1Ia koi au, ni'u sa lako yani vei kemudou, na veiwekani, au sa sega ni lako e na vosa vinaka se na vuku, ni'u sa vunautaka vei kemudou na vosa sa tukuni kina na Kalou.
2Ni sa dei na yaloqu me'u kakua ni kila e na kemudou maliwa e dua na ka tani, ko Jisu Karisito duaduaga, kei na nona lauvako ki na kauveilatai.
3Caka 18.9Ia ka'u a tiko vata kei kemudou e na malumalumu, kei na rere, kei na sautaninini levu.
4Ia na noqu vosa, ni'u sa vunau, sa sega ni ia e na vosa vakaveitemaki ni vuku vakatamata, sa ia ga e na kena vakadinadinataki ni Yalo Tabu, kei na kaukauwa-mana,
5me kakua kina ni tu na nomudou vakabauta e na nodra vuku na tamata, e na kaukauwa ga ni Kalou.
Na Vuku ni Kalou6Ia keitou sa tukuna na vuku e na kedra maliwa era sa yalomatua sara, a sa sega ga na vuku ni vuravura oqo, se na nodra vuku na turaga ni vuravura oqo, o koya sa yaco me ka wale.
7Ia na vuku ga ni Kalou keitou sa tukuna e na ka vuni, io, oqori ka vunitaki eliu, ka lesia na Kalou ni se bera ni caka ko vuravura me da vakalougatataki kina.
8Ia ka sa sega e dua na turaga ni vuravura oqo sa kila, ia kevaka era sa kila, era sa sega ni vakota ki na kauveilatai na Turaga vakaiukuuku.
9Aisea 64.4Ia me vaka sa volai,
“Sa sega na mata sa kunea, se na daliga sa rogoca,
ka sa sega ni curu ki na loma ni tamata,
na veika sa vakarautaka na Kalou me nodra era sa lomani koya”—
10na veika oqo sa vakatakila mai na Kalou vei keda e na Yalo Tabu; ni sa dikeva na ka kecega na Yalo Tabu, io, na veika titobu ni Kalou.
11Io, ko cei na tamata sa kila na ka ni tamata, a yalo ni tamata ga sa tiko e lomana? Sa vaka talega kina na veika ni Kalou sa sega e dua sa kila, sa kila ga na Yalo ni Kalou.
12Ia eda sa sega ni rawata na yalo ni vuravura, na Yalo ga sa mai vua na Kalou; me da kila kina na veika sa solia walega mai vei keda na Kalou.
13A veika oqori keitou sa tukuna talega, ia ka sa sega ga e na vosa sa vakatavulica na vuku ni tamata, o koya ga sa vakatavulica na Yalo Tabu; ni keitou sa vakamacalataka na veika vakayalo vei ira sa vakayalo.
14Ia na tamata sa vakayago sa sega ni vakabauta na veika ni Yalo ni Kalou, ni sa ka lialia vua, a sa sega ni kila rawa ko koya, ni ra sa kilai vakayalo ga.
15Ia ko koya sa vakayalo sa kila na ka kecega, ka sa sega e dua sa vakalewai koya.
16 Aisea 40.13 “Io, ko cei sa kila na loma ni Turaga,
me vakatavulici koya kina?”
Ia sa tu vei keda na loma i Karisito.
Who We AreWhat We EelieveWhat We Do
2025 by iamachristian.org,Inc All rights reserved.
