1“Dou rogoca na vosa oqo, oi kemudou na bulumakau yalewa ni Pasani
ka sa tiko e na ulunivanua ni Samaria,
oi kemudou sa dauvakasaurarataki ira na dravudravua, ka butuqaqi ira na luveniyali,
ka kaya vei ira na nodra turaga, ‘Kauta mai, me da mai gunu!’
2Sa bubului na Turaga ko Jiova, ka sa cavuta na nona yalododonu,
Raica, ena yaco na gauna
ena kauti kemudou tani kina ko koya, e na siwa,
kei na nomudou kawa, ni sa siwati ira.
3Ia dou na dui curu yani e na kabasu ni bai,
e na tikina dou sa dui donuya,
mo dou dui la'ki biu ki na koro kaukauwa,”
sa kaya ko Jiova.
4“Dou lako mai ki Peceli—ka ia nai valavala ca;
ki Kilikali—ka vakalevutaka na nomudou caka cala;
dou kauta mai e na veimataka na nomudou i soro,
kei na nomudou i katini e na veiyatolu na siga;
5dou cabora talega nai madrali ni vakavinavinaka sa vakaleveni,
ka kacivaka ka vola nai madrali sa vakacabori wale;
ni dou sa vinakata me vakaoqo, na Isireli!”
sa kaya na Turaga ko Jiova.
Sega ni Ciqoma na Veivakadodonutaki ko Isireli6“Ia koi au talega, ka'u a solia me savasava na batimudou e na nomudou veikoro kecega,
io, mo dou viakana mai e na nomudou veiyasana kecega,
ia dou a sega ga ni lesu vei au,”
sa kaya ko Jiova.
7“Ia koi au talega ka'u a bureitaka vei kemudou na uca,
ni sa vo e tolu na vula ka me qai cava na yabaki;
ia ka'u a vakatauca na uca ki na dua na koro,
ka sega ni vakatauca ki na dua tale na koro;
e dua na tikina sa tau kina na uca,
ia na tikina e sega ni tau kina sa malai;
8a sa se ki na dua ga na koro e rua se tolu na koro,
me ra gunu wai, ia era sa sega ni mamau kina;
ia dou a sega ga ni lesu vei au,”
sa kaya ko Jiova.
9“Au a cudruvi kemudou e na cagi todra kei na bokata;
ni sa levu mai na nomudou veiwere, kei na nomudou veiloga-ni-vaini, kei na nomudou veilolo, kei na nomudou veiolive,
sa kania ga na vodre dauquru;
ia dou a sega ni lesu vei au,”
sa kaya ko Jiova.
10“Au a tala vei kemudou na mate dauveiveitauvi vaka-Ijipita;
au a vakamatei ira na nomudou cauravou e nai seleiwau,
ko ira vata kei na nomudou ose ka vakabobulataki;
io, ka'u a vakuvuya cake na boi ca ni nomudou i tikotiko vakaivalu ki na ucumudou;
ia dou a sega ga ni lesu vei au,”
sa kaya ko Jiova.
11 Vteki 19.24 “Au a vukica eso vei kemudou,
me vaka ka vukici Sotoma kei Komora na Kalou,
ia dou a vaka na tiki ni buka sa kaliraki mai na bukawaqa;
ia dou a sega ga ni lesu vei au,”
sa kaya ko Jiova.
12“O koya ka'u na kitaka kina vakaoqo vei iko, na Isireli,
ia ni'u na kitaka na ka oqo vei iko na Isireli,
mo vakarau mo veitavaki kei na nomu Kalou ko iko na Isireli!”
13Mo kila ni sai koya ka bulia na veiulunivanua, ka vakatubura na cagi,
ka sa tukuna vua na tamata na ka e vakananuma kina,
o koya sa cakava na mataka me butobuto,
ka sa butuka na veiyasana cecere kei vuravura—
na yacana ko Jiova, na Kalou-ni-lewevuqa!
Who We AreWhat We EelieveWhat We Do
2025 by iamachristian.org,Inc All rights reserved.
