1 Aisea 34.5-17; Jere 49.7-22; Isi 25.12-14; 35.1-15; Emo 1.11,12; Ope 1.1-14; Mala 1.2-5 Ko cei oqo sa lako tiko mai Itomi?
Ka sa vakaisulu damudamu tu mai Posira?
O koya sa vakaiukuuku na nona i sulu,
ka sa lako tiko vakaturaga mai e na nona kaukauwa levu?
“Koi au ka vosa dodonu, ka kaukauwa
me'u ia na veivakabulai.”
2A cava sa damudamu kina na nomu i sulu,
kei na nomu i tutuvi ni sa vaka na nona sa butuqaqia nai keli-waini?
3 Vtaki 14.20; 19.13,15 “Nai keli-waini ka'u sa butuqaqia vakataki au ga,
ia vei ira na veimataqali sa sega e dua me keirau lewe rua kaya;
ia ka'u na butuqaqia ga e na noqu cudru
ka butuka e na noqu cudru katakata;
ia na kedra dra sa kureitaki mai ki na noqu i sulu,
kei na noqu i tutuvi talega ka'u a lomoca sara kina.
4Ni'u sa nakita na siga ni veisausaumi,
ia sa qai yaco na nodra yabaki na tamata, ka'u sa vakabula.
5 Aisea 59.16 Ia ka'u a vakararai voli ka sa sega e dua na dauniveivuke;
ia ka'u a kurabui ni sa sega e dua sa tokona mai;
sa qai ia na veivakabulai na ligaqu dina, e na vukuqu,
ia sa tokoni au na noqu cudru katakata.
6Ia ka'u sa butuki ira na veimataqali e na noqu cudru,
ka'u sa vakamatenitaki ira e na noqu cudru katakata,
ka'u sa vakadavea ki na qele na kedra dra.”
Sa Nanumi na Yaloveivosoti ni Kalou7Au na tukuna na yalololoma levu i Jiova,
ka'u na vakacaucautaki Jiova,
me vaka na ka kecega sa vakayacora vei keimami ko Jiova;
kei na nona loloma levu sa vakayacora ki na vale i Isireli;
me vaka na nona daulomani ira,
ka vaka na kena levu ni nona yalololoma.
8Ni sa kaya ko koya, “E dina ga era sa noqu tamata,
era sa luvequ era na sega ni lasu;”
ka sa yaco ko koya me nodra i vakabula
9e na nodra rarawa kecega sa rarawa kina ko koya,
ia na agilosi sa tiko e matana sa dauvakabulai ira;
ni ra sa yalololoma ko koya, ka daulomani ira, sa dauvakabulai ira kina ko koya;
ka sa keveti ira, ka kauti ira e na veisiga kece eliu.
10Ia era sa talaidredre ga,
ka vakararawataka na nona Yalo Tabu;
ka sa vuki kina ko koya me nodra meca;
ka sa veivala kei ira ko koya.
11A ra sa qai nanuma na veisiga eliu,
na gauna i Mosese kei ira na nona tamata,
a ra kaya, Sa evei ko koya ka kauti ira cake mai na waitui,
kei ira nai vakatawa ni nona sipi?
Sa evei ko koya ka solia ki na lomadra
na nona Yalo Tabu,
12 Lako 14.21 ka kauti ira e na liga i matau i Mosese,
e na ligana vakaturaga,
ka wasea na wai e matadra
me rogo kina na yacana ka sega ni mudu,
13ka tuberi ira yani e na wasa titobu?
Me vaka na ose e na vanua dravuisiga,
era sa sega ni tavutu.
14Me vaka na manumanu sa lako sobu ki na buca,
sa vakacegui ira vakakina na Yalo i Jiova.
Sa vakakina na nomuni tuberi ira na nomuni tamata,
mo ni cakava kina na yacamuni me vakacaucautaki.
A Masu ni Veivutuni15Mo ni rai sobu mai lomalagi,
ka vakaraica mai na nomuni tikotiko tabu sa vakaiukuuku.
Sa evei na nomuni lomakatakata, kei na nomuni kaukauwa?
Na yavavala ni lomamuni kei na nomuni yalololoma vei au, sa kinoci beka tu?
16Ni sai kemuni na tamai keimami;
ia ko Eparaama sa lecavi keimami,
ka sa sega ni kilai keimami ko Isireli;
sai kemuni ga, i Jiova, na tamai keimami,
na neimami i Vakabula sa mai liu sara na yacamuni.
17A cava ko ni sa vakasesei keimami tani kina, i Jiova, mai na nomuni sala,
ka vakaukauwataka na yalo i keimami me kakua ni rerevaki kemuni?
Mo ni lesu mai e na vukudra na nomuni tamata,
na veiyavusa era sa nomuni votavota.
18Sa bogi vica ga sa ra taukena ko ira na nomuni tamata tabu;
ia na neimami meca era sa buturaka sobu na nomuni vale tabu.
19Keimami sa qai yaco me vakataki ira na tamata ko ni a sega ni daulewa vei ira mai liu,
ko ira era sa sega ni vakayacani e na yacamuni.
Who We AreWhat We EelieveWhat We Do
2025 by iamachristian.org,Inc All rights reserved.
