Isikeli 40 - Ai Vola Tabu (Vakadewa Makawa Vakavoutaki 2021)（FRV21）

Na Raivotu ni Vale Tabu Vou(40.1—48.35)Sa Kau ko Isikeli ki Jerusalemi

1E nai karuasagavulu ka lima ni yabaki ni neimami tiko vakabobula, e nai vakatekivu ni yabaki, e nai katini ni siga ni vula, sa oti e katinikava na yabaki ni kena samu na koro, e na siga dina ko ya sa tiko vei au na liga i Jiova, ka sa kauti au ki kea.

2; ka sa vakarautaka na kena raraba ni bai, a sa dua ga na gasau; kei na kena cecere, a sa dua ga na gasau.

6Sa qai lako mai ko koya ki na matamata-ni-koro sa qara donu vaka ki na tokalau, ka sa cabeta na kenai kabakaba, ka vakarautaka e dua nai lago ni matamata-ni-koro, a sa dua ga na gasau na kena raraba; kei na lago kadua, a sa dua ga na gasau na kena raraba.

7Ia na kena veivalevale sa dui yadua na gasau na kena balavu, ka dui yadua na gasau na kena raraba; ia na kena tadrua ni veivalevale sa dui lima na kiupiti; ia nai lago ni matamata-ni-koro e nai curucuru ni matamata-ni-koro ki loma, sa dua ga na gasau.

8Sa vakarautaka talega ko koya nai curucuru ni matamata-ni-koro ki loma, a sa dua ga na gasau.

9Sa qai vakarautaka ko koya nai curucuru ni matamata-ni-koro, a sa walu na kiupiti; kei na kena duru, a sa rua na kiupiti; ia nai curucuru ni matamata-ni-koro sa tu ki loma.

10Ia na kena veivalevale ni matamata-ni-koro ki na tokalau sa tolu vaka ka tolu vaka; sai vakarau vata tolutolu ga. Ka sai vakarau vata na kena duru ni katuba e na yasana oqo kei na yasana ko ya.

11A sa vakarautaka na kena raraba ni curucuru ni matamata-ni-koro, ka sa tini na kiupiti; kei na kena balavu, sa tini ka tolu na kiupiti.

12Ia na kedra maliwa na veivalevale sa dui dua na kiupiti e na tabana oqo, ka dui dua na kiupiti e na tabana ko ya; ia na veivalevale sa dui ono na kiupiti e na tabana oqo, ka dui ono na kiupiti e na tabana ko ya.

13Sa qai vakarautaka ko koya na matamata-ni-koro, mai na dela ni valevale e dua ki na dela ni kenai sa; na kena raraba sa ruasagavulu ka lima na kiupiti, ka sa dui veidonui na katuba.

14A sa cakava ko koya nai yatu duru, ka sa dui onosagavulu na kiupiti, ka yala ki na duru ni lomanibai sa tu volita na matamata-ni-koro.

15Ia mai na mata ni matamata-ni-koro mai nai curucuru ka yala ki na mata ni curucuru ni matamata-ni-koro ki loma sa limasagavulu na kiupiti.

16A sa dui vakaduba na veivalevale, na tadrua talega ni dui kedra duru e tu voli e loma ni matamata-ni-koro, ka sa dui vaka talega kina na kedrai lolo, ia na kedra katuba lalai sa tu voli e loma; ia sa dui ceuti tu ga ki na duru yadua na vuni niu-sawa.

Na Lomanibai ki Sau

17Sa qai kauti au ko koya ki na lomanibai ki sau, ka raica, sa tu nai yatu vale, kei na raravatu sa caka tu me volita na lomanibai. Sa tolusagavulu na vale e dui donuya tu na raravatu.

18Ia na raravatu ki taba ni matamata-ni-koro ka balavu vata kei na matamata-ni-koro, sai koya na raravatu e ra.

19Sa qai vakarautaka ko koya na kena raraba mai na mata ni matamata-ni-koro e ra ka yala ki na mata ni matamata-ni-koro ki sau ni lomanibai e loma, a sa dui dua na drau na kiupiti vaka ki na tokalau, kei na vualiku.

