa vakatalai iko yani ko Jiova.
23Ia e na vuku ni ka edaru sa veivosakitaka, raica, me qai kenai vakadinadina vei kedaru ko Jiova ka sega ni mudu.”
24A sa vunitaki koya mai na were ko Tevita. Ia ni sa taqa na vula vou, sa tiko sobu na tui me kana.
25A sa tiko na tui e nona i tikotiko, me vaka sa daukitaka, io, e nona i tikotiko e voleka ki lalaga. A sa tucake tu ko Jonacani, ka sa dabe voleka kivei Saula ko Epineri; ia sa lala na nona i tikotiko ko Tevita.
26A sa sega na ka e kaya ko Saula e na siga ko ya, ni sa nanuma, “Sa yaco beka vua e dua na ka, sa sega kina ni savasava; io, sa sega dina ni savasava ko koya.”
27Ia e na mataka, nai karua ni siga ni vula, sa lala na nona i tikotiko ko Tevita. A sa kaya ko Saula vei Jonacani na luvena, “A cava e sega kina ni lako mai na luve i Jese me kana e na noa se edaidai oqo?”
28A sa kaya vei Saula ko Jonacani, “Sa masuti au matua ko Tevita me lako ki Peceliema.
29A sa kaya ko koya, ‘Mo laivi au mada me'u lako; ni sa dua nai soro sa ia ko iratou na neitou vuvale e na koro ko ya; ka sa vakarota vei au ko tuakaqu me'u lako kina. Ia oqo, kevaka ka'u sa kune loloma e matamu, mo laivi au mada me'u la'ki raici iratou na wekaqu.’ O koya oqo sa sega kina ni lako mai ko koya ki na tepeli ni tui.”
30A sa cudru sara ko Saula vei Jonacani, a sa kaya vua, “O iko na luve ni yalewa yalovakatani ka talaidredre! Au sa sega beka ni kila ni ko sa digitaki koya na luve i Jese mo vakamaduataki kina, me vakamaduataki talega kina ko tinamu ni sa luvawale?
31Ia e na veisiga kecega ena bula kina na luve i Jese e na dela ni vanua, ko na sega ni vakataudeitaki, se na nomu matanitu. Ia oqo, mo talaki mo kauti koya mai vei au, ni sa dodonu me mate ko koya.”
32A sa vosa ko Jonacani vei Saula na tamana, ka kaya vua, “E na vuku ni cava me vakamatei kina ko koya? A cava sa cakava?”
33Ia sa cokataka yani vua na nona moto ko Saula me cokai koya. A sa kila kina ko Jonacani ni sa nakita ko tamana me vakamatei Tevita.
34A sa tucake ko Jonacani mai na tepeli ka sa waqawaqa na nona cudru, ka sega ni kana e nai karua ni siga ni vula, ni sa rarawa na lomana e na vuku i Tevita, ka ni sa vakamadualaki koya ko tamana.
35Ia e na mataka sa lako yani ki na were ko Jonacani me vaka erau a lokuca kei Tevita, a sa tiko vata kaya e dua na gonetagane.
36A sa kaya vua na nona gone ko koya, “Mo cici mada, mo qara na gasau ka'u sa vanataka.” Ni sa cici yani na gonetagane, a sa vanataka ko koya e dua na gasau me la'ki siviti koya.
37Ia ni sa yaco ki na tikina sa vanataka kina na gasau ko Jonacani, sa kaci vua na gonetagane ko Jonacani, ka kaya, “Sa sega li ni no vaka ki liu vei iko na gasau?”
38Ka sa kaci muria yani na gonetagane ko Jonacani, “Mo kusa rawa! Mo vakatotolo! Kakua tale ni wawa!” A sa kumuna vata na gasau na gonetagane i Jonacani, ka lako mai vua na nona turaga.
39Ia sa sega sara ni kila e dua na ka na gonetagane. O Jonacani ga kei Tevita erau kila vata na ka ko ya.
40A sa solia ko Jonacani na nona i yaragi vei koya na nona gonetagane ka sa kaya vua, “Mo lako, mo kauta ki na koro.”
41Ni sa lako yani na gonetagane, sa tucake ko Tevita mai na yasana sa donuya na ceva, ka sa vuki vakatoboicu me vakanamata ki na qele, ka cuva vakatolu. A rau sa veireguci, ka veitagicaki; a sa tagi vakalevu cake ko Tevita.
42A sa kaya vei Tevita ko Jonacani, “Mo lako ga e na vakacegu, ni daru sa bubului vata e na yaca i Jiova, ka vaka ne, ‘Me lewai kedaru ko Jiova, kei na noqu kawa kei na nomu kawa ka sega ni mudu.’ ” A sa cavu tu ko koya ka lako yani, ka sa lesu ki na koro ko Jonacani.
Who We AreWhat We EelieveWhat We Do
2025 by iamachristian.org,Inc All rights reserved.
