Josua 14 - Ai Vola Tabu (Vakadewa Makawa Vakavoutaki 2021)（FRV21）

Na Veivota Vanua e na Ra ni Joritani

1Ia oqo era sa taukena na Isireli mai na vanua ko Kenani, o koya sa solia ko Iliesa na bete, kei Josua na luve i Nuni, kei iratou na qase ni nodra veiyavusa na Isireli, mei votavota vei ira.

2Tiko 26.52-56; 34.13Ka sa votai e na vakawiri madigi me nodra na yavusa e ciwa kei na dua na yavusa-veimama, me vaka ka vakarota ko Jiova e na gusu i Mosese.

3Tiko 32.33; 34.14,15; Vrua 3.12-17A sa solia oti ko Mosese na nodra tikina na yavusa e rua kei na dua na yavusa-veimama mai tai kadua ni Joritani; ia sa sega ni solia ko koya edua nai votavota vei ira na Livai e na kedra maliwa.

4Ni sa rua na yavusa, ko Manasa kei Ifereimi, koi rau na luve i Josefa; ka sa sega ni soli e dua na tiki ni vanua vei ira na Livai, ia sa soli ga vei ira na veikoro me ra tiko kina, kei na vanua veico sa volita me yaga ki na nodra manumanu kei na nodra i yau.

5Me vaka sa vakarota vei Mosese ko Jiova, era kitaka vakakina ko ira na Isireli, ka ra sa vota na vanua.

Votai na Vanua ko Epironi kivei Kelepi

6 Tiko 14.30 Era qai lako mai vei Josua ki Kilikali ko ira na Juta; a sa kaya vua ko Kelepi na luve i Jifune, na Kenisaiti, “O sa kila na vosa ka kaya vei Mosese, e na vukudaru, mai Ketesa-banea.

7Tiko 13.1-30Sa vasagavulu na noqu yabaki ni sa talai au mai Ketesa-banea ko Mosese, na tamata ni Kalou ko Jiova, me'u la'ki yamata; ia ka'u a kauta tale vua nai tukutuku dina sa tu e lomaqu.

8Ia ko iratou na wekaqu keitou a lako vata, eratou vakadatuvutaka na yalodra na tamata; ia koi au ga ka'u a muri Jiova na noqu Kalou e na yaloqu taucoko.

9Tiko 14.24A sa bubului e na siga ko ya ko Mosese, ka kaya, ‘Ena nomu i votavota vakaidina ga na vanua sa butuka na yavamu, kei na nodra na nomu kawa ka tawa mudu ni ko sa muri Jiova sara ga na noqu Kalou.’

10Ia oqo, raica, sa vakabulai au tikoga ko Jiova, e na yabaki e vasagavulu ka lima oqo, ni ra sa veilakoyaki tikoga na Isireli mai na vanua lala, me vaka ka kaya ko koya, io mai na siga ka vosataka kina na vosa oqo ko Jiova vei Mosese. Ia oqo, raica, sa qai walusagavulu ka lima na noqu yabaki edaidai.

11Au se kaukauwa tiko edaidai, me vaka e na siga ka talai au kina ko Mosese; na noqu kaukauwa edaidai sa vaka na noqu kaukauwa e na siga ko ya, me'u la'ki valu, se me'u lako yani, ka me'u lesu mai.

12Ia oqo, mo solia kina vei au na vanua veiulunivanua oqo, ka vosa kina ko Jiova e na siga ko ya; ni ko a rogoca e na siga koya ni ra sa tiko kina na luve i Anaki, ka sa lelevu ka vakabai na veikoro; ena tiko beka kei au ko Jiova, ka'u na qai vakasavi ira rawa, me vaka ka kaya ko Jiova.”

13A sa vosavakalougatataki koya ko Josua, ka soli Epironi vei Kelepi na luve i Jifune me taukena.

14O koya sa taukeni Epironi kina ko Kelepi na luve i Jifune, na Kenisaiti, ka yacova na siga oqo, ni sa muri Jiova sara ga, na Kalou ni Isireli, ko koya.

15Ia na yaca i Epironi eliu ko Kiriaci-aripa; o koya na tamata ka rogo levu duadua vei ira na luve i Anaki. A sa mudu nai valu e na vanua.