1 Korinica Nai Vakamacala Taumada - Ai Vola Tabu (Vakadewa Makawa Vakavoutaki 2021)（FRV21）

Nai Vakamacala Taumada Nai Matai ni Vola i Paula vei ira mai Korinica sa volai me baleta na leqa ni bula kei na vakabauta Vakarisito sa yaco ena i soqosoqo lotu ka tauyavutaka ko Paula mai Korinica. Ena gauna ko ya, a sa dua na koro vakaitamera ena vanua vaka-Kirisi ko Korinica, ka kena koro turaga na yasana vaka-Roma ko Akaia. Sa levu sara na veimatatamata era tiko kina, ka sa kilai levu ko Korinica ni vanua e toso vakavinaka sara kina na veivoli, e kilai ena kenai tovo vakasakiti eso, ka tubu cake vakalevu talega kina nai tovo ca kei na veimataqali lotu.Na ka e goleva vakabibi nai apositolo sai koya na leqa ni nodra veisei, nai tovo ca ena loma ni lotu vata kei na veika me baleta na tagane kei na yalewa, na vakawati, na lewa-e-loma, nai vakarau ni lotu, nai solisoli ni Yalo Tabu, vata kei na tucake tale mai na mate. Sa titobu talega nai tovo ni nona vakaraitaka na sala sa vosa kina nai Tukutuku Vinaka ena veika ko ya.Na wase 13 e dusia nai solisoli uasivi duadua ni Kalou vei ira na nona tamata, sai koya na loloma, ka sai koya talega na wase ni vola kilai levu duadua ena i vola oqo.Na Lewe ni VolaNai vakamacala taumada 1.1-9

Na tatawasewase ena loma ni lotu 1.10—4.21

Na veidauci kei na bula vakavuvale 5.1—7.40

Na lotu Vakarisito kei ira na tawa-lotu 8.1—11.1

Na bula ni lotu kei na sokalou 11.2—14.40

Na tucake tale i Jisu kei ira era sa vakabauta 15.1-58

Nai solisoli vei ira na lotu Vakarisito mai Jutia 16.1-4

Na veika tale eso kei na kenai tinitini 16.5-24