1Au sa lako mai ki noqu were, na wekaqu, na watiqu;
au sa vetia vata na noqu mura kei na noqu kau boi vinaka;
au sa kania vata na qau qa-ni-oni kei na oni;
au sa gunuva vata na mequ waini kei na mequ wai-ni-sucu.
VeitokaniDou kana, na veiwekani; dou gunu,
io, dou gunu vakalevu, na daulomani.
Ai Kava ni SereYalewa2Au sa moce, ka sa yadra na lomaqu.
A domo i koya ka'u sa lomana sa tukituki tu, a sa kaya,
“Dolavi au, na wekaqu, na noqu matalomani,
na noqu ruve, na noqu ka savasava;
ni sa suasua walega na uluqu e na tegu,
kei na drau ni uluqu tali e na tegu ni bogi.”
Yalewa3Au sa luvata na noqu kote;
au na daramaka tale beka vakaevei?
Au sa vuya oti na yavaqu;
Au na vakadukadukalitaka tale vakaevei?
4O koya ka'u sa lomana sa daramaka na ligana ki na duba ni katuba,
ia sa yavavala na yaloqu e na vukuna.
5Au a tucake me'u dolavi koya ka'u sa lomana;
ka sa tiri na mura mai na ligaqu,
kei na mura boi vinaka mai nai qaqalo ni ligaqu,
ki nai tautauri ni loka.
6Au a dolavi koya ka'u sa lomana;
ia ka sa lesu yani ko koya ka'u sa lomana, a sa lako sara.
Sa yali na yaloqu ni sa vosa ko koya.
Au a qarai koya, ia ka'u sa sega ni kunei koya;
au a kacivi koya, ka sa sega ni rogo mai vei au.
7A ra sa raici au nai vakatawa
era daulako voli e na koro;
era sa mokuti au,
era sa vakamavoataki au;
ko ira nai vakatawa ni bai
era kauta tani na noqu i ubi.
8Au sa vakaroti kemudou, na goneyalewa ni Jerusalemi,
kevaka dou sa kunei koya ka'u sa lomana,
mo dou tukuna vua,
ni'u sa mate e na loloma.
Veitokani kei na Yalewa9A cava sa uasivi kina ko koya ko sa lomana
mai vua na tani sa lomani,
ko iko sa matavinaka cake vei ira na yalewa?
A cava sa uasivi kina ko koya ko sa lomana vua na tani sa lomani,
mo vakaroti keitou kina vakaoqo?
Yalewa10O koya ka'u sa lomana sa vulavula ka damudamu,
ka sa uasivi cake vei ira na tani era lewe tini na udolu.
11A uluna sa vaka na koula dina sara,
a drau ni uluna sa veiveliyaki,
ka loaloa me vaka na reveni.
12A matana sa vaka na mata ni ruve mai na uciwai;
sa vui e na wai-ni-sucu, ka lelevu vinaka tu.
13A baluna sa vaka na loga ni kau boi vinaka,
na senikau boi vinaka.
A tebenigusuna sa vaka na viavia,
sa tiri mai kina na mura boi vinaka.
14A ligana sa vaka na mama koula sa vono perili.
A yagona sa vaka na ivori lumilumisa sa botani e na safaia.
15A yavana sa vaka na duru vatu e veivolavolai,
sa tu e nai tutu koula dina.
A kenai rairai sa vakataki Lepanoni,
sa totoka me vaka na vu ni sitari.
16A gusuna sa kamikamica sara,
io, sa ka domoni sara ko koya.
Sai koya oqo ka'u sa lomana, ia sai koya oqo na wekaqu,
koi kemudou na goneyalewa ni Jerusalemi.
Who We AreWhat We EelieveWhat We Do
2025 by iamachristian.org,Inc All rights reserved.