Na Matamata ki na Vualiku

20Ia sa vakarautaka ko koya na kena balavu kei na kena raraba na matamata-ni-koro ni loma ni bai e sau, o koya sa donuya na mata ni vualiku.

21Ia sa tolu na kena veivalevale e na tabana oqo ka tolu e na tabana ko ya; ia na kena duru kei na kenai lolo sai vakarau vata ga kei nai matai ni matamata-ni-koro. Ia na kena balavu sa limasagavulu na kiupiti kei na kena raraba sa dui ruasagavulu ka lima na kiupiti.

22Ia na kedra katuba lalai, kei na kedrai lolo, kei na kedra vuni niu-sawa sai vakarau vata ga kei na matamata-ni-koro sa qara donu ki na tokalau. Ia na kenai kabakaba era sa cabe cake kina sa vitu na kenai vava; ia na kenai lolo sa tu ga e matadra.

23Ia na matamata-ni-koro ni lomanibai e loma sa dui donuya na matamata-ni-koro ki na mata ni vualiku, ka vaka ki na tokalau; ka sa vakarautaka ko koya mai na matamata-ni-koro e dua ki na matamata-ni-koro kadua, ka sa dua na drau na kiupiti.

Na Matamata ki na Ceva

24Sa qai kauti au ko koya vaka ki na mata ni ceva, ka raica, sa dua na matamata-ni-koro sa donuya na mata ni ceva. Ka sa vakarautaka na kena duru kei na kenai lolo, ka sa vaka nai vakarau ga ko ya

25A sa caka kina na katuba kei na kenai lolo sa tu voli, me vaka na katuba lalai ko ya. Sa limasagavulu na kiupiti na kena balavu, ka sa ruasagavulu ka lima na kena raraba.

26Ka sa dua kina na kenai kabakaba ka sa vitu na kenai vava, ia na kenai lolo sa tu ki liu. Sa ceuti talega na niu-sawa, e dua vaka, ka dua vaka, e na kena duru.

27Ka sa dua na matamata-ni-koro e na lomanibai e loma vaka ki na mata ni ceva; ka sa vakarautaka ko koya mai na matamata-ni-koro e dua ki na matamata-ni-koro vaka ki na ceva, ka sa dua na drau na kiupiti.

Na Lomanibai ki Loma

28A sa kauti au ko koya ki na lomanibai ki loma e na matamata-ni-koro ki na ceva; ka sa vakarautaka na matamata-ni-koro ki na ceva, ka sa vaka ga nai vakarau ko ya;

29kei na kena veivalevale, kei na kena duru, kei na kenai lolo, ka sa vaka ga nai vakarau ko ya; ka sa so na kena katuba kei na kenai lolo sa tu voli. A sa limasagavulu na kiupiti na kena balavu, ka ruasagavulu ka lima na kena raraba.

30Ia na kenai lolo e tu volita sa dui ruasagavulu ka lima na kena cecere, ka dui lima na kiupiti na kena raraba.

31Ia na kenai lolo sa donuya tu na lomanibai ki sau; ia na niu-sawa sa ceuti tu ga ki na kena duru, ia nai wiliwili ni kenai kabakaba ki cake e walu.

32A sa kauti au ko koya ki na lomanibai ki loma vaka ki na tokalau, ka sa vakarautaka na kena matamata-ni-koro, ka sa vaka ga nai vakarau ko ya.

33Ia na kena veivalevale, kei na kena duru, kei na kenai lolo, sa vaka ga nai vakarau ko ya; ka sa tu kina eso na katuba, kei na kenai lolo e tu volita. Ka sa limasagavulu na kiupiti na kena balavu, ka sa ruasagavulu ka lima na kena raraba.

34Ia na kenai lolo sa donuya tu na lomanibai ki sau; ia na niu-sawa sa ceuti tu ga ki na kena duru, e na tabana oqo kei na tabana ko ya; ka sa walu na kenai vava ki na kenai kabakaba.

