Cakacaka 1 - Ai Vola Tabu (Vakadewa Makawa Vakavoutaki 2021)（FRV21）

Na Yalataki ni Yalo Tabu

1 Sa Kau Cake ko Jisu

6Ni ra sa qai soqoni vata era sa tarogi koya, ka kaya, “Kemuni na Turaga, ko ni na vakalesui ira na Isireli me ra matanitu tale e na gauna oqo, se segai?”

7A sa kaya vei ira ko koya, “Sa sega ni nomudou mo dou kila na kena gauna, se na kena yabaki, sa lewa duaduaga kina ko Tamaqu.

8Maciu 28.19; Mari 16.15; Luke 24.47,48

Ia dou na rawata na kaukauwa ni sa lako mai vei kemudou na Yalo Tabu; ka dou na qai dautukuni au mai Jerusalemi, kei Jutia taucoko, kei Samaria, ka yacova nai yalayala kei vuravura.”

9Mari 16.19; Luke 24.50,51Ni sa tukuna oti na veika oqo ko koya, sa qai kau cake, ni ra sa vakaraica tiko, a sa dua na o sa tabonaki koya mai na matadra.

10Ia ni ra sa rai matua ki lomalagi, ni sa lako yani ko koya, raica, e le rua na tamata sa tu voleka vei ira erau vakaisulu vulavula.

11A rau sa kaya, “Oi kemudou na kai Kalili, dou sa tu ka rai matua ki lomalagi e na vuku ni cava? Ko Jisu oqo ko koya sa kau tani cake vei kemudou ki lomalagi, ena lako tale mai vakakina me vaka dou sa raici koya ni sa lako ki lomalagi.”

Digitaki ko Mataiasi me Sosomitaki Jutasa(Maciu 27.3-10)

12Era sa qai lesu tale ki Jerusalemi mai na ulunivanua sa vakayacani ki na veiolive, sa voleka ki Jerusalemi me vaka ga na kena yawa sa dau lakovi e na dua na Siga ni Vakacecegu.

13Maciu 10.2-4; Mari 3.16-19; Luke 6.14-16Ia ni ra sa curu ki loma, era sa cabe ki nai taba loma ni vale e cake, era sa dautiko kina, ko Pita, kei Jemesa, kei Joni, kei Adriu, kei Filipe, kei Tomasi, ko Pacolomiu, kei Maciu, ko Jemesa na luve i Alifio, kei Saimoni e dua vei ira sa vakatokai Na gumatua, kei Jutasa na taci Jemesa.

14Era sa gumatua kecega ko ira oqo, a ra sa lomavata e na kerekere kei na daumasu, kei iratou talega na yalewa, kei Meri na tina i Jisu, kei iratou na tacina.

15Ia e na gauna ko ya, sa tucake kina ko Pita e na kedra maliwa na veiwekani (ni sa wili vata na yacadra era sa le dua beka na drau ka ruasagavulu,) a sa kaya,

16“Oi kemudou na veiwekani, e dodonu me vakayacori na tiki-ni-Vola Tabu oqo, ka vosataka eliu na Yalo Tabu e na gusu i Tevita, e na vuku i Jutasa, ko koya ka liutaki ira era sa tauri Jisu—

17ni sa wili vata kei keda ko koya ka sa lesi ki na cakacaka oqo.”

18Maciu 27.3-8(Ia na tamata oqo sa volia e dua na tiki ni vanua e nai voli ni nona i valavala ca; a sa lutu ka saumakidule ki ra, a sa kacabote na boto ni ketena, a sa kasabura kecega na nona wawa.

19A sa kilai na ka oqo vei ira kecega sa tiko mai Jerusalemi, ka sa vakatokai kina na tiki ni vanua ko ya e na nodra vosa, Akeletama, o koya ko ya, Na Vanua ni Dra.)

20Same 69.25; 109.8“Ni sa volai e nai vola ni Same,

‘Me lala didi na nona vale,

ia me kakua na tamata me tiko kina’;

ia,

‘Me dua tale me taura na nona i tavi.’

21 Maciu 3.16; Mari 1.9; 16.19; Luke 3.21; 24.51 O koya sa dodonu kina, me dua mada vei ira na tamata era sa tiko vata kei keda e na gauna kecega sa tiko kina kei keda na Turaga ko Jisu,

22me vakatekivu mai na papitaiso i Joni ka yacova na siga sa kau cake kina vei keda ko koya—me lesi ko koya oqo me i vakadinadina ni tucake tale mai na mate vata kei keda.”

23A ra sa qai vakatura e lewe rua, ko Josefa sa vakatokai ko Parisapa, a yacana talega ko Jusito, kei Mataiasi.

24Era sa qai masu, ka kaya, “Oi Kemuni na Turaga, ko ni sa kila na yalo ni tamata kecega, mo ni vakatakila mai se ko cei vei rau oqo ko ni sa digitaka

25me veisosomitaki e na veiqaravi oqo kei na cakacaka vakaiapositolo, ka sa lako tani mai kina ko Jutasa me lako ki na nona tikina.”

26A ra sa qai vakawiri madigi e na vukudrau, a sa bale vei Mataiasi; a sa wili vata kina ko koya kei ira nai apositolo e le tinikadua.