1 Veigauna 25 - Ai Vola Tabu (Vakadewa Makawa Vakavoutaki 2021)（FRV21）

Na Matasere kei na Daunivakatagi ni Vale ni Kalou

1A sa wasea ko Tevita, kei ira na kavetani ni mataivalu, eso vei ira na tagane na luve i Esava, kei Imani, kei Jitucuni, ki na cakacaka, ko ira sa nodra i tavi me parofisai e na api, kei na soliteri, kei na sibali. Ia nai wiliwili ni tamata cakacaka me vaka na nodra i tavi sa vakaoqo:

2Mai vei ira na tagane na luve i Esava: ko Sakuri, kei Josefa, kei Necanaia, kei Asarela, ko iratou na luve i Esava sa lewa ko Esava, era sa ia na parofisai me vaka na nona vosa na tui.

3Mai vei Jitucuni: ko iratou na luve i Jitucuni ka tagane: ko Kitalaia, kei Siri, kei Jesaia, ko Esapaia, kei Maticaia, sa lewe ono, sa lewai iratou ko tamadratou ko Jitucuni, ko koya sa parofisai e na api, me vakavinavinaka ka vakamolimoli kivei Jiova.

4Mai vei Imani, ko iratou na luve i Imani ka tagane: ko Pukaia, ko Matanaia, ko Usieli, ko Sipueli, kei Jirimoci, ko Enanaia, ko Anani, ko Iliaca, ko Kitaliti, kei Romamiti-eseri, ko Josipikasa, ko Maloci, ko Ociri, ko Meesioci.

5Ko ira kece oqo era sa luve i Imani era tagane na nona daurai na tui e na vosa ni Kalou, me ra uvuca cake na davui. A sa solia na Kalou kivei Imani e lewe tinikava na luvena tagane ka le tolu na luvena yalewa.

6Sa vakarorogo ko ira kece oqo kivei tamadra, me ra ia na sere e na vale i Jiova, e na sibali, kei na soliteri, kei na api, e na cakacaka ni vale ni Kalou, me vaka na nona vosa na tui kivei Esava, kei Jitucuni, kei Imani.

7Ia na kedrai wiliwili, kei ira na wekadra era sa vakatavulici e na sere vei Jiova, io ko ira kece era sa vuku, sa le rua na drau ka walusagavulu ka walu.

8A ra sa ia na vakawiri madigi na dui mata cakacaka kecega, ko koya sa lailai kei koya sa levu, ko koya sai vakavuvuli kei koya talega sa vakatavulici.

9Ia ni sa ia na vakawiri madigi vakadua sa qaravi Esava me nei Josefa; ia nai karua sa qaravi Kitalaia, ko koya, kei iratou na tacina, kei iratou na luvena tagane, era sa le tinikarua;

10ai katolu sa qaravi Sakuri, ko iratou na luvena tagane, kei iratou na tacina, era sa le tinikarua;

11ai kava sa qaravi Jeseri, ko iratou na luvena tagane, kei iratou na tacina, era sa le tinikarua;

12ai kalima sa qaravi Necanaia, ko iratou na luvena tagane, kei iratou na tacina, era sa le tinikarua;

13ai kaono sa qaravi Pukaia, ko iratou na luvena tagane, kei iratou na tacina, era sa le tinikarua;

14ai kavitu sa qaravi Jisarela, ko iratou na luvena tagane kei iratou na tacina, era sa le tinikarua;

15ai kawalu sa qaravi Jesaia, ko iratou na luvena tagane, kei iratou na tacina, era sa le tinikarua;

16ai kaciwa sa qaravi Matanaia, ko iratou na luvena tagane, kei iratou na tacina, era sa le tinikarua;

17ai katini sa qaravi Semeai, ko iratou na luvena tagane, kei iratou na tacina, era sa le tinikarua;

18ai katinikadua sa qaravi Esareli, ko iratou na luvena tagane, kei iratou na tacina, era sa le tinikarua;

19ai katinikarua sa qaravi Esapaia, ko iratou na luvena tagane, kei iratou na tacina, era sa le tinikarua;

20ai katinikatolu sa qaravi Supaeli, ko iratou na luvena tagane, kei iratou na tacina, era sa le tinikarua;

21ai katinikava sa qaravi Maticaia, ko iratou na luvena tagane, kei iratou na tacina, era sa le tinikarua;

22ai katinikalima sa qaravi Jirimoci, ko iratou na luvena tagane, kei iratou na tacina, era sa le tinikarua;

23ai katinikaono sa qaravi Enanaia, ko iratou na luvena tagane, kei iratou na tacina, era sa le tinikarua;

24ai katinikavitu sa qaravi Josipikasa, ko iratou na luvena tagane, kei iratou na tacina, era sa le tinikarua;

25ai katinikawalu sa qaravi Anani, ko iratou na luvena tagane, kei iratou na tacina, era sa le tinikarua;

26ai katinikaciwa sa qaravi Maloci, ko iratou na luvena tagane, kei iratou na tacina, era sa le tinikarua;

27ai karuasagavulu sa qaravi Iliaca, ko iratou na luvena tagane, kei iratou na tacina, era sa le tinikarua;

28ai karuasagavulu ka dua sa qaravi Ociri, ko iratou na luvena tagane, kei iratou na tacina, era sa le tinikarua;

29ai karuasagavulu ka rua sa qaravi Kitaliti, ko iratou na luvena tagane, kei iratou na tacina, era sa le tinikarua;

30ai karuasagavulu ka tolu sa qaravi Meesioci, ko iratou na luvena tagane, kei iratou na tacina, era sa le tinikarua;

31ai karuasagavulu ka va sa qaravi Romamiti-eseri, ko iratou na luvena tagane, kei iratou na tacina, era sa le tinikarua.