35Ka sa kauti au ko koya ki na matamata-ni-koro ki na mata ni vualiku, ka sa vakarautaka ko koya, ka sa vaka nai vakarau ga ko ya;

36na kena veivalevale, kei na kena duru, kei na kenai lolo, kei na kena duba lalai e tu volita. Sa limasagavulu na kiupiti na kena balavu, ka ruasagavulu ka lima na kena raraba.

37Ia na kena duru sa donuya tu na lomanibai ki sau; ia na niu-sawa sa ceuti tu ga ki na kena duru, ki na tabana oqo, kei na tabana ko ya; ka sa walu na kenai vava e na kenai kabakaba.

38Ia na kenai yatu vale, kei na kedra katuba sa volekata tu na duru ni matamata-ni-koro, era dauvakasilima kina nai soro kama.

39Ia e nai curucuru ni matamata-ni-koro sa rua kina na tepeli e na tabana oqo, ka rua na tepeli e na tabana ko ya, me vakamatei kina nai soro kama kei nai soro ni valavala ca kei nai soro ni caka cala.

40Ia e na tabana ki taudaku, e nai kabakaba mai na mata ni matamata-ni-koro sa donuya na vualiku, sa rua kina na tepeli; ia e na tabana talega kadua, mai na mata ni matamata-ni-koro, sa rua kina na tepeli.

41Sa va na tepeli ka tu vaka, ka va talega na tepeli ka tu vaka, e na taba ni matamata-ni-koro; e walu na tepeli era vakamatea kina nai soro.

42Ia na tepeli oqo va-va, sa cabo kina na kenai soro kama, sa caka e na vatu e ta, ka sa dua veimama na kiupiti na kena balavu, ka vakakina na kena raraba, ka dua na kiupiti na kena cecere, era daukotora talega kina nai yaya era vakamatea kina nai soro kama kei nai soro.

43A sa so na vata rabailalai sa vakarautaki voli tu ki loma. Ia e na dela ni tepeli sa no kina na lewe-ni-manumanu sai soro.

Na Nodra i Yatu Vale na Bete

44Ia mai taudaku ni matamata-ni-koro ki loma sa tu kina na nodra i yatu vale na dau-ni-sere, e na lomanibai ki loma, mai na taba ni matamata-ni-koro ki na mata ni vualiku; ka sa donuya tu na mata ni ceva, e dua talega ka tu ki na taba ni matamata-ni-koro ki na tokalau, ka sa donuya na mata ni vualiku.

45A sa kaya vei au ko koya, Nai yatu vale oqo, sa donuya na mata ni ceva, sa nodra na bete, era vakaitavi e na cakacaka ni vale.

46Ai yatu vale talega oqo sa donuya na mata ni vualiku sa nodra na bete, era vakaitavi e na cakacaka ni cabocabo-ni-soro. Ko ira oqo na luve i Setoki na luve i Livai, era torovi Jiova me cakacaka vei koya.

47A sa vakarautaka ko koya na lomanibai, a sa dua na drau na kiupiti na kena balavu, ka dua na drau na kiupiti na kena raraba, ka sa takiveilevu na veiyasana; kei nai cabocabo-ni-soro e na mata ni vale.

Nai Curucuru ni Vale Tabu

48A sa kauti au ko koya ki nai curucuru ni vale tabu, a sa vakarautaka yadua na duru ni curucuru, a sa dui lima na kiupiti na tabana oqo, ka dui lima na kiupiti ki na tabana ko ya. Ia na kena raraba ni katuba sa tolu na kiupiti ki na tabana oqo, ka tolu na kiupiti ki na tabana ko ya.

49A kena balavu ni curucuru sa ruasagavulu na kiupiti, kei na kena raraba sa tini ka dua na kiupiti; a sa kauti au cake ko koya ki nai kabakaba era cabe kina. Ka sa tu mai na duru lelevu ka volekata na duru wale, e dua vaka, ka dua vaka.